"Hrægammar" og "spákaupmenn" birtast á ný.

Hrunið 2008 innleiddi nokkur óalgeng orð, sem komust á allra varir. Dæmi um þau voru "hrægammar" "vogunarsjóðir" og "spákaupmenn og "Hrunverjar."  

Fyrsti "hrægammurinn" sem hagnaðist á gjaldþrotum var kominn til Íslands strax á fyrstu Hrundögnum til þess að láta til sín taka á "brunaútsölum." 

Þessir fulgifiskar Hrunsins voru fyrirferðarmiklir í nokkur ár eftir Hrunið meðan verið var að gera öll ósköpin upp en hurfu síðan úr umræðunni. 

Þegar svo var komið, er það athyglisvert að þessar vofur fortíðarinnar reynast sprelllifandi að því er virðist og gamalkunnur hrollur fer um marga. 

Hafi ekki séð fyrir að „spákaupmenn“ myndu fá hlut

Úkraína: Klukkan færð aftur fyrir Florence Nightingale og Krímstríðið 1853-1856..

Krímstríðið hið fyrra mætti kalla það stríð sem háð var við Svartahaf 1853-1856, og stríðið í Úkraínu núna mætti kalla Seinna Krímstríðið, því að í raun hófst það með hernámi Krím árið 2014.  

Stríðið á austurvígstöðvunum 1941-1945 varð miklu illvígara en stríðið á vesturvígstöðvunum 1939 vegna þess að Sovétríkin voru ekki aðilar að Genfarsáttmálanum, sem varð hluti af arfleifð brautryðjendastarfi Florence Nightingale. 

Nú er engu líkara en að búið sé að færa klukkuna aftur á bak aftur fyrir Krímstríðið fyrra og arfleifð Florence Nightinggale og er nöturlegt þegar slikt gerist á svipuðum slóðum og varð kveikjan að ómetanlegu ævistarfi einhverrar merkustu konu mannkynssögunnar. 

„Stríðið dregur fram það versta og besta í fólki“

Norður-Víkingur NATO 1999: Æfð árás á náttúruverndarfólk á hálendinu.

Þótt NATO eigi sér marga fylgismenn hér á landi, hedur brottför hersins aldrei orðið að veruleika. heldur slegin af hjá vinstri stjórununum 1956-1958 og 1971-1974. 

Eftir það hefur engin íslensk ríkisstjórn haft brottför í stjórnarsáttmála. 

Þar með er ekki sagt, að alger eining um aðgerðir í nafni bandalagsins sé í röðum fylgismanna. 

Að minnsta kosti var það yfirlýst hlutverk æfingarinnar Norður-Víkings í júlí 1999, að láta hana snúast um viðbrögð við hryðjuverkum, og yrði þar efst á blaði að fást við náttúruverndarfólk á hálendi Íslands. 

Þá var Halldór Ásgrímsson utanríkisráðherra og hefur þessi heræfing verið í nafni þjóðarinnar. 

Einn liður æfingarinnar og kannski sá helsti, var að setja á flugbann á miðhálendinu, til þess að að lofther NATO gæti æft þar þátttöku F-15 orrustuþotna í hugsanlegri viðureign við náttúruverndarfólkið, sem forsvarsmenn æfingarinnar flokkaði sem mestu og kannski einu hryðjuverkaógn landsins. 

F-15 voru þá öflugustu orrustu- og sprengjuþotur heims og dugði ekkert minna til en öflugustu drápsvélar til að fást við svipað fólk á hálendinu og settist niður í Gálgahrauni 2013. 

Vitað er að minnsta kosti eina einshreyfils flugvél íslenska, sem þurfti að fljúga um bannsvæðið og fannst flugmanni hennar, sem var samþykkur veru landsins í NATO það blóðugt tilhugsunar, að ef hann vogaði sér að fljúga í gegnum bannsvæðið, mætti hann eiga von á árás orrustuþotnanna ef þær ætluðu að beita sér gegn lögbrjótunum með þeim vopnum, sem þær höfðu. 

Því varð hins vegar ekkert úr því að brjóta bannið og "friður var kominn á" á hálendinu, svo að notað sé svipað orðalag og er á viðtengdri frétt á mbl.is.  

Friður kominn á í Hvalfirði

Hvað segja "kuldatrúarmenn" við þessu?

Síðusta áratug hafa efasemdarmenn um loftslagsbreytingar farið mikinn í því að fullyrða að "40 þúsund fífl" hafi verið á Parísarráðstefnu Sameinuðu þjóðanna í París í desember 2015. Allt væri að ruglu og bábiljur, sem þar hafi verið rætt, hvað þá niðurstaða ráðstefnunnar. 

Margir þessara "kuldatrúarmanna", meðal annars í bloggheimum og netheimum, gengu lengra og færðu fram fjölda niðurstaðna "virtra vísindamanna" sem sýndu hið þveröfuga, að loftslag "færi hratt kólnandi" og að vísindalegar niðurstöður sem Parísarráðstefnan byggðist á, væru tilbúningur einn og falsfréttir. 

Enn fengu kuldatrúarmenn byr í seglin með tilkomu Donalds Trumps sem bætti við betur og kvaðst ætla beita sér fyrir því  að láta reka alla falsvísindamanna heimsins og ráða "alvöru" vísindamenn í staðinn. (Sem voru væntanlega sammála honum). 

Svo langt gekk þetta, að birtar voru myndir, sem áttu að sýna að jöklarnir hefðu gengið langt fram, og einna lengst skriðjökull á vesturströnd Grænlands, um meira en hundrað kílómetra síðan seint á 19. öld  og væri enn á framskriði! 

Myndir af rýrnun íslenskra jökla taldi einn kuldatrúarmaðurinn falsaðar á þann veg, að íslenskir vísindmenn sneru þeim við; myndirnar sem ættu að sýna jökulinn eins og hann var, væru í raun af honum eins og væri núna, - og ofugt. 

Hjá Landmælingum Íslands hefur verið unnið að því í aldarfjórðung undir forystu þýska prófessorsins Ulrich Munzers að koma upp mælipunktum á völdum stöðum fyrir nákvæmar gps hæðarmælingar. 

Nú sést hér á viðtengdri frétt á mbl. kort sem sýnir á grundvelli þessara mælinga, það sem íslenskir vísindindamenn höfðu spáð fyrir, að sá hluti landsins, þar sem mestir jöklar eru, hefur risið um allt að 20 sentimetrum samfara rýrnun jöklanna. 

Einn kuldatrúarmanna kvaðst fyrir nokkrum árum hafa brugðið máli sjálfur á jöklana og komist að því sjálfur með hliðsjón af gögnum frá NASA, og hið rétta væri, að jöklarnir væru ekkert að minnka! 

Hvað skyldu hann og hans skoðanabræður segja núna um þessi nýju gögn? 

Falsanir fyrir 40 þúsund fífl?  

Missýning milljóna ferðamanna sem hafa farið framhjá jökulsporðunum? 

Landrisið er beintengt afkomu jökla

Neðanjarðarstuðlaberg.

Þegar finna þurfti hrafntinnu til nota við endurbyggingu Þjóðleikhússins þurfti að gæta vel að varðandi umhverfisáhrif þess að sækja hrafntinnu austur í Hrafntinnusker til nota í hvelfingu salarins. Fundin var viðunandi lausn á því máli. 

Fyrir um þremur áratugum kom í ljós, að undir yfirborði svæðis í Hrunamannahreppi var að finna gríðarlegt magn af stuðlabergi og var þá gerð þar náma til að nýta þetta fallega blágrýti. 

Teknar voru af því kvikmyndir fyrir sjónvarpsfréttir og það reifað, að ef þarna hefði verið um stuðlaberg á yfirborði að ræða, líkt og til dæmis Dverghamrar á Síðu, mætti ekki raska slíkri náttúruperlu. 

Öðru máli gilti um stuðlabergið í hreppum, sem ósnortið hefði aldrei glatt neinn, heldur falið þar sjónum manna um aldur og ævi. 

Í staðinn er nú upplýst, að stuðlabergið úr Hrepphólanámu mun gleðja augu þeirra, sem njóta munu útlits nýbyggingar Landsbankans. 

Bankinn klæddur stuðlabergi

Einstein: "Fjórða heimsstyrjöldin verður háð með grjótkasti og spýtubareflum."

Albert Einstein var aldrei sáttur við það að hafa ásamt fleiri vísindamönnum staðið að smiði kjarnorkuvopnga.

Sagt er, að hann hafi verið spurður um hættuna á þriðju heimsstyrjöldinni, á hann að hafa svarað því til kaldhæðnislega, að erfitt væri að segta til um það nákvæmlega, en hitt vissi hann, að ef fjórða heimsstyrjöldin yrði háð yrði það gert með grjótkasti og spýtum. 

Rétt eins og sáralitlu munaði að annað stórslysið í Chernobyl yrði á dögunum, er hættan á að núverandi styrjöld stigmagnist upp í allherjar kjarnorkuheimsstyrjöld sem byndi enda á heimsmenninguna, líkt og Einstein ku hafa ýjað að.  

Rússar eiga 6200 kjarnorkuvopn til þess að vinna upp styrkleikamuninn í venjulegum herbúnaði hjá þeim og NATO. 

Í því felst hættan á því að Pútín leiðist út í að nota kjarnorkuvopn ef hann fer verulega halloka í hefðbundinni styrjöld, eða að notkun slíkra vopna verði fyrir slysni að eldsneyti fyrir ragnarök kjarnorkustyrjaldar. MAD/GAGA lætur ekki að sér hæða. 

Einstein: "Fjórða heimsstyrjöldin verður háð með grjótkasti og spýtum."

Albert Einstein var aldrei sáttur við það að hafa staðið að smiði kjarnorkuvopnga. Sagt er, að hann hafi verið spurður um hættuna á þriðju heimsstyrjöldinni, á hann að hafa svarað því til kaldhæðnislega, að erfitt væri að svara því nákvæmlega, en hitt vissi hann, að ef fjórða heimsstyrjöldin yrði háð með grjótkasti og spýtum. 

Rétt eins og sáralitlu munaði að annað stórslysið í Chernobyl yrði á dögunum, er hættan á að núverandi styrjöld stigmagnist upp í allherjar kjarnorkuheimsstyrjöld sem byndi enda á heimsmenninguna, líkt og Einstein ku hafa ýjað að.  

Rússar eiga 6200 kjarnorkuvopn til þess að vinna upp styrkleikamuninn í venjulegum herbúnaði hjá þeim og NATO. 

Í því felst hættan á því að Pútín leiðist út í að nota kjarnorkuvopn ef hann fer verulega halloka í hefðbundinni styrjöld, eða að notkun slíkra vopna verði fyrir slysni að eldsneyti fyrir ragnarök kjarnorkustyrjaldar. 

Hvernig komið var í veg fyrir stórslys í Tjernobyl

Góðar fréttir fyrir gott hús og samtök. "Í húsi óminnishegrans".

Þegar St. Jósefsspítalinn í Hafnarfirði var lagður niður hér um árið þótti mörgum það slæm tíðindi. Þetta var góð og gróin stofnun að þeirra dómi og synd að nýta það ekki og endurbæta ef þess var þörf.   

Nú hefur það tekist fyrir vökult starf og atbeina góðs fólks og er það vel. 

Rifjast við það upp gömul skrif hér á síðunni um málið þar sem þakkað var fyrir þá góðu þjónustu sem þar var veitt við ristilspeglanir, allt frá byrun aðgerðar til eins konar eftirmeðferðar meðan sjúklingar voru að jafna sig. 

Eftir eina slíka var skildi einn sjúklingurinn meira að segja eftir, í einstaklega þægilegu hvíldarherbergi, miða með þakkarvísu til læknisins, svohljóðandi. 

Ristilspeglun indæl er

með útkomunni glæstri. 

Ánægður ég þakka þér 

með þarmalúðrablæstri. 

En, að öllu gamni slepptu, eru brýnustu verkefni þjóðarinnar á næstu árum fólgin í því að bregaðst við vaxandi öldrun þjóðarinnar sem birtist meðal annars í þörfum verkefnum á heilbrigðissviðinu. 

Verkefnin eru ærin, og hús Alsheimerz- og Parkinsonsamtakanna eru næsta dæmigerð, sem og ýmis heimili með svipuð verkefni. Um slík hús var nú á dögunum gert lag og ljóð, sem nú er tilefni til að birta með árnaðaróskum á gleðidegi í Hafnarfirði, svohljóðandi:  

 

Í HÚSI ÓMINNISHEGRANS.

(Með sínu lagi)

 

Við erum í húsi

Alzheimersgoðans 

og ornum hér okkur 

við ógn veiruvoðans, 

njótandi undurs

umhyggju´og blíðu

og sagnasjóðs lífshlaupa´

í sælu og stríðu. 

 

Ástúð, bæn og trú og von

gegn Alzheimer og Parkinson. 

 

Við erum í húsi 

óminnishegra, 

sem eirir hér engu; 

en er nokkuð fegra 

en spjall, orðuð spurn,

allt til spakmæla snjallra, 

sem lifnuðu´og dóu. 

Það er leið okkar allra.  

 

Ástúð, trú og bæn og von

gegn Alzheimer og Parkinson. 

 

Við erum í húsi

elliglapa

en ætlum að þrauka

og tilveru skapa, 

njótandi undurs 

umhyggju´og blíðu

og sagnasjóðs lífhlaupa´´

í sælu og stríðu.

 

Ástúð, bæn og trú og von

gegn Alzheimer og Parksinson.  

 

 

 

Gleðidagur í Hafnarfirði

Dugar nýtt "give us the tools and we will finisn the job"?

Á árinu 1940 stóð Franklin Delano Roosevelt í erfiðri kosningabaráttu á tíma þegar sú skoðun var útbreidd í landi hans, að Bandaríkin ættu að einangra sig frá styrjöldum, og varð Roosevelt þvi að sigla mjög milli skers og báru, ekki hvað síst vegna þess að hann sóttist eftir að brjóta þá hefð að forsetar BNA sætu ekki fleiri en tvö kjörtímabil í embætti. 

Áhrifamiklir menn, svo sem Joseph Kennedy, sendiherra í London, voru svartsýnir á stöð Breta í stríðinu gegn Hitler og töldu jafnvel skást, að Bretar semdu við Þjóðverja. 

Þegar Bretar héldu velli í Orrustunni um Bretland skorti þá mjög vopn til að halda barátunni áfram og biðlaði Churchill mjög til Roosevelts um að láta Breta hafa vopn og mælti fleyg orð: 

"Give us the tools and we will finish the job."

Staðan í Úkraínu nú minnir talsvert á þetta, nema að hugsanlega er miklu meiri tímapressa í málinu en var hjá Bretum 1940. 

Roosevelt varð að bíða af sér kosningarnar í árslok 1940 en sagði þó, að BNA væri vopnabúr lýðræðisins. 

Núna, rétt eins og 1940, leikur vafi á því hvort vopnagjafir til Úkraínumanna muni duga, og að stríðið sé tapað.  

Í pistli á undan þessum var minnst á Vietnam og Afganistan frá síðustu öld og Spán frá tímum Napóleons sem dæmi um lönd, sem landvinningaþyrstum stórveldum tókst að vísu að vinna hernaðarsigur í, en töpuðu stríðinu samt á endanum. 

Við það hefði mátt bæta Alsír á árunum kringum 1960, þar sem Frökkum reyndist ómögulegt að vinna stríðið alveg og urðu á lokum að gefa því landi frelsi.  

Bretar senda fleiri vopn til Úkraínu

Hver er staðan varðandi nýtingu þóríums?

Strax í notkun fyrstu kjarnorkusprengnanna kom fram munur á gerð slíkra vopna. Í annarri sprengjunni var notað úraníum og plútoníum í hinni.  

Framhaldið kveikir spurningar, sem erfitt er kannski fyrir leikmann að setja fram, en er þess virði að það sé gert. 

Upp úr 1950 kom síðan endurbætt gerð, vetnissprengjan, sífellt stærri, allt upp í 50 megatonn, ígildi 50 milljón tonna af TNT, sem er nokkur hundruð sinnum meiri sprengimáttur en var hjá fyrstu sprengjunum 1945.  

Þróun notkunar kjarnorku hefur síðan miðast mest við hernaðarnot, en gallinn við notkun úraníums er sá, að það efni er ekki til í nægilega miklu magni til þess að kjarnorkuver ein og sér geti verið framtíðarlausn við að minnka kolefnisútblástur jarðarbúa. 

Nefnt hefur verið að til sé efnið þóríum, sem hafi marga kosti fram yfir úraníum, sé til í margfalt meira magni og valdi miklu minni umhverfisáhrifum. 

Og þá vaknar spurningin, af hverju kjarnorkuveldin séu ekki þegar komin á fullt skrið við að þróa notkun þóríums. 

Svarið kann að liggja í afar kaldæðnislegum eiginleika þess, sem ætti að vera hvetjandi, en virðist því miður ekki vera það:  Það er ekki hægt að nota þóríum í kjarnorkusprengjur! 

Ný rannsókn sem gæti breytt heimsmyndinni