Enn sjást atriði í nýju ljósi varðandi upphaf Seinni heimsstyrjaldarinnar.

Skrifandi þessarar bloggsíðu hefur alla ævi verið mikill áhugamaður um hernaðarsöguna, enda eru sífellt að koma í ljós atriði, sem varpa nýju ljósi hana. 

Magnað rit Max Hastings um Seinni heimsstyrjöldiha og fleiri ný gögn um hana hafa hrist upp í viðteknnum atriðum, og er atburðarásin frá 1938 til 1940 gott dæmi um það. 

Hingað til hefur atburðarásin verið svona hjá flestum:

1. Síðsumars 1938 krefst Hitler þess að Súdetaþjóðverjar í Tékklandi fái að sameinast Þýskalandi. Hernaðaryfirvðld beggja aðila skelfast tilhugsunina um stríð. Í þýska herráðinu er pukrast með það að taka ráðin af Hitler, en falla á tíma þegar Hitler fær héruðin bardagalaust, líkt og gerst hafði með Austurríki fyrr á árinu. Tímaritið Time útnefnir Hitler sem mann ársins í árslok. 

2. Vesturveldin telja sig hafa grætt á friðnum og til að fá meiri tíma til að efla viðbúnað sinn. 

3. Þrátt fyrir þetta hafa Þjóðverjar fengið öflugan hergagnaiðnað, þar á meðal Skóda skriðdreka, á silfurfati, sem og alla Tékkóslóvakíu, sem nú er svipt öllu því náttúrulega landslagi fjalllendisins, þar sem voru rammgerð varnaðarmannvirki. 

4. 1.september 1939 notar Hitler kosti Leifturstríðs til að ráðast á áður óþekktum hraða með meginhluta þýska hersins á Pólland, búinn að tryggja skiptingu meginlands Evrópu í griðasamningi við Stalín. 

5. Á nokkrum vikum eru Pólverjar gersigraðir og enn fær Hitler stóran vinning á silfurfati, því að loforð Vesturveldanna um að ráðast úr vestri á Þýskaland eru einskis virði og fyrstu svikin af löngum lista um það hve hræðilega pólska þjóðin fór út úr stríðinu. Þrátt fyrir öll stóru orðin var engin sóknaráætlun til staðar til að beita hernum gefn Hitler og þegar loksins áætlun var til og alltof fáar breskar herdeildir komnar til Belgíu, lýsti áætlunin fyrir Bretana alveg ótrúlegu vanmati þeirra á aðstæðum. 

Allt tálsýnir:

Franski herinn stærri en sá þýski. Rangt. 

Þjóðverjar með fleiri skriðdreka. Rangt. 

Ardennafjöllin ófær fyrir skriðdreka. RANGT!

Meðal hindrana voru Meuse og fleiri ár. Rangt.

Hersnillingurinn Eric von Manstein gerði snilldaráætlun um leifturhraða sókn gegnum Ardennafjöllin, sem að mörgu leyti virtist fífldjörf, meðal annars að komast á tæpum vöðum yfir árnar.

Hvað eftir annað áttu Frakkar góða möguleika á að stöðva eða trufla Þjóðverja en voru ALLTAF of seinir! 

Á einum upplögðum stað fyrir gagnárás töfðust hermenn Breta og Frakka um tvo sólarhringa við að framkvæma verkið. Í herráðum Bandamanna voru töluð minnst þrenn tungumál, og dæmi var um að á yfirstjórnarfundi hefðu allir aðilarnir villst á leiðinni og ekki fundið fyrirhugaðan fundarstað!

Fjarskipti og skipulag voru aðalsmerki Þjóðverja. Ef fótgöngulið lenti í vandræðum, voru Stuka steypiflugvélar komnar á vettvang á einu til tveimur kortérum. 

Bretar notuðu meðal annars flugvélar af gerðinni Fairey Battle, sem Þjóðverjar sölluðu niður á þann hátt að þær fengu viðurnefnið fljúgandi líkkisturnar. 

Breski herinn átti að halda frá Frakklandi yfir í Belgíu sem lið í því að umkringja Þjóðverja, en grófu með því sína eigin gröf, voru sjálfir umkringdir og hröktust slyppir og snauðir yfir Ermasund!

Fyearu árra mánuðir stríðsins fengu niðurnefnið Phoney war eða Sitzkrieg, því Frakkar létu nægja að fara á einum stað ðrfáa kílómetra inn í Þýskaland, en hreyfðu sig ekkert eftir það.

Vísa í bloggpistil Einars Björns Bjarnasonar um svipað fyrirbæri í Úkraínu og athugasemd við það.  

 

 

 

 

 

 

 

 

 

Bíll stóð í ljósum logum á Sæbraut

Bannaðar veiðar vegna skjálftahrinu?

Heyra mátti eina banntilkynningu vegna Eldeyjarsvæðisins nú rétt áðan, en ekki fylgdi fréttinni hvort hún var fylgifiskur skjálftahrinu þar í nótt. Bannið gildir í nokkra daga að því að heyra mátti.    

Skjálftahrina við Eldeyjarboða

Hitler rak og endurréði marga hershöfðingja og Truman rak Douglas Mac Arthur.

Ráðríkir valdamenn eiga´það oft til að reka hershöfðingja og hernaðarlega mikilvæga menn, og er Adolf Hitler þekkt dæmi um það. 

Ástæðurnar geta verið af svo mörgu tagi að jafnvel sérfróðustu menn eiga oft í mestu vandræðum með að skilja þær. 

Meginástæðurnar eru oft skoðanaágreiningur með óhlýðni sem sterkt ívaf oft á tíðum. 

Ekki þarf ofríki æðsta stjórnanda endilega til. Skoðanaágreiningur eins dáðasta yfirhershöfðingja Bandaríkjanna í seinni í Heimstyrjöldinni og Kóreustríðin gerði brottrekstur hans óumflýjanlegan.  

Pútín leggur óvæntan ráðherrakapal

Skipta litur og áferð klæðnaðar mestu máli í vali á forseta Íslands?

Sagt er að samfélagsmiðlar logi af umræðum um klæðnað kvennanna, sem eru í framboði til forseta Íslands. Hvers vegna aðeins er fjargviðrast út af klæðnaði kvennanna en ekki karlanna er íhugunarefni.

Þar áður hafði það vakið hneykslan að Baldur Þórhallsson skyldi ekki hafa það á hraðbergi hvernig hann greiddi atkvæði um Icesave í skammvinnri setu á Alþingi sem varaþingmaður. 

Samt gæti það vafist fyrir nokkrum þáverandi þingmðnnum í stjórnarandsætæðu hvernig þeir greiddu atkvæði því að það gerðu þeir sumir þegar fylkingar riðluðust að hlutal 

Hvað Baldur varðar er spurningin til hans út í hött, því að hann var ekki á þingi á þeim tíma sem Icesave var á dagskrá og ef liðinn er áratugur síðan.   

Umfjöllun um klæðnað kvenkyns frambjóðenda „óskiljanleg“

"Gosinu er lokið." Nýtt gos að taka við? Lítt bærileg óvissa fyrir Grindvíkinga.

Hegðun Reykjaneselda reynir svo sannarlega á þolrifin í Grindvíkingum. Sama dag og gefið er út dánarvottorð vísindamanna um lok eldgoss í Sundhnjúkagígum fylgir vottorð þeirra að kvikusöfnun undir Svartsengi sé orðin nægilega mikil fyrir nýtt gos hvenær sem er. 

Enginn veit hvert framhald eldanna, sem hófust upphaflega við Fagradalsfjall, verður. 

Vísindamennirnir segja að nýtt gos geti hafist hvar sem er á kvikuganginum sem meðal annars liggur undir sjálfri byggðinni í Grindavík.

Ef þessi verður raunin til frambúðar er spurningin hvort koma muni að því að ástandið verði á endanum óbærilegt fyrir Grindvíkinga. 

 

Eldgosinu er lokið

Stöðnuð keppni í ljósastjórn og aukaatriðum í stað sönglaga. Hera stóð sig vel.

Söngvakeppni evrópskra sjónvarpsstöðva bar lengi vel nafn með rentu en hin síðari ár hefur hallast á varðandi það að framleiða melódísk lög og gera flutning tónlistarinnar í staðinn að eins konar keppni tæknimannanna. 

Fallegum og ljóðrænum lögum hefur fækkað jafnt og þétt og einhæfur högghamarstaktur er stundum í mörgum lögum í röð.  

Hera Björk Þórhallsdóttir stóð sig óaðfinnanlega við að flytja framlag Íslands en að mati skrifanda bloggsíðunnar er keppnin steingeld. 

Hera komst ekki áfram

Lögmál Murphys er því miður algilt, líka um "MAD, Mutual assured destruction."

Fyrri Heimsstyrjöldin hófst vegna stigmögnunar, sem fór úr böndunum, og Seinni Heimsstyrjöldin  var í raun framhald af þeirri fyrri, þrátt fyrir að ætlunin hefði upphaflega verið sú að sú fyrri yrði "stríð til að koma í veg fyrir öll stríð."

Hættan á því að nú verði stigmögnun, sem leiði ´óviljandi" til gereyðingarstríðs er því miður ekkert minni en upphaf Fyrri heimsstyrjaldarinnar. 

Aðeins einn frambjóðandi í íslensku forsetakosningunum er með þetta á dagskrá hjá sér, en var eins og rödd í óbyggð á framboðsfundinum, enda með enga burði til að fara einsamall til Moskvu til þess að koma á friði, því miður.    

Æfingar vegna kjarnorkuvopna nálægt Úkraínu

Allir bílar þurfa rafmagn.

Ekki var að spyrja að því að margskonar sögusagnir fóru af stað þegar fréttist af því að nýr bíll hefði brunnið í Vesturbænum. Minntu margar þeirra á svipað umtal fyrir fimm árum, þegar stærsti bílahússbruni á Norðurlöndum varð í Stavanger. 

2019 lögðu margir saman tvo og tvo og fengu það út, sem nýjasta dæmið um stórhættu af rafbílum, að slökkvilið Reykjavíkur hefði sett á fót neyðarnámskeið hjá sér vegna þessarar miklu ógn. 

Það tók tvo daga að vinda ofan af vitleysunni í megninu af þessum sögusögnum. Ein þeirra var sú að bíllinn sem upptök eldsins í Stavanger voru í, var af gerðinni Opel Zaphira dísil módel 1999. 

Framleiddur meira en áratug áður en fyrsti rafknúni Opel bíllinn kom á markað. 

Á þýsku er notað orðið "selbstunder" um dísilvélar, sem útleggst "sjálfsíkveikjuvél ! 

"Neyðarnámskeið" slökkviliðsins 2019 átti sér svipaðar skýringar og þegar slökkviliðið aðlagaði sig að því fyrir öld að bílar, sem gengu fyrir eldsneytisknúnum vélum með brunahólfum, kveikjum, eldsneytisleiðslum, dælum og eldsneytisgeymum bjuggu yfir aðeins meiri eldhættu en hestarnir, sem aldrei kviknaði í. 

Engin farartæki voru þá rafknúin, en núna eru engin farartæki án notkunar á rafmagni. 

Í sögusðgnunum núna þarf lítið til að leiða líkur að því að "nýi" bíllinn, sem brann, hljóti að hafa verið rafbíll. 

Þess sést þó ekki getið í fréttamiðlum.  

Kviknaði í nýjum bíl í Vesturbænum

Tax free! Tax free! Tax free! Tax free!

Tax free, tax free, tax free......röðin er endalaus í auglýsingunum þessa dagana og hefur ekki annað eins sést enda flæðir þetta yfir allt.  

Aðalatriðið blasir við: Þetta er ENSKA, tungumálið sem ryður íslenskunni í burtu jafnt utan húss sem innan. Við sumar götur er ekki lengur talað á íslensku, þú færð ekki afgreiðslu nema tala ensku.   

Fróðleg skýrsla um skipulag 16 borga á Norðurlöndunum.

Þórarinn Hjaltason minntist í nýlegri Morgunblaðsgrein á það að hann hefði kynnt sér skipulag tuga borga í Ameríku til að átta sig á samanburði á þeim við Reykjavík.  

Í því sambandi má nefna, að til er afar vönduð norræn skýrsla þar sem Reykjavík er borin saman við sextán borgir á Norðurlöndum og er niðurstaðan áhugaverð:

Tíu þessara borga eru álíka stórar og Reykjavík og allar þessar tíu eru álíka dreifbýlar, gagnstætt því sem haldið hefur verið fram hér á landi í áratugi. 

Sex af borgunum sextán eru talsvert stærri en Reykjavík og mun þéttbýlli. 

Skýrslan var unnin á vegum NORDSTAT, Samtökum norrænna borga. 

Það væri verðugt verkefni að skoða, hvort og þá hvaða breytingar hafa orðið á þeim á þeim aldarfjórðungi, sem liðinn er síðan skýrslan var gerð.

Gæti kannski orðið að eitthverju gagni að kynna sér hvað það fólk, sem lifir erlendis við líkastar aðtsæður og eru hér á landi, hefur gert síðustu áratugina í þessum málum?