Alltaf fór ég samt suður.

Hátíðin "Aldrei fór ég suður" verður með nýju lokaatriði í þetta sinn sem er í takt við heiti hátíðarinnar og mætti kalla "ekki fer ég suður í dag en alltaf fer ég samt suður."

Þetta er nú það sem Ísfirðingar mega búa við oft og hvenær sem er á árinu og hafa þurft að sætta sig við í hálfa öld eftir að svona ástandi hefur næstum því verið útrýmt annars staðar á landinu.

Miðað við andann á hátíðinni er þetta líklegast fersk og afgerandi uppákoma sem litar hana bara og gerir eftirminnilegri.   

Röskun á flugi til Ísafjarðar

Athugasemdir

[Sigurgeir Jónsson, 9.4.2012 kl. 16:59]

Það fólk sem kallar sig"Umhverfis og náttúruverndarsinna" hefur sofið á verðinum og ekki mótmælt þessu veðurlagi, við stjórnvöld og þá sérstaklega við þau stjórnvöld sem sátu 1991-2008.Það þarf að sjálfsögðu að bæta úr þessu.Kanski væri það áskorun að stofna nýtt samband sem tekur á þessu, og mótmælir við þau-þann sem stjórnar veðurfari á Íslandi.

[Ómar Ragnarsson, 9.4.2012 kl. 18:05]

Alveg er dásamlegt að sjá hvernig sumir geta fundið sér aldeilis ótrúlega langsóttar ástæður til þess að bera upp athugasemdir af því tagi sem hér er að sjá.