Væri gott að fá að sjá mynd af Teigsskógi.

Á þessari bloggsíðu hafa alloft verið gerðar athugasemdir við upplýsingar um staði og svæði á mbl.is, og farið fram á leiðréttingar, en einnig hefur Sigurður Sigurðarson gert svipaðar athugasemdir þegar það hefur átt við. 

Slíkt hefur lengi átt við um fréttaflutning af vegarstæðinu um Teigsskóg, en hingað til hefur ekki sést nein mynd af Teigsskógi í fjölmiðli, heldur hafa myndirnar, jafnvel af ráðherra í skoðunarferð, verið teknar utan skógarins. 

Það á við um myndina, sem birtist á mbl.is af þeim stað á núverandi vegi, þar sem vegur um Teigsskóg myndi byrja. 

En Teigsskógur er reyndar í fimm kílómetra fjarlægð og séð frá ljósmyndaranum alveg i hvarfi handan við austurhlíð Hrómundarfells hægra megin á þessari mynd. 

 

P. S.  Í athugasemd greinir Ólafur Arnalds frá tilvist mynda úr Teigsskógi á vef sínum, og set ég eina slíka hér inn af þessu "kjarri" sem sumir kalla svo, jafnvel þótt um reynitré sé að ræða. Maður stendur neðan við trén neðst á myndinni. 

Vilja að vegurinn liggi um Teigsskóg

Athugasemdir

[Ólafur Arnalds (IP-tala skráð) 22.5.2018 kl. 19:32]

Umfjöllun og nokkarar myndir hér:

https://www.moldin.net/teigsskoacutegur.html

[Ómar Ragnarsson, 22.5.2018 kl. 19:57]

Takk. Ætla að skoða þetta. Ég fór vestur í dagsferð 2005 og gekk áætlaða leið fyrir þrettán árum og flaug yfir hana líka þar á eftir, hvort tveggja til töku ljósmynda og kvikmynda. 50 sekúndur voru sýndar úr gönguferðinni í fréttatíma. 

Í Eyjafjallajökulsgosinu eyðilagðist tölva mín og myndefni glataðist þá, og við flutninga við starfslok týndist efni, sem hugsanlega kann að vera til, þótt það finnist ekki.