Sálfræðilegur sigur.

Þjálfari króatíska liðsins upplýsti aðeins eitt fyrir landsleikinn í kvöld, að lið hans yrði að skora mark.

Það tókst ekki, þótt Íslendingar væru einum færri í 40 mínútur eftir vafasaman dóm spánska dómarans og leikurinn í kvöld, bæði af hendi leikmanna og áhorfenda, var stórbrotinn sigur fyrir íslenska þjóðarsál.

Íslensku leikmennirnir eru vanir að leika á erlendri grundu þannig að leikurinn í Króatíu á ekki að verða erfiðari en það var að halda jöfnu í mestallan seinni hálfleik hér heima.

Ef Íslendingar ná að skora mark í þeim leik verða Króatar að vinna hann með eins marks mun.  

Ísland náði jafntefli manni færri

Athugasemdir

[Þorsteinn Briem, 15.11.2013 kl. 21:09]

Glæsilegt!

"Ísland ekki lítið land, Ísland vera stórasta land í heimi!"

[Halldór Egill Guðnason, 16.11.2013 kl. 04:34]

"Ef Íslendingar ná að skora mark í þeim leik verða Króatar að vinna hann með eins marks mun. "

Þetta er ekkert annað en svæsnasta pólitík Ómar og leikur að tölum.

Eitt mark Íslands í Króatíu, þýðir að þeir verða að skora tvö. Ef Íslendingar skora tvö....

Þú sérð um rest. Þeir voru æðislegir í kvöld.! Flottasti leikur "landsliðsins " og áhorfeda síðan Benfica og Daddi frændi handleggsbrotnaði....

Hoppandi inn á völlinn eins og bjálfi.

Góðar stundir.

[Þorsteinn Briem, 16.11.2013 kl. 05:15]

Jamm, þetta er alveg stórmerkileg ályktun:

"Ef Íslendingar ná að skora mark í þeim leik verða Króatar að vinna hann með eins marks mun."

[Þorsteinn Briem, 16.11.2013 kl. 05:24]

Allvel reikna Ómar kann,
upp á mörgu tekur,
út'á þekju ætíð hann,
oftast heilinn lekur.

[Grímur (IP-tala skráð) 16.11.2013 kl. 13:45]

Lars hvetur þá örugglega til að njóta leiksins úti - pressan er á Króötum

Annars er þetta heilsteyptasta lið og aðstoðarmenn sem ég hef séð hjá landsliði okkar í kanattspyrnu og hvað sem verður á þriðjudag þá ættu Lars og Heimir að halda áfram að starfa saman.