Meginregla: Neyðarástand hefur forgang.

Flugatvikið, sem greint er frá í tengdri frétt á mbl.is er líklega afar athyglisvert vegna flókinnar atburðarásar.  Burtséð frá þessu atviki og án þess að fella neina dóma um það, má nefna nokkur meginatriði almennt, en fyrirsögn fréttarinnar, "vél, sem lenti án heimildar" sé að mati þess, sem fréttina skrifar, aðalatriðið málsins. 

Þó kemur fram í fréttinni, að hin óheimila lending hafi gengið á áfalla út af fyrir sig.  

Flugsagan hefur að geyma ótrúlega mörg tilvik þar sem tregða eða hik stjórnanda loftfara til að lýsa yfir neyðarástandi hefur hefur valdið tjóni, jafnvel manntjóni.

Einnig hefur tregða þeirra, sem tengjast atvikinu, til þess að viðurkenna ákvörðun flugstjóra um neyðarástand sem réttmæta, oft orðið til tjóns.   

Stundum stafar tregða flugstjóra af því að mistök hans sjálfs hafa leitt til þess eða átt þátt í því að neyðarástand er skollið á. 

En það breytir ekki aðalatriðinu, sem er það, að neyðarástand, þar sem líf tuga farþega er í hættu, er raunverulegt neyðarástand. 

 

Rannsaka vél Icelandair sem lenti án heimildar

Athugasemdir

[Birgir Guðjónsson (IP-tala skráð) 30.10.2020 kl. 10:48]

heyr heyr !

[Leifur (IP-tala skráð) 30.10.2020 kl. 19:59]

Vandamál við orðið "heimild" sem "clearance"  er í dag langt frá upprunalegum tilgangi með hugtakinu.

Í upphafi var það hugsað sem fullyrðing,  tengt stjórnuðu flugi, sem þýddi  ... laus frá annarri flugumferð - minnka líkur á árekstri (air traffic control clearance). "Cleared to land" þýddi að engin önnur hindrun væri við fyrirhugaða lendingu. Tilgangur var flugöryggi.

Seinni tíma breytingar á hugtakinu fela einnig í sér pólitískar ákvarðanir, svo sem að eitthvert ráðuneyti gæti gefið flugumferðarstjórn fyrirmæli um að hamla eða neita vél um "heimild" eða "clearance. Það er andstætt tilganginum upphaflega.

Mayday kall, þýðir að stjóri sér fyrir sér ástand, sem stefnt gæti loftfari og eða eihnhverjum um borð í hættu og lætur með því vita að ekki er hægt að bíða eftir töfum eða slíku og stjóri getur tekið ákvörðun um að bregðast við án "heimildar" (tæpast gott orð) - without clearance til að forða þeim, sem eru um borð frá háska.

Kv.L

[Hörður Björgvinsson (IP-tala skráð) 30.10.2020 kl. 21:26]

Mér finnst svakalegast við þessa frétt að flugstjóri lýsir yfir neyðarástandi, og þarf að bíða í 6 mínútur eftir viðbrögðum frá flugturni.