Nixon var á skallanum þegar Yom Kippur stríðið braust út.

Frægt er það atriði í kvikmyndasögunni þegar æðsti valdamaður Sovétríkjanna er látinn vera á skallanum þegar forseti Bandaríkjanna hefur samband við hann til að afstýra yfirvofandi kjarnorkustríði. 

Því er kaldhæðnislegt þegar komið hefur fram að Richard M. Nixon var svo ölvaður þegar Arabaríki gerðu óvænta árás á Ísrael í Yom Kippur stríðinu 1973, að undirmenn hann urðu að taka afar viðkvæmar og vandasamar ákvarðanir til að forðast að stríðið breiddist út og ástandið yrði stjórnlaust.

Ef Hillary Clinton kemst vel frá kappræðum og öðru krefjandi áreiti kosningabaráttunnar með hjálp lyfjagjafar vegna lasleika, er það að sönnu ekki gott.

Á móti kemur að hún er með það sæmilegt varaforsetaefni, að í hugum margra kjósenda verður það skárri kostur að fá hann sem forseta en Donald Trump.

Við Íslendingar þekkjum það fyrirbæri, að frambjóðandi veikist á versta tíma fyrir kosningar.

Það gerðist þegar Davíð Oddsson fékk slæman ristil, sem varð til þess að hann varð að halda sig til hlés á lokasprettinum en vann samt góðan sigur.

Því réði ekki aðeins afburða sterk staða hans sem borgarstjóra heldur líka, að allar upplýsingar um veikindin lágu fyrir og engu var leynt.

Hugsanlega hrjá veikindi Hillary Clinton, sem erfitt þykir fyrir hana og fylgismenn hennar að gefa nákvæmar upplýsingar um.

Uppgefin ástæða var lungnabólga þegar þau komu fram um daginn og erfitt er að rengja það, en líka erfitt að afsanna grunsemdir nema með lyfjaprófi.

En miðað við ástand Nixons í október 1973 þyrftu helstu ráðamenn þjóða heims að fara í lyfjapróf daglega, ef sanna ætti eða afsanna ástand þeirra í samræmi við kröfur Trumps.  

Sakar Clinton um eiturlyfjanotkun

Athugasemdir

[Húsari. (IP-tala skráð) 16.10.2016 kl. 12:01]

 Sæll Ómar.

Þessi saga þín af Nixon er röng
því pólitískar ástæður lágu til þess
að hann beið í allt að 7 daga að veita
þann stuðning sem eftir var leitað.

Til er saga af þessu, afstöðu hans til Ísraelsríkis
sem og samstarfi hans við Goldu Meir.

[Bjarne Örn Hansen (IP-tala skráð) 16.10.2016 kl. 13:26]

Allt í sambandi við kosningarnar í Bandaríkjunum, er dæmi um kosningasvik.  Frá Clinton til Trump, og leiðir hugan að því að kosningasvik hafi verið til staðar miklu lengur enn menn grunar. Og ef maður hugsar málið nánar, hverjum dettur í hug ... að elektor ráð Bandaríkjanna, láti "vald" og "framtíð" heimsveldis, sem þeir eru að skapa ... í hendur á heimskum almenningi, svo maður taki gróft til orða.

Það segir sig sjálft, og liggur í grunn löggjöf Bandaríkjanna ... að "loka" ákvörðun um það, hver verður forseti landsins er ekki "almenningur".

[Húsari. (IP-tala skráð) 16.10.2016 kl. 17:11]

Sæll Ómar.

Hundasalar og hrossakaupmenn sem þurftu
að losa sig við eitthvert skaðræðið
gáfu þeim gjarna einhvern þann skammt er
dygði meðan sala færi fram og hin svikna
og meingallaða vara væri úr augsýn.
Þannig gátu bitvargar flaðrað uppum allt og alla
og víxlaðir arabajálkar breyst í gæðinga, -
því miður tókst þetta ekki í tilfelli Clinton.

[Ómar Ragnarsson, 16.10.2016 kl. 23:47]

Það að Nixon beið í viku og velti vandlega fyrir sér stefnunni í Yoma-Kippur stríðinu segir ekkert um það hvort undirmenn hans urðu að ráða fram úr málum fyrstu klukkustundir stríðsins meðan það var að renna af forsetanum.