Fimm mínútur réðu úrslitum.

Fimm mínútna kafli í upphafi síðari hálfleiks réðu úrslitum í leik Frakka og Íslendinga þegar Frakkar breyttu stöðunni úr eins marks mun með því að skora sjö mörk á móti aðeins tveimur Íslendinga. 

Þá tók Guðmundur leikhlé en skaðinn var skeður því að þegar besta handboltalandslið í heimi kemst í átta marka mun lætur það hann ekki af hendi.

Það dugði ekki þótt Björgvin verði stórkostlega í fyrri hálfleik og Aron Pálmarsson brilleraði, alhliða gæðaleikur heims- og Ólympíumeistaranna í sökn og vörn var óyfirstíganlegur múr eftir fimm mínútna kaflann örlagaríka.  

Íslenska liðið á samt möguleika á að gera eitthvað nýtt, því að tvívegis áður hefur það leikið um brons á stórmóti og tapað í bæði skiptin en getur hins vegar unnið brons á morgun.

Lið sem hefur einu sinni unnið verðlaunapening áður hlýtur að þyrsta í annan.  

Athugasemdir

[Björn Birgisson, 30.1.2010 kl. 18:51]

Þessi leikur var sá slakasti af hálfu okkar pilta í mótinu. Allt of margir tapaðir boltar. Allt of margar sóknir án skots að marki. En góðir eru þeir. Frá litla Íslandi. Brons á morgun væri frábært.

[Guðmundur Júlíusson, 30.1.2010 kl. 19:20]

Sammála þér Björn, þetta voru og mikil mistök hjá okkar mönnum, en við getum borið höfuðið hátt þrátt fyrir allt, enn er bronzið séns!!!