Íslenskt bókvit, sem verður í askan látið.

Orðtakið "bókvitið verður ekki í askana látið" hefur lengi verið viðloðandi í viðhorfi okkar Íslendinga til þess, sem hefur verið kallað "eitthvað annað" í niðrandi skyni. 

Fyrir síðustu aldamót hefði það þótt fráleitur bjánaskapur að halda, að "heilaspuni" sakamálasagnahöfunda og annað í þeim dúr gæti ekki aðeins orðið tekjulind fjárhagslega erlendis, heldur ekki síður að erlendir ferðamenn gerðu sér ferð til Íslands, meðal annars til að skoða vettvang íslenskra sakamálasagna í Norðurmýrinni í Reykjavík, eins og gerðist hjá Arnaldi Indriðasyni. 

Fjárhagslegt og þjóðhagslegt gildi hugvits, bæði í tækni, vísindum og á bókmennasviðinu spannar miklu stærra svið en flesta getur órað fyrir. 

 

Besti árangur í 15 ár

Athugasemdir

[Húsari. (IP-tala skráð) 11.6.2020 kl. 20:46]

Sæll Ómar.

Orðtak er þetta ekki heldur málsháttur.

Munurinn á þessu tvennu er nokkuð glöggur:

orðtak getur aldrei staðið eitt og sér heldur
þurfa önnur orð að koma til.

(að róa öllum árum)

Málsháttur er heil málsgrein og hefur að geyma
algild sannindi eða speki.

Þessi málsháttur á uppruna sinn í Pilti og stúlku
e. Jón Thoroddsen.

Að öðru leyti erum við sammála sem jafnan áður!