Svona er heimurinn í dag.

"Svona er Ísland í dag" var viðkvæðið hjá Jóni Ársæli Þórðarsyni í þáttum, pistlum og fréttum.

Nú má víkka þetta út og segja ekki aðeins "svona er Brussel í dag", "svona er Jemen í dag" eða "svona er Bagdad í dag", "svona er Leifsstöð í dag," heldur líka "svona er heimurinn í dag" þegar litið er yfir fréttir af sjálfsmórðsárásum á ýmsum stöðum.

Áhrifin af þessum árásum eru afar mikil eins og sjá má af þeirri truflun sem orðið hefur bara hér í Brussel þar sem fólk er enn að melta þau og átta sig á þeim usla sem örfáir ofstækis- og glæpamenn hafa valdið.

Heilum alþjóðaflugvelli tveggja milljón manna borgar hefur verið kippt úr sambandi í viku að minnsta kosti og því meiri áhrif sem blóðbaðið í aðeins 300 metra fjarlægð frá bústað Íslendinga hér hefur á daglegt líf og hugsanir, því meiri árangur hefur árás heilaþveginna ódæðismanna á frið, farsæld og mannréttindi vestræns samfélags.

Þess vegna er þrátt fyrir allt uppörvandi að sjá og heyra viðbrögð fólksins dag eftir dag á blómum skrýddum samkomustöðum utan húss, svo sem við Maalbeek brautarstöðina, þar sem mynd á faceboook síðu minni var tekin í gær.

Og í útvarpi má heyra spilað að nýju rúmlega 40 ára gamlan ástaróð til Brussel, borgarinnar sem skrýððist vorsins blómabreiðum á þegar vorið gengur í garð á jafndægrum.

22 látnir eftir sjálfsmorðsárásir

Athugasemdir

[Elín Sigurðardóttir (IP-tala skráð) 26.3.2016 kl. 10:37]

Innrásin í Líbýu var sem sagt vel meint og óvænt heimsókn.  Það er einhver framsóknarbragur á þessu öllu saman :)

http://www.ruv.is/frett/frakkar-vildu-halda-ahrifum-i-n-afriku 

[Anna Sigríður Guðmundsdóttir, 26.3.2016 kl. 10:57]

Sæll Ómar minn. Heyrði í útvarpsfréttum klukkan 10 í dag, að það yrði ekki flogið frá Brussel fyrr en á þriðjudag? Í gær var talað um að fljúga á morgun?

Nú hefur maður áhyggjur af þér Ómar minn, svo ekki sé meira sagt.

Ef ég væri þú Ómar, og væri stödd þarna í Brussel núna, og gæti skaffað mér pening fyrir bílfari norður á bóginn (t.d. til Danmerkur), og svo þaðan með flugi heim sem fyrst. Þá myndi ég gera það.

En ég ekki þú, og því síður stödd í Brussel núna með sand af seðlum. Ég er bara gömul taugaveikluð kerling, sem stundum er ekkert mark á takandi.

Þú ert ekki eign valdakerfisins á Íslandi Ómar minn, þótt valdakerfið vilji endalaust eigna sér frjálst og saklaust fólk á Íslandi.

Gangi þér og þínum sem allra best, og allar góðar vættir/verndarengla-eldveggir verji veg ykkar, og vaki yfir ferðum ykkar og allra annarra sem eru háðir ferðaskrifstofum, flugi, og lestarsamgöngum.

Ekki veitir af verndinni ósýnilegu og traustu.

[Hábeinn (IP-tala skráð) 26.3.2016 kl. 16:23]

[Þorsteinn Briem, 26.3.2016 kl. 17:11]

Kveikt í hús­næði ætluðu flótta­börn­um