Hlutfallslega risavaxið málefni sem kallar á rækilega tiltekt.

Nú þarf greinilega heldur betur að bretta upp ermarnar í allri vinnu Íslendinga í sambandi við Evrópusamstarf okkar svo að hægt sé að koma í veg fyrir það að jafn einfalt stóratriði og einstæð fjarlægð lsndsins frá öðrum löndum álfunnar sé fótumtroðið eins og nú stefnir í. 

Vegna þess að við erum ekki aðildarþjóð að ESB þarf að skerpa gagngert á allri vinnu embætissmannakerfis okkar við að þefa uppi allt það, sem er að gerast hjá bákninu erlendis, og vera á tánum varðandi það að útvega okkur lífsnauðsynlegar undanþágur. 

Lítið dæmi en eitt af ótal svipuðum má nefna varðandi reglur um rafknúin reiðhjól og léttbifhjól. 

Þar var ekkert gert í því að nýta möguleika til lagfæringa hjá okkur, svo sem um hámarkshraða, notkun handknúinnar aflgjafar og afl rafhreyflanna.

Þegar grennslast var fyrir um þetta mál fékkst það svar innan úr íslenska kerfinu að engin leið væri að hnika neinu til. 

En við nánari athugun sást að fjöldi Evrópuþjóða hafði einmitt gert það og að reglurnar gerðu ráð fyrir þeim möguleika. Dæmi um það eru Danir sem hafa hámarkshraðann 30 km/klst í stað 25. 

Þetta skiptir mun meira máli en sýnist í fyrstu, en þar sem mikið er um þröngt þéttbýli er ólíkt meira öryggi fólgið í því að rafknúnu hjólin séu með sama hámarkshraða og bílarnir þar sem 30 km hraði er meginreglan og umferðin blönduð.  

Þegar viðskiptaþvinganir Evrópuþjóða á hendur Rússum vegna Úkraínu voru sett á 2014 fóru Íslendingar að ósekju langverst allra þjóða út úr því vegna þess hvers eðlis okkar viðskipti voru við Rússa. 

Nú stefnir í risavaxið óréttlæti sem varðar meginstoðir samgangna okkar yfir hafið og það má einfaldlega ekki gerast, að við látum sleifarlag og mannfæð í embættismannakerfinu valda okkur stórtjóni af nýrri stærðargráðu. 

Stærsta hagsmunamál Íslands frá upptöku EES

Augljós kynslóðaskipti í alþjóðaknattspyrnunni?

Ekki þarf annað en að líta á gengi París SG, Arsenals og fleiri liða auk úrslitanna á HM til að sjá dæmi um það hvernig nú eru að ganga fram áberandi kynslóðaskipti í alþjóðaknattpyrnunni.

Það eru ekki bara markatölurnar, sem tala sínu máli, heldur ekki síður tölurnar, sem sýna aldur bestu knattspyrnumannanna. 

Um það gildir svipað og tilsvar Sigrúnar Magnúsdóttur kaupfélagsstjóra minnsta kaupfélags landsins á níunda áratugnum, sem þá var á Óspakseyri við Bitrufjörð í Strandasýslu. 

Í heimsókn til hennar 1990 lýsti hún hvernig hún hefði notað hagkvæmni smæðarinnar, nánast enga yfirbyggingu, til þess að komast af þau ár sem SÍS hrundi. 

Í heimsókn til hennar tíu árum síðar var spurt um mannfjöldann í hreppnum og samtalið var stutt og snaggaralegt: 

"Hann er sá sami og fyrir tíu árum" svaraði Sigrún. 

"Það eru góðar fréttir." 

"Nei, þetta eru slæmar fréttir", svaraði hún. 

"Nú? Það er skrýtið." 

"Nei," svaraði hún. "Við erum öll orðin tíu árum eldri." 

Svipað gildir um fleiri fyrirbæri. 

Messi, Ronaldo og Zlatan eru þarna ennþá, en eftir tíu ár verða þeir orðnir tíu árum eldri.  

Mbappé sló markametið 24 ára

Mikilvægt að setja sig inn í hugsunarhátt deiluaðila.

Þegar hart er deilt er það oft mjög misjafnt hvernig deiluaðilar líta á hlutina.

Í bílaferðalagi norrænna blaðamanna um Kolaskaga frá Finnlandi 1978 var fróðlegt að sjá, hvernig viðhorf Rússa til Vesturlanda spegluðust í skólum og söfnum. 

Þar voru söfnin afar vel gerð og lýstu vel sögu landsins. Samkvæmt henni hófst "Fððurlandsstríðið mikla" 22. júní 1941 og stóð til maíbyrjunar 1945. 

Hvergi var minnst á fyrirbærið Seinni heimsstyrjöldina né stríð Sovétmanna við Japani í ágúst 1945. Þaðan af síður á stríð Rússa og Japana 1905.  Heldur ekki vetrarstríðið við Finna fra desember 1939 til mars 1940. 

Hvað þá innlimun Eystrasaltsríkjanna þriggja í Sovétríkin í júní 1940 með hervaldi.  

Í gangi var greinileg innræting þar sem innrásir Napóleons 1812 og Hitlers 1941 voru aðalatriðið.  Beiting hervalds í nágrannaríkjum 1939 til 1940 greinlega sjálfsagt mál.

Rússar háðu svonefnt Krímstríð um miðja 19. öld og misstu í því marga tugi þúsundir hermanna. Í stríðinu við öxulveldin í Föðurlandsstríðinu misstu Rússar milljónir manna bara  vegna þess hluta stríðsins sem háður var um yfirráð yfir Krímskaga.  

Í augum Rússa er Krím rússneskt land, sem Krústjoff færði af barnaskap yfir til Úkraínumanna 1964 til að undirstrika samheldni Sovétríkjanna. 

Þar er rússneska aðal tungumálið, og hernaðarlegt og söguleg tilkall Rússa til Krímskagans þvi mikið. Rússum finnst því ekki óeðlilegt að haldin verði þjóðaratkvæðagreiðsla á skaganum um það að hann sameinist Rússlandi á ný.   

 

Myndband: Hlegið að utanríkisráðherra Rússa

Hvað um "...herskyldu má aldrei í lög leiða..." í stjórnarskrá?

Þeger Ísland gekk í NATO var það undirskilið að Íslendingar væru og yrðu herlaus þjóð og að aldrei yrði hér her á friðartímum. 

Þegar Kalda stríðið harðnaði 1950 þótti talsmönnum NATO á borð við Bjarna Benedktsson öryggi Íslands ógnað, því að mesta hættan utan frá fælist í því að "ráðist yrði  á garðinn, þar sem hann væri lægstur en ekki þar sem hann væri hæstur."

Niðurstaðan varð að gera varnarsamning við Bandríkin þannig að Íslendingar sjálfir hefðu ekki her.  

Það herlið var flutt burtu 2006 og í starfi Stjórlagaráðs 2011 var fjallað um þetta mál með þessari niðurstððu: "Herskyldu má aldrei í lög leiða."   

Við tilkomu nýs stríðs í Evrópu má nú heyra raddir um að stofna íslenskan her og er það að sínu leyti tímanna tákn og spurning um nauðsyn slíkrar gerbreytingar á stöðu landsins allt frá örófi alda. 

Má stórlega draga í efa að ásætða sé til jafn mikillar kúvendingar í þessum efnum.  

Stofna ætti her á Íslandi

Húsnæðismál af öllum toga eru mál málanna.

Nú má sjá dag eftir dag mismunandi afbrigði af málum málanna hér á landi, en það eru húsnæðismálin. 

Þjónusta Hjálpræðishersins að gefast upp í gæl var ein af fréttum gærdagsins, en enn ný húsnæðismál í dag í sambandi við kjaramálin. 

Húsnæðismálin knýja verðbólguna áfram og heilbrigðis- og öldunarmál, sem sett verða á sérstaklega á dagskrá á flokkstjórnarfundi Samfylkingingarina í dag eru lituð af húsnæðismálum í bak og fyrir.   

Gista í læknastofum í stað þess að fara á hótel

Líklegur til afreka í torfærum?

Ekki leikur vafi á því að Hongqi E-HS9 er eðal lúxusbíll, rafhlaðan í ofurstærð og annað eftir því. Enn einn rafbíllinn sem sagt er að sé jeppi. 

En myndirnar af honum vekja spurningar.

Að vísu vatnar undir hann í snjónunum, en þegar vel er gætt er honum lagt þannig 'a myndinni me[ fr'ettinni, að hjólin standa ekki í hjólförunum heldur á milli þeirra, þannig að bíllinn sýnist hærrri en hann er. 

Með því að skoða fleiri myndir vakna fleiri spurningar. Er þetta sjálfkrafa ofurjeppi við það að vera óumdeilanlega ofur lúxus rafbíll? 

Hann verður til sýnis í dag hjá BL og sjón er sögu ríkari. 

Rafjeppi með 520 km drægni

Þegar Hitler lýsti yfir falli Stalingrad.

Nokkrum vikum fyrir uppgjöf 6. hers Þjóðverja í Stalingrad undir lok árs 1942 lýsti Hitler yfir því að borgin væri í raun fallin öll í hendur Þjóðverja.  

Aðeins væri eftir að hreinsa nokkra smáa bletti innan hennar og klára dæmið endanlega. 

1. febrúar gafst samt 6. herinn upp, og þegar stríðinu lauk hafði þessum 300 þúsund manna í raun verið útrýmt, aðeins nokkur þúsund liðsmenn hans lifðu stríðið af. 

Þetta sýnir að um svona orrustur gildir að "rallið er ekki búið fyrr en það er búið". 

Segir Bakmút „svo gott sem umkringda“

Handfarangurinn verður sífellt mikilvægari.

Raglur um handfarangur sýna að vægi hans í flugi fer enn vaxandi. Því fleiri, sem nota hann einan, því auðveldari verður allt umstang í fluginu og ávinningin má finna á margan hátt. 

Farþegaflug snýst einfaldlega um að lyfta þunga upp í ákveðna flughæð og flytja hann þar til áfangastaðar. 

Mun fljótlegra og ódýrara er ef farangurinn er eingöngu handfarangur, þannig að farþegar græða bæði fé og tíma á því að nota sér þessa hagkvæmni. 

Ef þeir læra rétt á kerfið í kringum þetta, þ.e. forgangsflokk, getur sparnaður i tíma og öryggi verið hreint lygilegur. 

Flugfreyja leggur línurnar með handfarangurinn

Hvílíkir vetrarmánuðir janúar til mars! Sumarauki núna, en hvað um páskahretið?

Ófærðar- og illviðrakaflinn frá 17. desember, allan janúar og fram til 10. febrúar var einstakur og fór áðreiðanlega ekki vel í landann. 

En nú stefnir í að alls þrjár vikur hafi verið svo gerólíkar um veðurfar miðað við hinn illskeytta óveðurskafla, að líkja megi við það að reginöflin hafi viljað bæta ráð sitt og bjóða upp á óvæntan og furðu langan sumarauka og þiggja að launum verðskuldaða fyrirgefningu.

Spáð er að kólni eftir helgi, og þá er vetur konungur til alls vís. 

Að minnsta kosti verður að búast við páskahreti, annað væri nú hrein frekja!  

Ótrúlegt ástand í byrjun mars

Mikið um að vera og þarf að slá í klárinn varðandi tilskipanir ESB.

Það sýnist augljóst af mörgum dæmum, að íslenska embættismannakerfið er helsti dragbíturinn í því að nýta þá möguleika sem EES aðildin gefur til þess að nýta umsóknir um eðlilegar undanþágur varðandi lögfestingu tilskipana ESB.  

Annað hvort er embættismannakerfið of lítið eða að ekki nógu duglegt að fylgjast með og bregðast sem fyrst við samanber kolefnismál flugsins. 

Sífellt fjölgar slíkum málum af ýmsu tagi eins og sést af viðtendri frétt á mbl.is og þarf að slá í klárinn. 

Farga þarf 6-10 milljörðum tonna á ári