"Fyrir og eftir skýrslu"?

Örfáir atburðir í sögu landsins verða að viðmiði gagnvart því hvenær aðrir viðburðir gerast.

Nokkur dæmi:

Fyrir og eftir landnám.  874.  Fyrir og eftir kristnitöku.  1000.    Fyrir og eftir siðaskipti.    1550. 

Fyrir og eftir eld (Skaftárelda)  1783.      Fyrir og eftir heimastjórn.  1904. 

Fyrir og eftir fyrra stríð.  1914 -  1918.      Fyrir og eftir stríð.  1940 - 1944. 

Fyrir og eftir gos. (Heimaeyjargos)  1973.   Fyrir og eftir hrun.   2008. 

Fyrir og eftir skýrslu?  2010? 

Ég er ekki viss um að morgundagurinn muni marka svipuð tímamót og þeir eldri atburðir sem tilgreindir. 

Í okkar litla þjóðfélagi þar sem allir tengjast öllum held ég því miður að lítil líkindi séu til þess að allt það komi fram sem mestu máli skiptir. 

Mér sýnist líka á viðbrögðum margra að hugsanlega verði niðurstaðan sú að þeir, sem mestu réðu um þá atburðarás áranna 2002 til 2008, muni sleppa billega og minni spámenn verða negldir í staðinn. 

En vonandi kemur sem mest af sannleikanum í ljós í þessari skýrslu og kannski til lítils að giska á hvað það verður. 

 

Mikil eftirvænting eftir skýrslunni

Athugasemdir

[Axel Guðmundsson, 11.4.2010 kl. 20:21]

Ég trúi því ekki að þessi skýrsla eigi eftir að breyta nokkru,þetta verður þetta eins og áður að þessir svokölluðu "stjórnmálamenn" reki tunguna langt ofaní kok á hvert öðru. Og grafarþögn  ríkir sem oft áður.

[Kristján Hilmarsson, 11.4.2010 kl. 21:18]

 

Er ansi hræddur um að þið hafið rétt fyrir ykkur, eftirvæntingin er svo mikil og svo verður þetta eins og með "fjallið sem tók jóðsótt" þetta og allt hitt sem átti breyta öllu,

1: Burt með stjórnina (Geirs Haarde) hverju breytti það ?

2: Kosningar ný stjórn, hverju breytti það ?

3: Burt með Davíð úr Seðlabankanum, hverju breytti það ?

4: Klekkja á Bretum vegna hryðjuverkalaga (Indefence) hverju breytti það ?

5: Eva Joly (???) hverju breytti hún ?

6: ORG hafnaði Icesave lögum, hverju breytti það ?

7:Þjóðaratkvæðagreiðsla vegna Icesave, hverju breytti það ?

8: Og nú skýrslan mikla,  hverju breytti hún ?

9:Allir fundirnir á Austurvelli, hverju breyttu þeir ?

OK sumt af þessu vakti von á erfiðum tímum, en..

Held ekki að mikið gerist nema við útbreidda og almenna hugarfarsbreytingu hjá villuráfandi þjóð sem er búin að vera meira upptekin af Ytri Glæsileika en sterkum og manneskjulegum innviðum, en nú er tækifærið til að taka þessum hugarfarsbreytingum í stað þess að bíða eftir einhverjum "kraftaverkum"

Góðar Stundir

[Haukur Kristinsson (IP-tala skráð) 11.4.2010 kl. 21:24]

Oft reyna menn að útskýra eða jafnvel afsaka spillinguna með þessum orðum Ómars; allir tengjast öllum í okkar litla þjóðfélagi. En þetta er rangt og villandi. Nepotismus, spilling, þjófnaður, á sér ekki síður stað í stórum samfélögum, hjá milljóna þjóðum. Minnumst bara þess sem gerðist í Rússlandi fyrir nokkrum árum. Ekki þekki ég einn einasta þingmann eða háttsettan embættismann. Til allra hamingju. Ástæðan er fremur sú að á Íslandi hefur aldrei orðið til sterkur jafnaðarmannaflokkur eins og á Norðurlöndum, í Þýskalandi og Englandi til dæmis. Jafnvel í hinu há kapitaliska landi Sviss, er stærsti stjórnmálaflokkurinn, Die Sozialistische Partei (SP). Hægri flokkurinn á Íslandi í dag, Sjálfstæðisflokkurinn, hefur ráðið stefnunni og þá ekki síst með aðstoð hækjunnar Framsókn, sem þjóðin verður að losna við sem fyrst. Sjálfstæðisflokkurinn eins og hann er í dag undir forustu Bjarna Ben og Þorgerðar Katrínar er spilltur, óhæfur og á jaðri þess að teljast stjórnmálasamtök. En með langri valdasetu og hrikalegu ríkisbákni, hefur þeim tekist að ná ca. einum fjórða þjóðarinnar “á sitt band”. Það er varla til sá þingmaður Sjallana, sem ekki er viðriðinn hrunið, sem er ekki með óhreint mjöl í pokahorninu.

[Axel Þór Kolbeinsson, 11.4.2010 kl. 22:07]

Schweizerische Volkspartei (SVP) er stærsti flokkur Sviss og er mið-hægri flokkur.  Má segja að það sé Framsóknarflokkur þeirra svisslendinga sem hafi tekið hægri beygju í lok síðustu aldar og verið stærsti flokkurinn síðan þá.  Sozialdemokratische Partei der Schweiz (SP) hefur verið með þeim stærstu síðan eftir seinna stríð, en það er ekki hægt að segja heilt yfir að hann hafi verið sá stærsti þar sem FDP og CVP hafa verið svipað stórir (og bæði hægri flokkar) þar til SVP náði sér á flug '99.

Hugmyndafræðin jafnaðarmennska hvorki eykur né dregur úr spillingu.

[Sigurður Haraldsson, 11.4.2010 kl. 22:22]

Hætta þessum ljóta leik að tefla fram siðleysi það er gamli tíminn nú verðum við að byrja á nýjum tímum!

[Gunnar Th. Gunnarsson, 12.4.2010 kl. 11:37]

Á Reyðarfirði getum við sagt: "Fyrir og eftir álver"