Eini staðurinn þar sem flekaskil liggja frá hafi á land.

Þótt uppplýst sé að skjálftar séu algengir undan Reykjanestá án þess að þeir séu undanfari eldgoss er líklega best að bera ákveðna virðingu fyrir öllum umbrotum, sem verða á þessu svæði. 

Jarðeldarnir í Fagranesfjalli komu eftir um áttahundruð ára langt eldgosahlé, þar sem oft höfðu komið skjálftahrinur án þess kvika kæmist upp á yfirborðið. 

Þó virtist sem gos yrði á hafsbotni undan Reykjanesi á svipuðum tíma og Skaftáreldar hófust 1783 án þess að það væri nóg til að mynda eyju í það skiptið. 

Undir Íslandi og Hawaieyjum eru tveir stærstu möttulstrókar heims, og á Reykjanesi, sem er ysti hluti Reykjanesskagans liggja flekaskilin milli Ameríkuflekans og Evrasíuflekans frá suðvestri til norðvesturs á þann hátt, að sagt hefur verið að flekaskilin "gangi á land" á þessu svæði, og sé hvergi að lita hliðstæðu þess í veröldinni.  

Miðað við atburði síðustu missera á Reykjanesskaga er því ástæða til að bera virðingu fyrir gildi þessa eldvirka svæðis bæði á skaganum sjálfum og í hafinu yst við hann.  

Jörð skelfur yst á Reykjanesskaga

Athugasemdir

[Björn S. Stefánsson (IP-tala skráð) 11.2.2023 kl. 21:46]

frá suðvestri til norðausturs

[Vagn (IP-tala skráð) 11.2.2023 kl. 23:21]

Flekaskilin milli Ameríkuflekans og Evrasíuflekans "ganga á land" á fleiri stöðum en Íslandi. Og hver um sig á enn fleiri stöðum með öðrum flekum. Þannig að réttara væri að segja eini staðurinn í nágrenni okkar þar sem flekaskil liggja frá hafi á land.

[Hjalti Gústavsson (IP-tala skráð) 12.2.2023 kl. 05:47]

Ég man þegar þú hafðir hár á höfði.Einn skemmtilegast fréttamaður landsins.

Hekla er komin á tíma. Á milli Eldeyjar og Reykjanesvita verður mjög líklega risastórt gos sem jafnast á við Surtseyjargosið. Við lékum okkur oft við krakkanna þína í denn. Man mikið eftir Láru og hvað var mikið gaman að leika við hana..Skemmtilegir og fræðandi pislar frá þér.