Álit setts forstjóra Landsspítalans hlýtur að vega þungt.

Í umfjöllun gærdagsins um hugsanlegar tilslakanir á Landsspítalanum kom greinilega fram, að þar innan húss felist hættan á myndun flöskuháls í afköstum varðandi aðgerðir af margvíslegum toga, svo sem aukin pressa á aðgerðir sem hættulegt geti verið að láta dragast. 

Ekki var annað að heyra á sóttvarnalækni í gær en að hann sjálfur hefði ekki sömu möguleika á að meta ástandið þarna eins og forstjóri Landsspítalans.  

Forstjóri Landspítala segir rými til tilslakana

Lagaklókir hafa meira en nóg að gera.

Fólk í innsta kjarna valdakerfis Bandaríkjanna virðist eiga eftir að hafa í nógu að snúast í illfyrirsjáanlegri framtíð.  

Í upphafi valdatíðar Donalds Trumps var Steve Bannun litinn augum sem nokkurs konar skaparig hins nýja stjórnmálamanns, sem kom eins og hvítur stormsveipur inn í kosningabaráttuna og síðar forsetaembættið og var óvenju opinskáttt líkt og "prógrammeraður" af Bannon upp í stjórnmálamann með skoðanir í smáu og stóru. 

Alls staðar þar sem Trump var, var Bannon ekki langt undan. 

Í fyrstu viðurkenndi Trump þetta opinberlega og mærði Bannon, en síðan kom að því að skepnan reis gegn skapara sínum, sem féll ó ónáð. 

"Nú get ég" var skriftin á veggnum.  

Allur málareksturinn í sambandi við valdaskiptin á sér enga hliðstæðu í nútímasögu Bandaríkjanna frekar en árásin sjálf á þinghúsið.

Jafnvel helstu lagatæknar og stjórnálasérfræðingar landsins standa frammi fyrir nýjum álitamálum og áskorunum daglega.  

Greiða atkvæði um hvort refsa eigi Steve Bannon

Enn í gildi lög hér á landi frá þrettándu öld? Jú. Að hluta til.

Enn munu í gildi lög frá 13. öld sem hægt væri að nota við að kveða upp dóma í afmörkuðum málum. 

Hér er um að ræða afmörkuð ákvæði í Jónsbók og Kristnirétti Árna Þorlákssonar. 

Við skoðun kemur í ljós að um 12 prósent af Jónsbók séu enn í gildi hér á landi. 

Fyrirbæri af þessu tagi er að finna í lögum og réttarkerfi margra þjóða allt aftur til tíma Rómverja, svo sem setningarnar "in dubio pro reo" og "qui bono?"

 

Fá beinan eignarrétt þökk sé landnámi Skalla-Gríms

Mun meira um grímunotkun víða erlendis en hér.

Að undanförnu hefur verið mikið talað um það að Ísland sé að verða eins konar viðundur meðal þjóða varðandi ýmsar hamlandi takmarkanir vegna Covid og nú síðast vegna þess að magnaður sé  upp hræðsluáróður vegna ástandsins í heilsufarsmálum í vetur. 

Það hefur viljað svo til að  beinar fréttir frá næstu löndum með Íslendingum á ferð sýna þvert á móti, að víða séu jafnvel meiri takmarkanir en hér, til dæmis áberandi mikil grímunotkun. 

Þar að auki hefur sóttvarnarlæknir upplýst eftir samtöl við kollega sína erleendis, að hin nýja gerð flensu, sem leggst mest á ung börn, geti orðið skæð, auk þess sem flensuleysi síðasta vetur vegna sóttvarnaaðgerða þá, geti orðið til þess að hin hefðbundna flensa verði skæðari nú en ella. 

Þar að auki hefur komið í ljós síðustu vikur, að Íslendingar verja minnst þjóða á hvern íbúa til heilbrigðiskerfisins og að hvergi er neyðarviðbúanaður á spítölum lakari en hér. 

En þar getur einmitt orðið sá flöskuháls ef ný bylgja skellur yfir í kjölfar algers afnáms takmarkana eins og gerðist í sumar.  

Ísland ekki eina Norðurlandið með takmarkanir

Menn hafa líka beinbrotnað í árekstri tveggja rafhjóla á hjólastíg.

Lögmál Murphys fjallar um að geti eitthvert fyrirbæri farið úrskeiðis á einhvern hátt, muni það gerast og það jafnvel fyrr en flesta gruni. 

Sé til dæmis hægt að skrúfa eitthvað skakkt saman muni það gerast. 

Þegar komnir voru fleiri en einn bíll á göturnar á Íslandi fyrir rúmri öld leið ekki á löngu þar til að fyrsti árekstur tveggja bíla varð.

Og var auðvitað fréttnæmur, því að slíkur árekstur hafði aldrei áður orðið í sögu landsins. 

Í ársbyrjun 2019 skullu tvö rafknúin reiðhjól saman, sem komu úr gagnstæðri átt á hjólastígnum á Geirsnefinu og axlarbrotnaði annar hjólamaðurinn. 

Tvær ástæður voru fyrir þessum sérkennilega árekstri, þar sem annar hjólamaðurinn fór skyndilega þvert í veg fyrir hinn. 

1. Sá sem beygði þvert fyrir hinn var að reyna að lesa niður fyrir sig á orkumæli hjóls síns. Það var hálfrokkið og hann sá ekki nógu vel á mælinn, en hafði reyndar láðst að athuga það fyrirfram að hægt var að hafa ljós á honum. 

2. Hann hafði á nokkrum kafla reynt að staðsetja hjólið með því að fylgjast með punktalínunni á miðju stígsins. Hún var hins vegar orðin máð að mestu vegna vanrækts viðhalds stígsins. Þessi ástæða var að sjálfsögðu aðeins meðvirkandi; hjólreiðamenn eiga auðvitað ekki að horfa beint niður fyrir sig á fullri ferð í umferðinni. 

Meðfylgjandi mynd er tekin af stígnum á Geirsnefi EFTIR að hann var málaður meira en ári seinna.

Síðuhafi var spurður eftir þennan árekstur hvort þetta sýndi ekki ljóslega að of hættulegt væri að hjóla á rafreiðhjólum. 

Svarið var það, að engin leið væri að varast svona uppátæki ökumanna yfirleitt. 

Ef valið stæði um það að mæta ökumanni reiðhjóls, sem væri að reyna að lesa niður fyrir sig við aksturinn á 20 km hraða -  

- eða að mæta ökumanni bíls á 80 km hraða, sem væri að lesa á snjallsímann sinn, - 

þá yrði rafreiðhjólið fyrir valinu.  

Eftir árekstur á fjölförnum hjólastíg fyrir sunnan Akureyri fyrir nokkrum misserum var greint frá því að ætlunin væri að breikka stíginn úr 2,5 metrum upp í 3, en stígurinn um Geirsnef er mjórri.   

Rákust saman á rafmagnsskútum

Störukeppni hafin í ríkisstjórnarviðræðum.

Nú bendir flest til að eins konar störukeppni sé hafin hjá formönnum ríkisstjórnarflokkanna um heitustu málin á dagskránni.  

Í störukeppninni er safnað saman öllu því sem geti orðið að gagni og farið um jafn víðan völl og  mögulegt er í þeirri  söfnun. 

Eins og er, virðist Sigurður Ingi hafa krækt sér í samfellda umræðu úr ótal áttum um nauðsyn þess að fórna hálendisþjóðgarði og verðmætustu náttúruverðmætum fyrir orkufyllerí í hæastu hæðum. 

Meira að segja danski krónprinsinn dregst óvart inn í þetta með því að viðhalda grænorkutalinu í öllum fjölmiðlum og gyllingu á vindorkuverum og hinni "sjálfbæru og endurnýjanlegu" orku Hellisheiðarvirkjunar, sem í raun felst í rányrkju. 

Næstu dagana verður sá söngur kyrjaður stanslaust á Arctic Circle af áhrifafólki stórra sem smárra þjóða. 

Svo skæð er sókn Sigurðar Inga, að í skoðanakönnunum um traust helstu stjórnmálamanna nálgast Þórhildur Sunna Ævarsdóttir Bjarna Benediktsson að vinsældum, og er hann þó formaður langstærsta stjórnmálaflokksins. 

Stærsta von Katrínar Jakobsdóttur felst í einstæðu fylg, 57 prósent aðspurðra í skoðanakönnun um þá stjórnmálamenn sem helsti ættu að vera í stóli forsætisráðherra. 

Katrín er í afar snúinni stöðu. Þetta mikla fylgi getur virkað í báðar áttir, að verða hennar sterkasta vopn í störukeppninni, en það gæti líka orðið erfitt fyrir hana að neyðast til að lúffa of mikið og mistakast að nýta sér velvildina hjá almenningi. 

Pólitískir ráðuneytisstjórar

Landeldi á skjön við söng sjókvíaeldismanna.

Það hefur verið söngur þeirra, sem segja að eina leiðin til laxeldis hér á landi felist í sjókvíaeldi, að landeldi sé óframkvæmanlegt vegna miklu meiri kostnaðar. 

Þótt stórfelldir ókostir sjókvíaeldisins komi smám saman æ betur í ljós hér og erlendis, hafa sjókvíaeldismenn úthrópað gagnrýnendir þess og sagt þá vera á móti byggð í landinu. 

Svipar þessum rökum til þess, þegar þeir, sem mæla með jarðstrengjum í stað loftlína og skaplegri notkun rafmagns til íslenskra heimila og fyrirtækja í stað þess að hún fari nær öll til stórfyrirtækja í erlendri eigu, eru sagðir vera á móti atvinnuuppbyggingu, móti byggð í landinu og á móti rafmagni!

Samherji boðar mikla uppbyggingu í Öxarfirði

Orkuverð og gjaldeyrissparnaður eru ævinlega sterkustu rökin fyrir orkuskiptum.

Langstærstu rökin fyrir sem hröðustum orkuskiptum á Íslandi er hinn mikli sparnaður ángjaldeyri við að hætta að kaupa inn mengandi orkugjafa og nota innlendan og hreinni í staðinn. 

Þetta var gert í húshitunarbyltingunni á síðari hluta síðustu aldar, var óumdeilt þá og ætti að vera óumdeilt nú. 

En nú bregður svo við að jafnvel sömu mennirnir, sem voru hlynntir orkuskiptunum fyrir hálfri öld, hafa allt á hornum sér nú varðandi bíla, skip og flugvélar. 

Möguleikarnir á sparnaði eru fjölbreyttir, samanber eyðslutölurnar á þremur tegundum rafknúinna farartækja sem síðuhafi hefur tekið í notkun fyrir 85 prósent af sínni persónulegu notkun að viðbættu einu 125 cc bensínknúnu léttbifhjóli: 

1. Rafreiðhjól, 25 km hraði, 10 krónur á 100 ekna kílómetra. Drægni 50 km. 

2. Rafknúið léttbifhjól, 45/56 km hraði, 30 krónur á 100 ekna kílómetra. Drægni 130 km. 

3. Bensínknúið léttbifhjól, 96 km hámarkshraði, 600 krónur á 100 ekna km.  Drægni 250 km.

   Reykjavík-Akureyri: 2400 krónur.  

4. Rafknúinn 2ja sæta rafbíll. 97 km hámarkshraði, 90 krónur á 100 ekna km. Drægni 90 km.  

 

Athyglisvert er hve litlir rafknúnir bílar eru sparneytnir, kostar aðeins 90 kall í orkukostnaði að skutlast fram og til baka til Hveragerðis og um daginn reynsluók ég álíka stórum bíl, sem reyndist vera með 115 kílómetra drægni.

Senn koma´á markaðinn svipaðir rafbílar með útskiptanlegum rafhlöðum, en slíkt skiptikerfi gerbyltir algerlega samgöngum af þessu tagi. 

Bensínverð að ná hæstu hæðum

Hvert er hlutverk lífeyrissjóðanna? Ekki að borga eigendum sínum lífeyri?

168 milljarða króna eignaaukning í aðeins einum mánuði og samt engin leið að hækka lífeyrinn?

Hverjum eiga lífeyrissjóðirnir að þjóna? Eigedum sínum? 

Það er erfitt að sjá að þeir geri það. Þvert á móti leggst allt svonefnt velferðarkerfi ötullega á skjólstæðinga sína til þess að sem flestir þeirra séu læstir inn í fátæktrargildu harðsviraðasta skerðingakerfis á byggðu bóli. 

Og ef þessir skjólstæðingar vildu reyna að snúa sér til þeirra sem stjórna lífeyirssjóðakerfinu eru boðleiðirnar þannig hannaðar að ekki er vinnandi vegur að rata að þeim, sem þar ráða öllu innan búðar.  

Lífeyrissjóðirnir bólgna út sem aldrei fyrr

Sérkennilegt ástand hjá Birgi og Ernu.

Það er sérkennilegt ástand á þingi, þar sem kosið er eftir framboðslistum, að velt sé vöngum yfir því að þegar einn þingmaður, sem lýst hefur yfir því að hann sé genginn úr þeim flokki sem hann var kosinn fyrir á M-lista í stjórnarandstöðu og yfir í annan flokk með D-lista sem stjórnarflokk, forfallast, muni varaþingmaðurinn, sem kosinn var með honum á þing, sem maður á M-lista í stjórnarandstöðu, geta sest á þing sem þingmaður S-lista, sem á aðild að ríkisstjórn. 

Nei, heyrðu nú, er þetta virkilega svona?  Og yrði það líka ef hlutföll breyttust á þingi svo að um væri að ræða eitt atkvæði, sem skilur á milli meirihluta og minnihluta?

Hugsanlega geta lagatæknar svokallaðir velt upp fleiri möguleikum, sem ævintýralegir kynnu að þykja og gæti orðið fróðlegt að fylgjast með slíkum umræðum. 

Til dæmis þeim, að Erna væri ýmist á þingi eða ekki og ýmist í stjórnarandstöðu eða ekki, allt eftir því hvort Birgir sækir þingfundi eða ekki. 

Erna verður eftir í Miðflokknum