Nei, djók !

Æst var hin blakka forsetafrú.

Sú franska um það greindi nú.

Að lífið í hvíta húsinu væri

helvíti á jðrð uns hún úr því færi. 

 

Ofangreind ferskeytla lýsir fréttinni af ummælum Michelle Obama, sem hún á að hafa látið falla  í spjalli við frönsku, forsetafrúna og er þetta tilefni frétta af þessu. 

En í frétttinni kemur fram að eitthvað svipað hafi hér skolast til og henti í viðtali Jóns Gnarr úti í Frakklandi, og að hið rétta megi setja fram með því að breyta ofangreindri ferskeytlu í sex-skeytlu, þar sem bætt er við nýrri þriðju hendingu aftan við aðra hendinguna og síðan nýrri hendingu í lok ljóðsins. 

Þá verður hin afleidda sexskeytla svona:

 

Æst var hin blakka forsetafrú. 

Sú franska um það greindi nú.

Og við jók. 

Að líið í Hvíta húsinu væri 

helvíti´á jörð uns hún úr því færi. 

Nei, djók ! 

Lífið í Hvíta húsinu „hreint helvíti"

Athugasemdir

[Þorvaldur Sigurðsson (IP-tala skráð) 18.9.2010 kl. 08:32]

Ferskeytla? 

Í minni sveit líkist þetta fremur stafhendu, nema að í vönduðum stafhendum eru aldrei þríliðir.

[Ómar Ragnarsson, 19.9.2010 kl. 11:54]

Hugtakið sexskeytla byggi ég á því að grunnurinn sé ætíð ferskeytla sem sé látin halda sér að öðru leyti en því bætt er við tveimur hendingum.

[Þorvaldur Sigurðsson (IP-tala skráð) 19.9.2010 kl. 16:45]

En þetta er ekki ferskeytla!  Ferskeytla hefur fjórar línur og rímið aBaB (sem sagt víxlrím) og í reglulegri ferskeytlu eru réttir tvíliðir og línulengdin, í liðum talið, 4,3,4,3.  Vísan hér að ofan hefur rímið aaBB (sem enginn rímnabragarháttur hefur sbr. háttatal Sveinbjörns Beinteinssonar; sjá rimur.is)  Þessi vísa líkist helst stafhendu en í þeim eru réttir tvíliðir, línulengd 4,4,4,4 og rímið aabb.

Sem sagt; ferskeytla er ekki hvaða vísa sem er með fjórum línum.

Fyrirgefðu svo tuðið, en mér finnst alltaf að vandaðir menn þurfi að vanda sig við allt; ekki bara sumt.