Aldeilis kostulegt að þessu ástandi linni ekki.

Fyrir nokkrum misserum var tekið upp nýtt kerfi varðandi viðvaranir og aðgerðir þegar sýnt þykir að óveður skelli á.  Tekinnn var upp litakóði, sem fer upp á rauðan lit í aðstæðum, sem eru fágæt, og komið geta með margra ára millibil.  

Um helgina skall á fárviðri, sem auglýst var stanslaust fyrirfram í öllum fjölmiðlum og kom á nákvæmlega þeim tíma sem auglýst var. Þessi viðvörun var sú fyrsta rauða, sem gefin  var út í sögu þessara viðvarana. 

Sú sem kom á undan þessari var fyrir tveimur árum. 

Nú hefði mátt halda að með þessu nýja fyrirkomulagi væri tryggt að lágmarks vandræði hlytust af svona góðu kerfi. 

En það er nú eitthvað annað. Enn, næstum þremur dögum eftir að veðrið skall á, er björgunarfólk önnum kafið við að bjarga mörg hundruð bílum, sem sumir hafa staðið fastir allan tímann. 

Flestir bílanna voru venjulegir eins drifs fólksbílar, og í viðtali við einn bílstjórann, sagðist hann hafa verið óviðbúinn þessu, því að hann hefði aldrei orðið svona fastur áður á sínum eins drifs litla sendiferðabíl. 

Í þessu óveðri voru ýmis vindhraðamet slegin og margsinnis var búið að vara við því að mikil snjókoma, slydda og síðar rigning, sem breyttist í hvöss vél, ylli því, að sem allra fæstir væru yfirleitt á ferðinni. 

Í Hveragerði fauk íþróttahús og útköllin skiptu hundruðum vegna veðurtjóns. 

 

Fjöldi bíla fastur á Hellisheiði

Athugasemdir

[Rafn Haraldur Sigurðsson, 23.2.2022 kl. 18:07]

Ég skil ekki af hverju veginum er ekki bara lokað áður en veðrið skellur á, og engum hleypt inn á hann fyrr en veðrið er gengið yfir og og vegagerðin er búin að ryðja.

Var að keyra þarna í dag í dásamlegu veðri, það var lítil umferð í austur átt og engin á móti mér, nema tveir snjóblásarar, sá fyrri blés öllum snjónum yfir á vegarhelminginn sem ég og aðrir keyrðu í austur átt og var mikill barningur er snjórinn buldi á bílnum en seinni blásarinn blés snjónum út í móa. Þegar ég kom að hringtorginu við Hveragerði var hliðið upp kambana lokað eins og það hefði átt að vera áður en óveðrið skall á.

[Ómar Ragnarsson, 23.2.2022 kl. 23:49]

Eftir stendur stanslau síbylja í öllum samfélagsmiðlum landsins um það hvenær eindæma óveður myndi skella á, og spáin um það stóðst upp á klukkustund. 

[Ómar Ragnarsson, 23.2.2022 kl. 23:57]

Það er tíu mínútna lengri akstur frá Reykjavík til Selfoss um Þrengslin heldur en um Hellisheiði. Samt er tönnlast á því hve það sé agalegt að fara þessa leið þegar Hellisheiðin er lokuð. 

[Húsari. (IP-tala skráð) 24.2.2022 kl. 00:14]

Sæll Ómar.

Þessu linnir ekki fyrr en Björgunarsveitirnar
sameinast um að taka lágmarks endurgjald
fyrir þá aðstoð sem þær veita.

Björgunarsveitarmenn hætta lífi og limum
okkar vegna og það er með öllu óeðlilegt að
ekki komi þar a.m.k. lágmarks endurgjald fyrir.

Það eru beinlínis röng skilaboð ef þessi þjónusta
skuli ókeypis vera.

Björgunarsveitarmenn eiga að fá lágmarks gjald
fyrir hvert og eitt tilvik er þeir reiða af hendi
því það er það jafnvægi sem þarf að ríkja millum
manna í þessum efnum

Og svo ég segi þetta hreint út:

Mér finnst það óvirðing við fórnfýsi og hjálpsemi
björgunarsveitanna ef borgararnir greiða ekki slíkt gjald.

(mig gildir einu þó einhver stuðningur komi frá ríki og/eða sveitarfélögum;
ekkert réttlætir það sem stundum virðist algert tillitsleysi
gagnvart þessum mönnum, það ber að greiða fyrir þessa þjónustu)

[Samúel Sigurjónsson (IP-tala skráð) 24.2.2022 kl. 01:30]

Of margir láta duga að lesa fréttamiðlana. Þar eru margra daga fréttir í belg og biðu um opna og lokaða vegi, gott og slæmt veður að koma eða gengið yfir. Eina  leiðin sem er nothæf er að nota saman vef vegagerðarinnar og vef veðursofunnar auk almennrar skinnsemi. Annað vandamál eru vanbúnir og ónothæfir bílar til vetraaksturs, burtséð frá góðum eða slæmum ökumönnum.  fyrir 30 40 árum þegar vegir voru verri, meiri snjósöfnun, mun færri bílar og oftast,  mun betur útbúnir til vetraferða heldur  í dag,  hefði þessi snjóskot ekki verið stór vandamál kannski tekið 10 12 klukkustundir fyrir fyrstu bílana að hjakka yfir eina heiði þegr byrjaði að rofa til og að hægt var að sjá á milli stika (ef slíkur lúxus var í boði)  minni bílar og vanbúnari komu svo smátt og á eftir förinn ef veður hélst þokkalegt og snjórinn trauðst niður