Hefði þurft að koma fram fyrr.

Sveitarstjórnarmálefni eru að miklu leyti annars eðlis en landsstjórnmál. Það er yfirleitt auðveldara að hafa áhuga og þekkingu á nærumhverfi sínu en málefnum landsins alls, sem tengjast alþjóðamálum yfirleitt miklu meira en málefni heimabyggðar. 

Þess vegna er það hið besta mál að komið sé fram frumvarp um að lækka kosningaaldur til sveitarstjórnarkosninga niðurí 16 ár. 

Jafnvel þótt málið muni frestast vegna þess hve seint það kemur fram, er umæðan farin af stað og þar með meiri líkur en ella á því að hægt verði að afgreiða það á þann yfirvegaða og örugga  hátt sem því sæmir. 

 

Umræðu um kosningaaldur frestað fram í apríl

Athugasemdir

[Þorsteinn Briem, 23.3.2018 kl. 21:03]

Þetta er nú ljóta bullið í þér, Ómar Ragnarsson.

Þrjár umræður um þetta mál er sem sagt ekki nægilega mikil umræða um það á Alþingi, þar sem einungis atkvæðagreiðslan var eftir og verður væntanlega strax eftir páskafrí Alþingis.

[Þorsteinn Briem, 23.3.2018 kl. 21:06]

Búið er að gera sautján ára Íslendinga að börnum í skilningi laganna.

Þeir þurfa þó að greiða skatta af tekjum sínum, vinna fjölmargir með skóla og búnir að eignast til að mynda bíl, eins og undirritaður á sínum tíma.

Þegar ég var sautján ára gamall var ég nemandi í Menntaskólanum á Akureyri en jafnframt sjómaður á báti frá Grindavík og mætti einungis í skólann til að taka próf.

En auðvitað átti ég ekki að hafa kosningarétt.

[Vagn (IP-tala skráð) 23.3.2018 kl. 21:11]

Fólk verður bæði sjálfráða og fjárráða við 18 ára aldur. 18 ára aldurinn er líka kallaður lögræðisaldur því þá verður fólk lögráða og öðlast sömu réttindi og skyldur og fullorðið fólk. Að lækka kosningaaldur til sveitarstjórnarkosninga niður í 16 ár veitir börnum kosningarétt en þau þurfa samt leyfi foreldra til að kjósa. Þar sem foreldrar fara með forsjá barna og bera ábyrgð á þeim til 18 ára aldurs er það í höndum foreldra að ákveða hvort þau kjósi. Og ekki verður hægt að meina foreldrum að fara með barninu í kjörklefann. Það er asnalegt.

[Þorsteinn Briem, 23.3.2018 kl. 21:36]

Í dag:

"Þor­steinn Víg­lunds­son, þingmaður Viðreisn­ar, seg­ir það von­brigði að hóp­ur þing­manna taki sig sam­an um málþóf til að koma í veg fyr­ir að vilji þings­ins fái að koma fram.

Umræðu um lækk­un kosn­inga­ald­urs til sveit­ar­stjórn­a­kosn­inga niður í 16 ár var í kvöld frestað til 9. apríl.

Hann seg­ir það hafa komið skýrt fram í at­kvæðagreiðslu eft­ir aðra umræðu að málið njóti yf­ir­burðastuðnings."

[Húsari. (IP-tala skráð) 23.3.2018 kl. 21:38]

Sæll Ómar.

Augljóst er að kosningaaldur verður ekki færður í 16 ár
nema til komi að lögræðisaldur verði einnig 16 ár
og kjörgengi miðist einnig við 16 ár.

Vandræði hljótast af ef þetta fer ekki saman og hætt
við að kosningar yrðu dæmdar ólöglegar eða málaferli
enduðu fyrir mannréttindadómstólnum.

[Einar S. Hálfdánarson (IP-tala skráð) 24.3.2018 kl. 00:20]

Maður sem nú á að velja valdhafa er ekki tlinn nógu gamall til að ákveða að flytja heiman. Ekki einu sinni til að ráða herbergislitnum hjá sér. Það er ekki að undra að Þorsteinn Víglundsson sé til varnar. Viðreisn hefur eina fasta reglu; að stunda ekki rökræðu.

Ef átján ára maður "tælir" sextán ára til samræðis, þá telst það alvarlegt afbrot. Það er vegna þess að sá 16 ára telst ekki geta gefið fullgilt samþykki.

Og hvar er annars almennur kosningaaldur bundinn við 16 ár? Koma nú og bera rökin fram. "Íslendingar eru öllum fremri o.s.frv.", eða hvað?

[Bjarni (IP-tala skráð) 24.3.2018 kl. 12:34]

Af hverju ekki bara 12 ára?

Tilraun sumra til að afla sér vinsælda gérast sífellt furðulegri.