Karakter hjá mínum mönnum.

Það er talað um að það sé karakter í keppnisliði ef það brotnar ekki við mótlæti, heldur eflist og snýr taflinu við.

'Á þetta skorti oft hjá meistaraflokki Fram árin sem Framarar björguðu sér frá falli ár eftir ár, oft á ævintýralegan hátt á síðustu mínútum mótsins.

Mér skilst að liðið hafi sett heimsmet í heppni að þessu leyti og ég hélt því fram á þessum tíma að þetta væri sálfræðileg vont fyrir liðið því að undir niðri væri treyst væri á heppni sem gæti ekki haldið áfram og að hugurinn byndist smám saman við botnbaráttu í stað þess að hugsa hærra.

Miklu betra væri fyrir Fram að falla hreinlega niður, stokka allt upp og byrja frá grunni með nýju hugarfari.

Það kom í ljós að þetta reyndist rétt og karakterinn í liði Fram hefur verið sterkur í sumar.

Um daginn lentu strákarnir í stöðunni 0:3 eftir fyrir hálfleik en tókst að snúa dæminu við í þeim síðari.

Nú leika þeir þetta aftur og ég sem verið hef skráður í Fram fjórum mánuðum lengur en ég hef lifað, fagna þessu hjartanlega. Áfram Fram !

Hjálmar tryggði Fram ótrúlegan sigur

Athugasemdir

[Sigrún Ríkharðs (IP-tala skráð) 26.8.2009 kl. 21:29]

Flottur árangur hjá strákunum. Ef upphaf mótsins hefði verið betra væri liðið í enn betri stöðu en það kemur á næsta sumri.

[Gísli Foster Hjartarson, 26.8.2009 kl. 21:30]

Til hamingju með þína menn - frábær karakter í þessu liði  og gaman að sjá þetta lið svona nánast "stjörnulaust" standa sig svona vel aftur í ár eftir gott gengi í fyrra - skyldum við vera fara að horfa upp á ný gullár hjá Safamýrarstórveldinu? Mínir menn gengu svekktir af velli í Frostaskjólinu en vonandi verðum við brosmildari eftir leik á Laugardaginn.

[Þorfinnur (IP-tala skráð) 26.8.2009 kl. 21:44]

Þessi sigur var greinilega aldrei í hættu...!

Já, þeir eru ótrúlega seigir. Annars ættu þeir að passa sig á að fá ekki öll þessi mörk á sig, þá yrði þetta auðveldara. Fjórir leikir eftir og allt getur gerst. Svo í undanúrslitum í bikarnum líka. Ég sé fram á tvo sigra gegn KR á næstunni... ;)

Þú veist líka að sonarsonurinn hefur verið í leikmannahópnum í undanförnum leikjum....

[Ómar Ragnarsson, 26.8.2009 kl. 22:51]

Jú, ég hef fylgst með því að Rúrik Andri er í hópnum og síðan hefur systursonur þinn Olgeir Óskarsson komið inná hjá úrvalsdeilarliði Fjölnis og gert góða hluti.

[Þorfinnur (IP-tala skráð) 26.8.2009 kl. 23:00]

Einmitt!

Við fylgjumst þá sérstaklega vel með þegar Fram tekur á móti Fjölni 15. september!