30.12.2014 | 14:11
Sprengju varpað inn á viðkvæmri stundu.
Fjármálaráðherra tekur mikla og vanhugsaða áhættu með því að varpa þeirri sprengju inn í viðkvæmt ástandið í læknadeilunni sem hann gerði í hádegisfréttum Ríkisútvarpsins í dag.
Hann gat ósköp vel látið þetta sprengjukast sitt vera og sagt pass á þeim grundvelli að það væri samninganefndanna að finna lausn á þessum mikilvæga tímapunkti.
Þess í stað kom þessi harkalega yfirlýsing frá honum, sem stórhætta er á að æsi menn upp og hleypi öllu í bál og brand.
Nú vonar maður bara heitt og innilega að það gerist ekki og að menn andi í gegnum nefið.
En það á ekki þurfa að vera slíkt ástand í deilunni að það þurfi heitt bænahald til þess að biðja um rósemi hugans.
Komi með svör klukkan þrjú | |
Tilkynna um óviðeigandi tengingu við frétt |
Athugasemdir
Ómar hann er alveg bit,
á allra sjalla dellu,
á engu hafa aular vit,
uppá Framsókn mellu.
Þorsteinn Briem, 30.12.2014 kl. 14:32
Fjármálaráðherra er að hóta lagasetningu undir rós. Lagasetning á stétt lækna tryggir endanlegan atgerfisflótta úr greininni.
Jón Ingi Cæsarsson, 30.12.2014 kl. 16:05
Óþarfi ? já ! heimskulegt ? já Hótun ? já. Áhrif ? Hleypir illu blóði í fólk sem ólíkt fjármálséníum Íslands er raunverulega eftirsóttur vinnukraftur erlendis. Er (eins og fleiri læknar á landinu) full gamall til að hugsa mér til hreyfings,en ef ég væri ekki að vinna á frábærum vinnustað (Reykjalundi) þá hefði ég byrjað á uppsagnarbréfinu eftir þetta útspil.
Hrafnkell Óskarsson (IP-tala skráð) 30.12.2014 kl. 21:32
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.