Til mikils að vinna varðandi "hreina og endurnýjanlega orku."

Það framtak að vinna að eflingu dælingu óæskilegs útblásturs frá gufuaflsvirkjununum á Reykjanesskaga niður í jörðina hefur vakið athygli erlendis. 

Enn er þó mikið óunnið á meðan "óhagstæð vindátt" getur borið brennisteinsvetnismengun til þéttbýlis höfuðborgarsvæðisins, því að þessi sama vindátt er algengasta vindáttin. 

Þótt tölurnar um niðurdælinguna séu stórar, eru þær enn lítill hluti af öllum útblæstrinum. 

En þó stefnir þessi viðleitni í rétta átt, enda til mikils að vinna til að hægt sé að ná takmarkinu alveg, að orkan geti í raun verið "endurnýjanleg og hrein."

Óhagstæð vindátt bar skýið frá Nesjavöllum

Athugasemdir

[Hörður Þormar (IP-tala skráð) 6.7.2022 kl. 14:41]

Vetnið er orkumiðill framtíðarinnar. Hingað til hefur verið dýrt að framleiða það á vistvænan hátt, einnig hefur verið dýrt að geyma það. Nú virðist vera að finnast lausn á þessum vandamálum og mun nú vera hægt að framleiða vetni með 98% orkunýtni og geyma það í föstu formi.

Ísland býr yfir miklum orkuauðlindum, í vatnsföllum og jarðvarma, en einnig í sjávarafli og vindorku. Auðvitað verður að taka fyllsta tillit til umhverfisins, en ég trúi ekki öðru en að hægt verði að finna einhverja staði á landinu sem henta vel til virkjunar á vindorku, einkum þar sem útlit er fyrir að ný tækni muni leysa vindmillurnar af hólmi. Kannski gæti Ísland einhvern tímann orðið "Katar norðursins".                                  Scientists New Hydrogen Breakthrough SHOCKS The Entire Car Industry!           

[Ásgrímur Hartmannsson, 6.7.2022 kl. 18:07]

Myndi nú seint kalla þessa gufuaflsvirkjun þeirra hreina.  Endurnýjanleg kannski, en ekki hrein.  Kol væru hreinni.

Eina raunverulega hreina orkan sem við getum fengið er vtansafl, og menn hafa eitthvað á móti henni.

[Ómar Ragnarsson, 6.7.2022 kl. 19:42]

Gufuaflsvirkjanirnar á Reykjanesskaga eru fjarri því að gefa endurnýjanlega orku. 

Í forsendum þeirra er gefið fyrirfram að orkan endist aðeins í 50 ár og hún er þegar farin að þverra.  50 ára endingartími myndi ekki þykja boðlegur, ef um samkeppnisfæra kolaorku væri að ræða.