Loksins rafknúið léttbifhjól á markað hér á landi!

Síðustu tvö ár hefur verið reynt á þessari bloggsíðu að benda á þá möguleika, sem rafhjól með útskiptanlegum rafhlöðum gefa og eru að ryðja sér til rúms víða.  

Greint hefur verið frá Goggoro rafhjólabyltingunni í Tæpei á Tævan (efri myndin á síðunni)  og hliðstæðum, sem eru að skjota upp kollinum um Evrópu.  Rafvélhjólið hefur nefnilega þann stóra kost fram yfir rafbílinn, hve það er létt, því að það gefur möguleikann á útskiptanlegri rafhlöðu á áugabragði á skiptistöðvum og hleðs rafhlaðna nánast hvar sem er, en útskipti eru óhugsandi á rafbílunum. 

Þar að auki eru rafhjól með 45 km hámarkshraða, srm er alveg nóg í þéttri borgarumferð, sjöfalt ódýrari en ódýrustu rafbílarnir og smjúga í gegnum umferðarteppur á þann hátt sem sjá má í borgum Evrópu. 

Fyrir vel innan við eina milljón króna er hægt að kaupa rafhjól erlendis, sem ná 80 kílómetra hraða á útskiptanlegum rafhlöðum, svo sem Niu GT og Kumpan. 

Rafhjólin nýju, sem auglýst voru í sérstöku auglýsingablaði i dag, kosta aðeins 467 þúsund krónur, og með því að bæta á þau farangursgrind fyrir 45 lítra faranugrskassa og kaupa auka rafhlöðu og hafa hana meðferðis á hjólinu ef menn vilja tvöfalda drægnina, svo að hún nái hátt í 100 kílómetra. 

Af óþekktum ástæðum er þess ekki látið getið, að hinar þekktu Ducati verksmiðjur framleiða Super Soco hjólin, en Ducati er þekkt vélhjólaverksmiðja í Mótordalnum á Ítalíu og ekkert slor þar á ferð. 

Sala á rafbílum næstmest á Íslandi

Hvaða borg er þessi Súrig?

Enn einu sinni erum við minnt á ofurveldi enskunnar gagnvart öðrum tungumálum hér á landi. 

Að minnsta kosti myndi enginn fréttamaður láta það henda sig að segja að eitthvað væri að gerast í Nefjork. 

En hins vegar er fjöldi borga á meginlandi Evrópu sem nær því alltaf verða að hlíta því að heiti þeirra sé sífellt borið rangt fram. 

Í fréttum í útvarpi snemma í hádeginu var sagt að vél Icelandair á leið til Súrig hefði verið snúið við. 

Það á ekki aðeins við um heiti borga og staða, sem rangur framburður er notaður, jafnvel með því að nota ensku útgáfuna um borgir eins og Köln og Torino, heldur hefur árum saman verið simsvari hjá Volkswagenumbuðinu, þar sem nafn bílsins er borið fram vólksvagen með afar veiku vaffi í upphafi orðs. 

 

Þotu Icelandair snúið við vegna bilunar

Margir lærdómar af styrjöldinni 1914-1945.

Marga mismunandi lærdóma hafa menn dregið af "Styrjöldinni miklu", sem hófst 1914 og lauk ekki í raun fyrr en 1945. 

Upphafið var skýrt 1914 en óskýrara varðandi síðari hluta stríðsins, sem segja mátti að ætti þrjú upphöf, 1937 með árás Japana á Kína, en þegar Bandaríkjamenn settu Japönum úrslitakosti haustið 1941, áttu Japanir aðeins um tvo kosti að velja, að beygja sig fyrir úrslitakostunum og draga her sinn frá Kína eða að ráðast á Bandaríkin. 

Fyrri kosturinn var óhugsandi samkvæmt japönsku hernaðarhefðum Samúrajanna, en ef úrslitakostunum var hafnað, hefði japanski herinn orðið olíulaus á nokkrum mánuðum. 

Næsta upphaf var fyrir réttum 80 árum með árás Þjóðverja á Pólverja í kjölfar griðasamnings Hitlers og Stalíns. 

Þjóðverjar nýttu sér það, að hvorki að vestanverðu né austanverðu var til nýtileg sóknaráætlun til að hjálpa Þjóðverjum. 

Þýski herinn gat því vaðið inn í Pólland án þess að Vesturveldin hreyfðu hönd né fót í raun á vesturlandamærum Þýskalands. 

Í aðdraganda innrásarinnar áttu Rússar enga möguleika á að hjálpa Pólverjum nema senda her inn í Pólland til vígstöðvanna það, en það var óhugsandi í hugum Pólverja með sína inngrónu Rússahræðslu, sem gekk undir heitinu Russofobía. 

Stríðið mikla varð síðan að algerri heimsstyrjöld 1941, fyrst með innrás Öxulveldanna inn í Sovétríkin 22. júni og síðan með árás Japana á Pearl Harbour 7. desember sama ár. 

Eftir stríðið töldu Vesturveldin sig hafa lært það af skorti á sóknarsvari 1. september 1939, að nauðsynlegt væri að stofna NATO, sem réði yfir kjarnorkuvopnum sem fælingarmætti. 

Upphaf stríðsins 1914 kenndi mönnum það, hvað hætt er við því að stórar og smáar þjóðir missi stjórn á atburðarás, sem leitt getur til stríðs sem allir tapa á. 

Þjóðir Evrópu, fyrrum svarnir andstæðingar i fjölda styrjalda öldum saman, töldu sig hafa lært það, að besta leiðin til að viðhalda friði og forðast styrjaldir væri að bindast vináttu- og samvinnuböndum á stjórnmálasviðinu. 

Sjá má ýmsa halda því fram nú, að Nasistaflokkur Hitlers hafi ekki verið þjóðrembu- og þjóðernisflokkur, heldur stjórnmálaafl sem fyrst og fremst stefndi að alþjóðlegum yfirráðum líkt og kommúnistar. 

Þessi kenning er algerlega á skjön við allar mörgu ræður og skrif Foringjans Adolfs Hitlers sem stagaðist á því stanslaust að Þjóðverjar væru af yfirburðakynstofni sem myndi mynda ríki Aría sem næði frá Atlantshafi til Úralfjalla. 

Slavar og aðrir óæðri kynstofnar myndu skaffa vinnuafl undir stjórn yfirburðakynstofnins og þetta germanska og þýska veldi drottna í þúsund ár. 

En það hve langt þessi stefna náði til að öðlast heimsyfirráð hefur kennt mönnum, hve langt kúgun og þjóðremba geta náð til þess að verða skelfileg ógn. 

Bað Pólverja fyrirgefningar

"Grunsamlegar mannaferðir" við brú í Leirársveit í Kalda stríðinu.

"Grunsamlegar mannaferðir" eru gamalkunnugt fyrirbæri og stinga iðulega upp kollinum, jafnvel svo að blaðafréttir verði úr.  

Eftir að Íslendingar gerðu Varnarsamning við Bandaríkin höfðu Kanarnir liðsafla í bröggum við olíustöðina í Hvalfirði og unnu við að útbúa bætta aðstöðu þar. 

Þar var hlið með varðstöðu á þjóðleiðinni norður og staðurinn mikilvægur hernaðarlega. 

Það var líkast til 1952 eða 1953 sem frétt birtist í Tímanum um grunsamlegar mannaferðir við brú í Leirársveit þar sem dularfullir menn hefðu sést vera við mælingar. 

Var þetta litið alvarlegum augum, því að hér kynni að vera um útsendara Rússa að ræða og mælingarnar þjónuðu hernaðarlegum tilgangi, enda var bandaríska varnarliðið hingað komið vegna þess að í ljósi ófriðlegs ástands í heiminum með Kóreustríðið í fullum gangi væri hætta á að Rússar legðu undir sig veikasta hlekkinn í vörnum MATO, ísland. 

Bjarni Benediktsson, þáverandi utanríkisráðherra, orðaði það þannig, að ekki væri líklegt að kommúnistar réðust á garðinn þar sem hann væri hæstur, heldur á garðinn þar sem hann væri lægstur. 

Þegar brúarmælingarnar í Leirársveit voru kannaðar, kom i ljós, að menn sem ætluðu að flytja lítið sumarhús yfir brúna, voru að undirbúa þá gersamlega ógrumsamlegu ferð. 

„Grunsamlegar mannaferðir“ reyndust ferðamenn í norðurljósaleit