Mao sagði að Bandaríski herinn væri "pappírstígrisdýr." "MAD" ("GAGA")

Á árunum 1945 til 1949 voru Bandaríkin eina kjarnorkuveldi heims og réðu árið 1948 yfir 40 kjarnorkusprengjum í ört stækkandi vopnabúri með slíkum sprengjum. 

Þeir höfðu 1945 sýnt Stalín, að þeir hikuðu ekki við að beita slíkum vopnum, og í krafti þeirrar ógnar, sem það gaf, gátu þeir afvopnast mun meira í hefðbundna heraflanum en ella og hótað að varpa kjarnorkusprengjum sínum á sovéskar borgir, ef Stalín færi yfir strikið. 

Í samræmi við það tók Stalín þá stefnu í deilunni um Berlín og fleiri núnningsfleti Kalda stríðsins að ganga af yfirvegum fram í að viðhalda heljartaki sínu á Austur-Ervópu en halda sig þó við samningana um stríðslokin. 

Þegar grískir kommúnistar sóttu að ríkisstjórninni þar í landi, lyfti Stalín ekki litla fingri þeim til hjálpar á umsömdu bresku áhrifasvæði, og uppskar í staðinn það í Ungverjalandi, að Vesturveldin héldu herjum sínum til hlés þegar Ungverjar gerðu uppreisn, sem Rússar bældu miskunnarlaust niður.  

Kóreustríðið 1950 til 1953 var fyrsta stríðið þar sem bæði Rússar og Bandaríkjamenn réðu yfir Kjarnorkuvopnum, en Kínverjar ekki, og spurningin var hvort Kanarnir myndu láta undan þrýstingi frá Douglas Mac Arthur yfirhershöfðingja um að beita þessum kjarnorkuvopnum gegn Kínverjum. 

Niðurstaðan hjá Truman forseta var að reka Mac Artur og vinna úr þrátefli í styrjöldinni með vopnahléssamningum, sem enn eru í gildi sjötíu árum seinna. 

Fyrstu 20 árin eftir samkomulagið komst á ástand sem Mao formaður lýsti þannig, að Bandaríkin væru "pappírstígrisdýr". 

Samkvæmt MAD kennisetningunni (GAGA á íslensku) felst hin yfirgengilega söfnun kjarnorkuvopna í því að skapa svonefnd ógnarjafnvægi.

Slíkt ástand á við nú um stöðuna í Úkraínustríðinu. 

Eegar MAD er í gildi hóta aðilar þess hóta því að beita kjarnorkuvopnum þótt þeir viti, að slíkt myndi getað eytt öllu lífi á jörðinni. En enda þótt þetta ógnarjafnvægi Kalda stríðsins hafi skapað ástand þar sem enn hefur ekki verið beitt gereyðingarvopnum, blasir við efinn um að þetta ástand geti gengið til lengdar. 

Um það gildir hið hið svonefnda lögmál Murphys þess efnis, að hægt sé að fara rangt að eða gera mistök í einhverjum efnum, muni það óumflýjega verða gert. 

Um það má grípa til orða Henry Ford, sem sagði að það, sem ekki væri til, bilaði aldrei. 

Sem í þessu efni þýðir, að ekki væri hægt að misbeita kjarnorkuvopnum, sem ekki væru lengur til. 

Hótun kjarnorkuvopna merki um veikleika

Stórfelld tilraunastarfsemi með undirstöður mannlífs á jörðinni.

Hugarfar æðibunugangs og skefjalausrar ásóknar í auðlindiri jarðar eru einkenni lifnaðarhátta nútaimans hjá hraðfjðlgand jarðarbúum. 

Það þykir óskðp eðlilegt að fimmfalda, tífalda og jafnvel hundraðfalda sjókvíaeldi án minnsta tillits til afleiðinganna af slíku offorsi. 

Sömuleiðis ríkir þessi hugsunarháttur ó orkuöflun hér á landi þar sem talað er um fimmföldun, tíföldun og jafnvel þrítugföldun orkuvinnslu og virkjana sem sjálfsagðan og eftirsóknarverða hlut. 

Einna hrikalegasta birtingarmynd þessa æðis er sú staðreynd að þenja svo neyðslusókn mannkynsins að magn koltvísýrings í lofhjjúpnum vaxi margfalt hraðar en gerst hefur áður í milljóna ára sögu lífs á jðrðinni og í höfum hennar. 

Fiskeldi geti haft afleiðingar fyrir þorskstofninn

Sauðárflugvöllur bættist við í 24 stiga hita í morgun.

Hér er framhald af myndskreyttum bloggpistli í morgun um hitabylgjuna á hálendinu og alþjóðlega umferð á BISA Sauðarflugvelli international airport sem hófst í morgun með lendingu tveggja hreyfla Twin Otter flugvélar með þrettán manns innanborðs, sem er í Íslandsferð, komin frá Stokkhólmi með viðkomu á Höfn í Hornafirði og Mývatni.   

Yfir Sauðárflugvelli stukku tólf fallhlífarstökkvarar út og tóku myndir, sem settar verða hér inn, meðal annars af stökki eins þeirra í ferðinni. 

Flugvélin er í eigu Íslendinga erlendis, aðallega í Stokkhólmi, og kom þaðan. Í tólf ára sögu Sauðárflugvllar international airport með alþjóðlega einkennistákninu BISA er þetta stærsta flugvélin, sem hefur lent þar, að áður hafa Fokker 50 og Boeing 757 gert aðflug að vellinum án þess að lenda. 

 

Neysla ferðamanna jókst um 80% á milli ára

Í fyrradag var mesti hiti landsins á norðausturhálendinu, 24 stig!

Nú er sumum varla farið að lítast á blikuna með hina eindæma löngu þurrka og hita á austanverðu landinu. 

Á bloggsíðu Trausta Jónssonar er greint frá því að hjá Upptyppingum, fjalli sem liggur á milli Öskju og Sauðárflugvallar, hafi orðið hæstur hiti á landinu í fyrradag, 24 stiga hiti!  

Hafi aðeins tvisvar í sögu veðurmælinga gerst svipað. Mælingastaðirnir þarna eru í 600 til 700 metra hæð yfir sjó.

Tvær litlar flugvélar, TF-REB og TT-ROS lentu á vellinum í fyrradag og var hitinn þar þá 18 stig. 

í fréttum RUV í morgun er greint frá því að kviknað hafi í tré í Hallormsstaðaskógi og að eystra þyki mönnum nóg um hina miklu þurrka og hita og áhrif þeirra á allan gróður. 

Ekki virðist neitt lát framundan á þessu. 

Í dag er ætlunin að Twin Otter flugvél varpi út 13 fallhlífarstökksmönnum yfir Sauðárflugvelli og lendi þar síðan til þess að taka þá um borð. 

Á öllu þessu landssvæði hefur ríkt viss tegund af viðbúnaðarstigi vegna kvikusöfnunar á litlu dýpi undir Öskju og því gott til þess að vita að hugsanlegt notagildi vallarins sé prófað.  

 

Allt að 23 stiga hiti fyrir austan

"Aukning í konum". Aukning í notkun orðsins aukning.

Fyrirsögn viðtengdrar fréttar er dæmi um þá nafnorðasýki sem þjakar íslenskt fjðlmiðlafólk. 

Í fyrirsögninni er talað um að það sé "vöxtur í fjðlda" flóttafólks í stað þess að segja einaldlega að flóttafólki fjðlgi og nota með því tvö orð í stað fjögurra. 

Svo langt getur þetta gengið að talað hefur verið "neikvæða aukningu". 

Hér á dögunum var rætt í frétt einni um aðsókn að skólum og var þar sagt að það hefði orðið "aukning í konum" í stað þess að segja að konum fjölgaði. 

Í fljótu bragði er erfitt að sjá hvers konar aukning geti orðið í konum nema að þær séu að þyngjast og verði þá væntanlega léttari í framhaldinu líkt María forðum. 

Sögulegur vöxtur í fjölda flóttafólks

"Tyson óðan telja má..."

"Með íslenskuna að vopni" hét árlaeg skemmtun að sumarlagi á Vopnafirði hér um árið, og var þá stutt síðan Mike Tyson hafði bitið stykki úr eyra Evander Holyfield í hnefaleikabardaga. 

Ðétur Petúrsson læknir á Akureyri var í salnum og lét þá gjalla háum rómi þessa stöku:

Tyson óðan telja má. 

Þó tel ég líklegt vera, 

að bullur þær, er bíta´og slá 

brúki allar stera. 

Pétur hafði áður skrifað blaðagreinar um steranotkun íþróttamanna og uppskar góð viðbrögð samkomugesta við stökunni.  

Tyson var dæmdur í keppnisbann og háar fésektir, og varð þá til þessi staka:

 

 

EF Tyson til Íslands náum við nú í vetur, - 

því norpandi´í fangelsinu er ævi hans ill -   

Á þorrablótum hér getur hann bætt um betur 

og borðað eins marga svarta hausa´og hann vill.  

 

Magnús Ingimarsson var lærður prentari og vann fyrstu árin eftir nám í prentsmiðjunni, sem prentaði dagblaðið Tímann. 

Á hverjum vetri var haldin árshátíð þessarar prentsmiðju, þar sem við Magnús vorum með atriði. 

Fastur dálkur í efni árlegs rits, sem hét Hálftíminn var "máltækjaskrá" þar sem helstu viðburðir liðins árs voru túlkaðir í málsháttum. 

Einn veturinn var úr vöndu að ráða. Tilfallandi ritstjóri hafði lent í slagsmálum við setjara einn á næstu árshátíð og bitið hann í lærið. 

Þetta var of stór viðburður til að honum væri sleppt, en málið viðkvæmt. 

En lausnin fannst í einni setningu inni í málsháttalistanum:

"Ekkert fær staðist tímans tönn."  

Fjögurra leikja bann fyrir að bíta andstæðing

Stefna jarðgöngurnar í ógöngur? Vandi með kýrina og Breiðadalslegg.

Orðið jarðgöng var oft notað í fréttaflutningi dagsins og því miður kom í ljós, að fjölmiðlafólk og fleiri eiga í fádæma basli með að nota þetta orð rétt.  

Í langri frétt nú í kvöld var í síbylju talað um jarðgangnagerð og fjárveitingar til jarðgangna og jarðgöngum þannig ruglað saman við orðið göngur, sem notað er um göngur og réttir á haustin. 

Með því að tala um jarðgangnagerð er samkvæmt orðanna hljóðan verið að tala um það ómögulega fyrirbæri að smala fé neðanjarðar. 

Um daginn kom í ljós í fréttaflutningi um kýr, að hvorki fréttamaðurinn né fréttastjórinn, sem var aðallesari kunnu beygingu á tegunarheiti þessara dýra. 

Og í frétt dagsins af jarðgöngum sást heitið "Breiðadalsleggur" um endurbættan áfanga í Vestfjarðagöngum. 

Kannski styttist í að sungið verði í laginu "Á Sprengisandi": "..drjúgur verðir síðasti leggurinn..." 

Og hið þekkta ljóð Jóns Helgasonar?  "Áfangar"?  Nei. "Leggir". 

900 milljarðar og ný Hvalfjarðargöng

Seinkun skóladags er löngu tímabær. Betra er seint en aldrei.

Á veturna háttar þannig til hjá yfirgnæfandi meirihluta landsmanna býr við stillingu klukkunnar þannig að hádegi er ekki fyrr en klukkan klukkan langt gengin í tvö.  

ÞAð þýðir að meirihluti skílatímans og sá hluti sem mestu ræður, er þannig, að sól rís ekki fyrr en komið er fram undir hádegi. 

Fyrir rúmum áratug voru uppi talsverðar deilur hér á landi um það að færa klukkuna til. 

Niðurstaðan varð sú að það var ekki gert, en í umræðunni kom fram, að til væru önnur ráð til þess að auka birtuna fyrstu klukkustundir skóladagsins, til dæmis með því að færa hann einfaldlega til.   

ÞÁ hefði verið kjörið að gera það strax, en það hefur því miður dregist. Nú loks hillir undir það, og var löngu tímabært. 

En betra er seint en aldrei. 

 

 

 

 

 

 

Samstaða ríkir um seinkun skóladags

Sumarið loksins að koma fyrir alvöru?

Almanakið segir ekki allt um það hvenær hásumar ætti að vera, því að enda þótt bjartasti hluti þess með mesta sólarhæð sé í kringum 20 júní, sýna veðurtölur, að hljýjast að meðaltali er í kringum 20. júlí, mánuði síðar, og að hásumarið veðurfarslega er frá 20. júní til 20. ágúst. 

Þetta skynjuðu stjörnufræðingar eins og Stjðrnu-Oddi, og fyrsti sumardagur var settur inn mánuði síðar en á jafndægri að vori, og fyrsti vetrardagur mánuði síðar en jafndægri að vori. 

Nu benda veðurspár til að í vændum sé fyrsta alvðru hitabylgjan um allt land í senn, sem endist lengur en bara í nokkra daga.  

Betra veður á Austurlandi en á Tenerife

1986: Verkfall Rafiðnaðarsambandsins og biðlisti eftir hjúkrunarheimili.

Ekkert er nýtt undir sólinni segir máltækið, en kannski ætti frekar að sega að fátt sé nýtt undir sólinni. 

Þetta kom í hugann þegar sýndur var nú í hádeginu sjónvarpsþáttur frá útmánuðum 1986, sem var vikulega, en féll niður eina halgina vegna verkfalls rafiðnaðarmanna, sem hafði þau áhrif, að einn þátturinn féll niður. 

Annað kom fram í þessum endursýnda þætti frá 1886, sem virðist ekkert hafa breyst í 37 ár, en í viðtali við Bryndísi Schram, sem tók þátt í prófkjöri fyrir borgarstjórnarkosningarnar 1986, var hún innt eftir helstu áherslumálum sínum í stjórnmálum og nefndi það, að mörg hundruð manna biðlisti eftir hjúkrunarheimili væri væri hneisa, sem þyrfti að útrýma. 

Nefndi hún sláandi einstök dæmi um slíkt. 

Reiknar fastlega með að verkfall hefjist í júní