Ævinlega lágkúrulegt.

Mér hefur alltaf fundist það lágkúrulegt þegar verið er að grafa upp einhver mistök manna frá yngri árum og gera þau að stórmáli löngu síðar. Ásakanir Söru Palins á hendur Obama er þar að auki langsóttar. Clinton var sakaður um að hafa reykt hass, Bush um að hafa drukkið of mikið og heima á Íslandi var verið að núa Jóni Ólafssyni því um nasir að hafa verið í nágrenni við dóp.

Ég hélt að skilningur, umburðarlyndi og fyrirgefning væru ein af aðalatriðum kristinnar trúar og því er dapurlegt þegar kristið fólk fellur í þá gryfju að sverta samferðafólk sitt á þennan hátt. En þetta virðist oft gleymast.  

Palin ræðst á Obama

Athugasemdir

[MacGyver, 5.10.2008 kl. 15:38]

Svona er þetta bara í tveggja flokka kosningabaráttu. Þegar það eru bara tveir menn að kljást um þetta þá fer það alltaf ítrekari í image og persónuleika karakteranna heldur en stefnumál þeirra. Menn kjósa ekki frambjóðandann sem er sammála þeim á flestum stjórnmálaskoðunum, þeir kjósa þann sem virðist vera betri gæinn.

[Hörður Björgvinsson (IP-tala skráð) 6.10.2008 kl. 13:18]

Innflutning, dreifingu og sölu á fíkniefnum á ekki að fyrirgefa; aldrei.

En það væri kannski skemmtilegra að bíða með ásakanir og dylgjur þangað til sönnun liggur fyrir.

Hörður