Löngu tímabærar breytingar.

Breytingarnar á launum handhafa forsetavalds eru löngu tímabærar og fleira þarf að koma til.

Það er til dæmis löngu úrelt að það þurfi alltaf handhafa forsetavalds þegar forsetinn er erlendis því að aðstæður eru gerbreyttar frá tíma þegar forsetinn var nánast sambandslaus við land sitt á siglingu til útlanda eða í ferðalögum þar.

Forsetinn er alveg meira úr sambandi í innanlandsflugi eða í gönguferð á Hornströndum heldur en í flestum utanlandsferðum. Utanlandsferðirnar eru líka orðnar miklu fleir en áður var og heimurinn orðinn eitt síma- og netsvæði.

Handhafa forsetavalds ætti aðeins að kalla til í algerum undantekningartilfellum þegar forsetinn getur sannanlega ekki verið virkur eða í nógu góðu sambandi við þá sem hann þarf að hafa samskipti við.

Vilja lækka laun handhafa forsetavalds

Athugasemdir

[Óskar Þorkelsson, 17.8.2009 kl. 21:18]

tek undir þetta hjá þér

[Sigurður Viktor Úlfarsson, 17.8.2009 kl. 22:02]

Sammála.  Það er væntanlega hægt að ná sama sparnaði með því að draga úr þeim skiptum sem handhafar forsetavalds sinna því embætti um 80% heldur en að lækka launin meðan á þeim stendur.  Menn mega nú alveg finna svolítið til sín þegar þeir sinna þessu embætti og því má það ekki vera einhver láglaunastaða.

[Ari (IP-tala skráð) 18.8.2009 kl. 13:40]

Mér finnst reyndar hin löngu tímabæra breytingin vera sú að það ætti að leggja þetta snobbembætti niður og spara pening á því fjáraustri sem fer í það :)