Sumarið stefnir í að endast inn í veturinn.

Enn sér ekki fyrir endann á sumrinu, sem hefur staðið látlaust fram að þessu án þess að haustið, hvað þá veturinn, hafi komist að hvað hitafar snertir. 

Af og til hefur í næstum tvo mánuði verið spáð að það kæmi norðanátt með kulda.

En alltaf hafa hlýindin haldið velli. 

Ég var fyrir rúmri viku á ferð á Brúaröræfum ásamt Völundi Jóhannessyni öræfa-garðyrkjubónda í Grágæsadal, þar sem um 300 tegundir norrænna plantna lifa góðu lífi á sumrin. 

Set hér inn mynd af bænahúsi og safnaðarheimili í grasagarði Völundar.

Glími að vísu við tæknileg vandamál og set hana líka inn á facebook-síðu mína.  

 

 

Hvasst um miðja vikuna

Athugasemdir

[Þorsteinn Briem, 17.10.2016 kl. 01:35]

Ætíð finnum sjalla sauð,
sem er kalt á tánum,
verulegt þar vindsins gnauð,
vetur á hans skjánum.