Íslands þúsund ár

15.12.2008 | 22:58

Tíðahvörf.

Ég sé í frétt um bílveltu á mbl.is í kvöld að bíll hafi oltið undir Ólafsvíkurenni og sé einnig að ekki er sagt eins og í gær, - "bílvelta varð." Kannski hefur einhver á Mogganum séð ábendingu mína.

Ég var að vona að blogg-prófarkalestri mínum út af bílveltufréttum mbl. væri lokið en því miður er algeng þrálát villa í fyrstu setningu veltufréttarinnar í kvöld.

Þar segir. "Lögreglan..FÉKK tilkynningu um að bíll HAFI oltið..."

Hér eru hin algengu "tíðahvörf" meinleg því að í setningunni er fyrst þátíð en síðan nú(liðin)tíð.

Rétt ætti þetta að hljóða svona: "Lögreglan...FÉKK tilkynningu um að bíll HEFÐI oltið..."

Það er með vilja að ég byrja þetta blogg mitt á setningunni "Ég SÉ...að bíll HAFI oltið," en ekki "Ég SÉ að bíll HEFÐI oltið"sem er hliðstæð villunni í fréttinni.

Minn gamli fréttastjóri Emil Björnsson tók okkur öll strax upp á eyrunum ef með þurfti og þrumaði: "Haldið þið áfram í setningunni í þeirri tíð sem hún byrjar!"

Sáraeinfalt en virðist vefjast svo ótrúlega oft fyrir blaða- og fréttamönnum. Vona að þessi ábending skili sér til blaðamanna Moggans.

	Bílvelta undir Ólafsvíkurenni
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

En ertu samt ekki ánægður með að ökumaður og farþegi sluppu án teljandi meiðsla? Ég hafði meiri áhuga á því en hvort að fréttamaðurinn hafi verið með málfræðivillur í frétt sinni.

Hinki, 15.12.2008 kl. 23:12

Já hann er undarlegur tíðarandinn í blaðamennskunni í dag - DV ritstjórinn aðal tíðindinn

Sævar Helgason, 15.12.2008 kl. 23:16

Að sjálfsögðu var ég ánægður með það hve vel fór en hefði þó varla séð ástæðu til að að fara að blogga sérstaklega um það ef það hefði bara ekki verið svo skemmtileg tilviljun að tvær bílveltufréttir með málvillum skyldu vera tvo daga í röð í blaðinu.

Og það var auðveldara að ljúka málvillumálinu, sem hófst í gær, úr því að enginn meiddist.

Ómar Ragnarsson, 15.12.2008 kl. 23:26