Ferðalok er ljóð eftir Jónas Hallgrímsson.

Ferðalok eftir Jónas Hallgrímsson er af mörgum talið fegursta ástarljóð, sem ort hefur verið á íslenska tungu. 

Lagið og ljóðið Ég er kominn heim var og er ungverskt lag sem Jón Sigurðsson bankamaður gerði undurfallegt ljóð við og lagið var frá byrjun og í meira en hálfa öld eftir það ævinlega skráð undir heitinu Ég er kominn heim og nefnt því heiti. 

Íslenska útsetningin er í allt öðrum takti og nútímalegri stíl en ungverska gerðin og tókst flytjendunum óhemju vel upp við flutninginn, svo að lagið fór rakleiðis á toppinn þegar það var gefið út. 

Ég minnist þess vel hvernig Óðinn Valdimarsson sló í gegn og lagið féll í góðan jarðveg, þegar haldnir voru sérstakir tónleikar, sem ég tók átt í, í Sjálfstæðishúsinu (síðar Sigtún og NASA) ar sem þetta lag og önnur nýútkomin lög á nýútkomnum hljómplötum voru flutt. 

Lagið lifði, eins og áður sagði, í meira en hálfa öld undir skráðu heiti þess Ég er kominn heim, en Jón Sigurðsson gerði afar góða texta og hefur að mínu mati ekki verið metinn sem skyldi að verðleikum. 

Lagið, sem Hallgrímskirkja spilaði í tilefni af HM og hefur gengið í endurnýjun lífdaga, heitir ekki Ferðalok og óskiljanlegt er að nú um síðir skuli menn taka allt í einu upp á þeirri vitleysu og ruglingi að gefa því allt annað nafn en það, sem höfundurinn lét skrá og gilti eftir það. 

Ferðalok er ljóð eftir Jónas Hallgrímsson á svipaðan hátt og Maístjarnan er ljóð eftir Halldór Laxness. 

 

 

 

 

Athugasemdir

[Jón Steinar Ragnarsson, 28.6.2018 kl. 06:06]

Laglínan er í raun aðeins lítið stef úr frekar klssísku ungversku tónverki og maður þarf virkilega að sperra eyrun til að grípa það. Þessi laglína hefur svo breyst og fágast í seinni dægurlagaútgáfum, jafnvel að því marki að vera nær óþekkjanlegt. Gott lag engu að síður og ég efast um að nokkur geti farið í spor Óðins heitins í flutningi þess. Síðari tíma flutningur oft bölvað klám sem betur hefði mátt kyrrt liggja.

[Ómar Ragnarsson, 28.6.2018 kl. 09:02]

Óðinn heitinn var miklu betri söngvari en menn áttuðu sig á þá. Í dægurlagakeppni hljómsveitar Svavars Gests fékk hann úthlutað lagi, sem mig minnir að hafi lent í 3ja eða fjórða sæti, enda var finnski dansinn jenka þá á toppnum og Raggi Bjarna söng lagið Lipurtá af sinni alkunni snilld. 

En flutningur Óðins á sínu lagi finnst mér samt standa upp úr þegar ég heyri þessi lög aftur. 

[Hörður Þormar, 28.6.2018 kl. 09:23]

Hér er samanburður,"Das Veilchen von Montmartre":                 Juan Diego Flórez✭♫ "Heut' Nacht hab' ich geträumt von dir"/v.E.Kálmán               

[Richard Þorlákur Úlfarsson, 28.6.2018 kl. 18:33]

Þetta er útgáfa sem hin frábæri danski söngvari Otto Brandenburg gerði 1959 og sem sumir segja að sé hafi verið innblástur.   

https://www.youtube.com/watch?v=cVhlu7Gprs0