Dýr myndi Hafliði allur...

Skaðabótamálið í Nice í Frakklandi, þar sem eiginkonu voru dæmdar 1,6 milljón króna bætur fyrir takmarkað kynlíf af hendi eiginmannsins, minnir á atburð úr Íslandssögunni. 

Þegar þeir deildu, Hafliði Másson og Þorgils Oddason forðum, lauk viðskiptum þeirra þannig, að úr varð skaðabótamál, sem leysa þurfti vegna fingurs sem Þorgils Hafði höggvið af Hafliða.

Sáttin í málinu fólst í því Hafliði fékk sjálfdæmi um bætur og nýtti hann sér það með því að hafa bæturnar svimandi háar, miðað við skaðann. 

Þá varð fleyg setningin, sem Þorgils sagði:  "Dýr myndi Hafliði allur ef svo skyldi hver limur." 

Ég fæ ekki betur séð en að hinn skaðabótaskyldi franski eiginmaður geti hugsað hið sama um sjálfan sig, að dýr myndi hann allur ef svo skyldi hver limur. 

Sekt fyrir skort á kynlífi

Athugasemdir

[Þorvaldur Sigurðsson (IP-tala skráð) 7.9.2011 kl. 08:47]

Reyndar var það Skafti Þórarinsson, en ekki Þorgils Oddason sem sagði hina fleygu setningu: „Dýr myndi Hafliði allur.“

[Ómar Ragnarsson, 7.9.2011 kl. 13:14]

Samur var limurinn!

[Guðjón Sigþór Jensson, 7.9.2011 kl. 19:30]

Og Skafti þessi var sóknarprestur á Mosfelli í Mosfellsdal, fyrsti nafnkenndi presturinn sem vitað er um að hafi setið það prestsetur.

Mosi