Amerískt Guðmundar- og Geirfinnsmál.

Þótt hinir myrtu, sem við sögu komu í morðunum í Atlanta hér um árið væru margfalt fleiri en í Guðmundar- og Geirfinnsmálum hér á landi, voru íslensku málin þó hlutfallslega fyrirferðarmeiri ef miðað er við smæð hins íslenska samfélags.

Það er ólíkt með málunum, að í Atlantamálunum voru lík og vettvangur morðanna oftast fyrir hendi, en hvorugu var fyrir að fara á Íslandi. 

Þótt Hæstiréttur hafi nú snúið sektardómunum 1980 við með sýknuúrskurði, er það þó sameiginlegt með þessum tveimur sakamálum, sitt hvorum megin Atlantsála, að þeim er ekki lokið. 

Nú á að setja Atlantamorðin aftur í rannsókn, og hið sama ætti að gilda í Guðmundar- og Geirfinnsmálunum á meðan Erla Bolladóttir fær ekki leiðréttingu sinna mála með afléttingu sektardómsins; afléttingu sem hún, ein sakborninga fær ekki. 

Það þarf að svipta hulunni til hlítar af framferði þeirra sem knúðu fram ákærur á hendur hinna sakfelldu með því að búa til þær óbærilegu aðstæður hjá þeim að það ætti að hreinsa þau öll af öll því sem þau voru sökuð um; já, þeirra á meðal Erla Bolladóttir. 

Stór og mjög mikilvægur hluti þessa máls hefur alls ekki verið rannsakaður sem skyldi. 

Í blaðaviðtali við Erlu Bolladóttur minnist hún á Suður-Afríku og hér á síðunni hefur áður verið minnt á þá aðferð sem beitt var í Suður-Afríku þar sem aðeins var hugsað um að hreinsa málin upp með því að upplýsa þau til hlítar, en hins vegar ekki með refsingar í huga. 

Sem sagt: Að við tökum Suður-Afríku á þetta. 

Hver drap börnin í Atlanta?

Athugasemdir

[GB (IP-tala skráð) 4.5.2019 kl. 22:49]

https://www.visir.is/g/2019190509560/krefja-thysk-stjornvold-svara-um-geirfinnsmal-?fbclid=IwAR1wXaJLkPiMAz-GntS3OmwqKZK-0tEp3G-6DDa9AvRo6iKfn_QXSFhT-BU

[Jósef Smári Ásmundsson (IP-tala skráð) 5.5.2019 kl. 08:23]

Reyndar er  engin sönnun fyrir því að Geirfinnur og Guðmundur hafi verið myrtir. Einungis að þeir eru horfnir. Geirfinnur gæti þessvegna hafa " smyglað" sér úr landi. Reyndar tel ég sennilegustu skýringuna að hann hafi farið í sjóinn og skolað í burtu, kannski við tilraun við að koma smyglgóssi í land.