Sá sjúki þarf að vilja meðferðina sjálfur.

Það er víða gert erlendis með ágætum árangri að binda skilorð afbrotamanna, sem eru vímuefnafíklar við það að þeir fari í almennilega meðferð á hæli.

Einni galli getur þó verið á þessu. Það er algert skilyrði fyrir árangri af meðferð að sá, sem í hana fer, vilji það einlæglega sjálfur. 

Þegar honum er stillt upp við tvo kosti og meðferðin greinilega hinn skárri þeirra, er líklegt að það hjálpi til við að fara í hana af fúsum vilja, en spurning er hvort hægt sé að segja að það verði "af fúsum og frjálsum vilja." En allt er undir því komið. 

Dæmdur í áfengismeðferð

Athugasemdir

[Ásthildur Cesil Þórðardóttir, 21.2.2011 kl. 21:42]

Þetta er mál sem ég hef löngum talað fyrir.  Og er afar ánægð með að þessi leið verði farin.  Málið er að oft vilja fíklar hætta en hafa ekkert í sér til að standast fíknina.  Það þarf að stofna lokaða meðferðarstofnun eins og eru á hinum norðurlöndunum þar sem fíklar eru dæmdir til meðferðar og fara sín 12 spor en með því að þeir geta ekki yfirgefið stofnunina.  Þeir eru sóttir aftur og þurfa að byrja upp á nýtt ef þeir reyna að flýja.  Þetta er alveg bráðnauðsynlegt að koma á fót hér.  Þetta er fyrsta skrefið sem er afar jákvætt.

[Guðrún María Óskarsdóttir., 22.2.2011 kl. 00:22]

Ég tek undir það með Cesil að það er löngu nauðsynlegt að skilyrða dóma við meðferð, hins vegar sé ég ekki alveg í hendi minni hvar sú hin sama meðferð getur átt sér stað í voru kerfi, þar sem lokaðar deildir eru og hafa verið í slíku lágmarki að til mikils vansa er.

Forsenda þess að einstaklingur sé tekinn til meðferðar á lokaða deild í kerfinu, án þess að hafa gengið glæpabrautina með dóma á bakinu, er nefnilega eigi að síður sú að sá hinn sami þarf að vera sjálfræðissviptur fyrir dómsstól.

kv.Guðrún María.

[Gunnar Th. Gunnarsson, 22.2.2011 kl. 00:42]

"Engin getur hætt drykkjuskap, nema hann vilji það sjálfur"

Hins vegar "kviknar ljósið" hjá mörgum, sem stillt er upp við vegg og eru neyddir í meðferð, ýmist af sínum nánustu eða vinnuveitanda.

Þeir byrja í meðferðinni meða allar varnartaktíkirnar á útopnu og þær geta verið fjölbreyttar og einstaka sinnum frumlegar. En oftast eru þær grátbroslegar.

[Ásthildur Cesil Þórðardóttir, 22.2.2011 kl. 09:05]

Minn sonur komst loks á Krýsuvík, hann sagði við mig Mamma ég trúði því ekki að ég gæti komist upp úr neyslu, en nú er ég eins og ný maður, og nú veit ég að ég get það.  Og mér líður svo vel. Þá var hann búin að vera í harðri neyslu í meira en áratug.