Óskiljanleg fullkomnun hjá "skynlausum skepnum".

Þrátt fyrir alla ofurtækni mannanna er færustu vísindamönnum enn gersamlega hulinn galdurinn, sem ratvísi farfugla byggist á og gerir þeim kleyft að fljúga á haustin á hárréttum tíma tugir þúsunda kílómetra ár eftir ár frá hreiðurstæði til dvalarstaða hinum megin á hnettinum og síðan til baka að sama hreiðurstæðinu vorið eftir. 

Mannlegur skilningur á þessu óg ótal öðru í náttúrunni virðist enn jafn víðsfjarri og hann hefur verið frá örófi alda. 

Sú staðreynd að vitneskja um breytingar í náttúrufari geti flust á milli kynslóða dýra og fugla er líka óútskýrð í visindasamfélagi mannheima. 

Dæmin um undur sköpunarverksins eru óteljandi eins og dæmin í viðtengdri frétt á mbl.is sýna. 

Það eina, sem hægt er að gera, er að hneigja sig djúpt í lotningu og auðmýkt og játa smæð sína andspænis almættinu. 

 

Hvernig ratar maður 800 kílómetra heim?

Athugasemdir

[Sigurgeir Árnason (IP-tala skráð) 11.7.2021 kl. 13:59]

Getur ekki verið að á bak við hóp dýra sé einhver alheimsvitund eða sál er leiðbeinir sínum dýrahóp með dulrænni skynjun í því sem dýrið er í hverju sinni,það gengur ekki lengur fyrir vísindasamfélagið að segja ætíð að þetta sé meðfætt,egg sem er úr útungunarvél og verður úr fullvaxin fugl reynir sjálfur að gera sér hreiður fái hann svigrúm til þess,hvaðan kemur vitneskja hans til þess.það er svo margt í náttúrinni sem vísindin hafa enga skýringu á en raunverulegt en illútskyranlegt.

[Hörður Þormar (IP-tala skráð) 11.7.2021 kl. 15:27]

Hvers vegna er heili mannsins miklu þroskaðri heldur en annara dýra, var það tilviljun sem réði því?

Er vitsmunaþroski mannsins endanlega fullkominn eða gæti hann verið miklu meiri?                          Zufall Mensch? Der kleine Schritt zum großen Gehirn | MDR DOK