Undirbúningur járntjalds í gegnum Úkraínu?

Fyrirkomulagið við innrás Rússa í Úkraínu benti til þess að veðjað var á algeran rússneskan sigur með því að ná höfuðborginni og hrekja ríkisstjórninni þar frá völdum. 

Þetta hefur ekki tekist hingað til, og þar með gæti legið beint fyrir hjá Pútín að ná samt fram helstu atriðunum í stríðsrekstri Rússa í Úkraínu síðustu átta ár, að skilja Donetsk og Luhansk héruðin auk Krímskaga frá Úkraínu  og koma þeim undir rússnesk yfirráð, hugsanlega með þeim lokaáfanga að Krím og allur austurhluti Úkraínu verði austan nokkurs konar nútíma járntjalds sem liggi frá norðri til suðurs þvert í gegnum landið. 

Pútín hefur þegar viðurkennd sjálfstæði Donetsk og Luhansk, en lega þeirra gerir drátt markalínu erfiðara út frá hernaðarlegu sjónarmiði og hætt við að Pútín sækist eftir stærra yfirráðasvæði. 

Það svæði sem Rússr hafa veitt sína viðurkenningu sem sjálfstæð svæði er samtals um 600 ferkílómetrar eða sem svarar Reykjanesskaganum, og íbúarnir alls tæplega 1,9 milljónir.  

Hluti af heildarlausninni, sem Pútín sækist eftir, gæti orðið eins konar Finnlandisering Úkraínu með hlutleysi án  inngöngu í ESB eða NATO. 

Rússar sagðir undirbúa stórfellda árás

Athugasemdir

[Sigurður Antonsson, 4.4.2022 kl. 20:46]

Of mikill einföldun að ætla að Rússar geti náð á sitt vald stórum svæðum við Svartahafa. Stærstur hluti útflutnings Úkraínu fer þar fram. Her Rússa vanbúinn.

Ĺíklegt að stríðið leiði til þess að Pútin fari frá völdum og ný alda frjálshyggju leiki um landið. Sími og nettímar. Stríðsherrar auka vinsælir í upphafi en síðan fjarar venjulega undan þeim.

[Símon Pétur frá Hákoti (IP-tala skráð) 4.4.2022 kl. 21:04]

Tel þetta afar sennilega niðurstöðu.

[Ómar Ragnarsson, 4.4.2022 kl. 23:43]

Ef rétt er, að Pútín hafi aukið fylgi sitt meðal Rússa úr 69 prósentum í 83 prósent, blasir það ekki beinlínis við að hann verði hrakinn frá völdum. 

Það liðu nokkur ár frá því að Nikita Krústjoff gerði sín mistök, sem voru ekki aðeins næstum búin að steypa veröldinni í kjarnorkustyrjöld, heldur ekki síður hrikaleg mistök í vatnaflutningum með stórfelldum óafturkræfum umhverfisáhrifum.