Þarf mikið óveðursbál til að jafnast á við fárviðrið í febrúar 1991.

Fárviðrið mikla 3. febrúar 1991 verður lengi í minnum haft, stundum kennt við götuna Engihjalla í Kópavogi þar sem bílar fuku og skemmdust við íbúðablokk þar. 

Mestur vindur varð 93 hnútar, ef rétt er munað, þennan dag stóð yfir mikil barátta þeirra flugvélaeigenda sem áttu vélar standandi úti á Reykjavíkurflugvelli. 

Það gefur hugmynd um veðurofsann, að það er skilgreint sem fárviðri ef vindur fer í 62 hnúta.

Fordæmalausar skemmdir í Eyjum

Athugasemdir

[Bjarni G. Bjarnason (IP-tala skráð) 17.2.2022 kl. 21:46]

Vindurinn fór reyndar í 89 hnúta á Reykjanesvita fyrir einhverjum tveim vikum eða svo. 

[Halldór Egill Guðnason, 17.2.2022 kl. 23:22]

Ef mig misminnir ekki var þetta 1981. Man það svo vel, að ég held, því þakið fauk af húsinu sem ég bjó í við Álfhólsveg. Við hýrðumst inni á gluggalausu baðherbergi meða mestu lætin gengu yfir. Jú, held ég geti fullyrt að öetta gerðist 1981.

 Góðar stundir, með kveðju að sunnan.

[Hörður Þormar (IP-tala skráð) 18.2.2022 kl. 00:03]

Eitthvert óveður finnst mér tengjast "Flóabardaga" 1991?

[Ómar Ragnarsson, 18.2.2022 kl. 13:31]

Það kom mikið óveður um svipað leyti vetrar 1981. Þá vorum við Jón að keppa í HM í ralli í Svíþjóð og misstum af því að mestu. Hins vegar er veðrið 1991 í fersku  minni hvað snertir vindhraðann og bardagann við að koma í veg fyrir að flugvélar eyðilegðust á Reykjavíkurflugvelli. 

[Þorvaldur Sigurðsson (IP-tala skráð) 18.2.2022 kl. 18:05]

Engihjallaveðrið varð 16.-17. febrúar 1981. Þarf ekki að gúggla lengi til að finna það.