Vanda þarf til boða og banna þegar eldgos verða.

Í eldgosum síðari ára hefur yfirleitt verið vel staðið að boðum og bönnum til þess að minnka hættu. Þó má nefna nokkur dæmi um misbrest á þessu hvað snertir það að fara offæri eða ofmeta hættuna. 

Skulu þrjú dæmi nefnd og látin nægja.

Eitt þeirra hefur áður verið til umfjöllunar hér á síðunni, þegar nota átti tölvu í London til þess að loka báðum alþjóðaflugvöllunum við Faxaflóa í Grímsvatnagosinu 2011. 

Sem betur fór tókst að koma viti fyrir þá erlendu aðila, sem ætluðu sér þetta, var þessi lausn fundin  í krafti snjallrar og sáraeinfaldrar uppfinningar Jónasar Elíassonar við að mæla öskumagn í lofti á lítilli eins hreyfils flugvél Sverris Þóroddssonar. 

1. maí var sett á flugbann á allt flug austur fyrir Þjórsá í Eyjafjallajökulsgosinu þótt allar vindmælingar sýndu minnst 35 hnúta vind Í HINA ÁTTINA, sem feykti allri ösku úr gosinu í austurátt í burt frá Suðurlandsundirlendinu. !  

Síðsumars 2014 var öllu svæðinu norðaustan Vatnajökuls lokað fyrir umferð á landi í þær þrjár vikur sumarsins sem veðrið var best til ferðalaga. 

Komast hefði auðveldlega hjá svo víðtækri lokun með því að skoða einfaldlega mögulega rennslisleið hugsanlegs hamfarahlaups, sem aldrei kom, en gert var ráð fyrir því að það gæti klifrað upp mörg hundruð metra háa fjallgarða!  

Fólkið helsti óvissuþátturinn þegar eldgos verða

Var morðið á Kennedy vegna slysaskots lífvarðar hans?

Í gegnum tíðina hefur verið hægt að lesa ótal skýrslur um morðið á Johnn F. Kennedy og horfa á margar heimilarmyndir. 

Aðallega hefur verið hnotið um fjölda kúlnanna, sem hæfðu forsetann, og almennt um fjöldann, sem hleypt var af. 

En eitt atriðið hefur falist í ferli einnar kúlunnar, sem jafnvel hafi hæft bæði forsetann og Conally ríkisstjóra Texas, sem sat beint fyrir framan hann. 

Sýnist mörgum, að ferill þeirrar kúlu hafi verið tæknilega óhugsandi. 

Í umfjölluninni hefur sumum samt sést yfir það að forsetinn sat hærra en ríkisstjórinn, sem sat fyrir framan hann.  

Sú kenning, sem helst kemur til greina ef sleppa á vangaveltum um leyniskyttur og samsæri, er að vegna fátsins sem kom á alla í bílalestinni, hafi lífvörður hans sem var í næsta bíl á eftir, hleypt óvart af skoti, sem hæft hefði Kennedy í hnakkann og farið í gegnum höfuð hans, og verið greinilega eina skotið sem var algerlega banvænt og gat farið í gegnum höfuðið með margfalt meiri áverka en nokkuð hinna og einnig komist áfram í beinni línu yfir í ríkisstjórann. 

Munu birta skjöl um morðið á J.F.K. á næsta ári

Flug með loftbelg sem farþegi í opinni körfu er engu líkt.

Síðuhafi hefur reynt fyrir sér í mörgum tegundum flugs og prófað að fljúga mjög misstórum og ólíkum loftförum. 

Fyrsta flugið var sem sjö ára farþegi um borð í fjögurra sæta sjóflugvél af gerðinni Republik Seebee í útsýnisflugi yfir Reykjavík, og tuttugu árum síðar var komið að því að fljúga henni sjálfur og æfa vatnalendingar á Þingvallavatni til að öðlast réttindi til að fljúga svona vélum.  

1970 komu síðan réttindi til að fljúga svifflugum og draga þær. 

Fjörtíu árum eftir þetta var farið óvenjulegt ótsýnisflug í stjórnklefa Boeing 757 með 177 farþega yfir Kverkfjöll og leiðina þaðan til Egilsstaða. 

Var gert aðflug að Sauðárflugvelli í leiðinni!

Það flug var nokkurn veginn eins ólíkt því að fljúga einn á eins manns flygidli, Skaftinu, um allt land á vetri og sumri. 

Fallhlífarstökk bættist við 1991, og þar var minnisverðasta augnablikið þegar frjálst fall með tilheyrandi lofthvin, breyttist í svif á opinni fallhlífinni, hljóðlaust með öllu. 

Þessi síðari hluti fallhlífarflugsins var mjög keimlíkt flug og flug um borð í opinni körfu á loftbelg var 1986, algerlega hljóðlaust í logni frá Reykjavíkurflugvelli yfir Hlíðahverfi, háaleitishverfi og austur eftir öllu Fossvogshverfi, nokkra metra ofan við fólkið, sem sólaði sig á svölunum. 

Svo hljóðlaust var þetta flug, að hægt var að tala í rólegheitum við fólkið alla leiðina inn í Blesugróf, þar sem var lent. 

Ef velja mætti eitthvert af ofangreindum flugferðum, yrði loftbelgsflugið líklega fyrir valinu, ekki síst fyrir þá sök, að réttum tíu árum fyrr hafði verið farið sem farþegi í svipuðum loftbelg í gersamlega mislukkuðu flugi á Álftanesi, hangið á höndunum meðan á körfunni!

En á góðum góðum veðurdegi er hið hljóðlausa flug í opnum loftbelg óviðjafnanlegt, og er synd að ekki hafi verið boðið oftar upp á slíkt hér á landi. 

Birkir heimsótti vinsælan „Instagram-stað“

Ekki eins einfalt og virtist í upphafi? Hvað um eftirlitsmyndavélarnar?

Hin einfalda mynd, sem gefin var í upphafi Borgarnessmálsins, var sú, að í stað þess að innsigla kjörkassana, hefði það verið lenska um árabil að hefa myndavélar yfir rýminu, sem talið var í og læsa dyrunum. 

Í málarekstri lögreglu vegna málsins töldu þrír af fimm stjórnarmönnum yfirkjörstjórnar að ekki hefði verið um lögbrot að ræða, því að tilgangurinn hefði verið hinn sami og þegar innsiglað er.

En nú virðist vera að koma fram, að hægt hefði verið að komast inn í salinn eða að vera á ferli við kjörkassana án þess yrði vart. 

Samtímis hefur heyrst, að dyrnar hafi ekki verið læstar. 

Þessi atriði þyrftu kannski ekki að vera svo mikilvæg ef úrslitin hefðu verið það hrein og bein að ekki hefði verið hægt að hrófla við þeim. 

En það var nú öðru nær. Ein innsláttarvilla upp á aðeins tvö atkvæði felldi fimm frambjóðendur út, en fimm aðrir komu í staðinn. 

Eðli málsins er allt annað en í úrskurði Hæstaréttar í stjórnlagaþingkosningunum 2011. 

Kærendur kosninga koma fyrir nefnd í dag

Vonandi ekki sápuópera eða leðjuslagur í talningarmálinuú

Á fyrstu stigum talningarmálsins í Borgarnesi á dögunum virtust flest atriði benda til þess að hægt væri að komast að sæmilegri niðurstöðu sem byggðist á staðreyndum, sem kæmu fram í rannsókn þess og málarekstrinu. 

Nú eru að vera liðnar fjórar vikur frá kosningunum og því miður er kominn eins konar sápuóperu- eða leðjuslagskeimur af ýmsu. 

Svo sem misvísandi álit deiluaðila á því hvort kjörgögnin hafi verið sýnileg á vefmyndavélum allan tímann þannig að hægt sé að skoða það eftir á með óyggjandi hætti hvort einhver hafi komist í tæri við þau. 

Nú ber mönnum ekki einu sinni saman um það, að enda þótt ekki væri farið eftir ákvæðum um að innsigla kjörkassana, hafi í einu ög öllu verið farið að lögum.  

Málið stefnir stöðugt í þá átt að verða æ einstæðara, enda hefur verið nefnt í því samhengi, að líkurnar á því að hið dæmalausa og umfangsmikla dómínófyrirbrigði færi í gang væru einhverjar þær einstæðustu sem gætu átt sér stað. 

Ingi svarar: Órökstuddar aðdróttanir

Tímanna tákn, gamall kunningi kvaddur.

Bensínstöð Olís neðst við Háaleitisbraut var sú bensínstöð, sem var næst heimili síðuhafa í þau 29 ár, sem hann átti heima þar skammt frá. 

Fyrstu árin evar mikið verslað þar, enda hverfið stútfullt af barnafjölskyldum. Síðan hófst rólegt samdráttarskeið samfara því sem börnin uxu og fluttu burt, götunni var breytt úr breiðgötu með miklum hraða og tilheyrandi umferðarslysum, í rólega og bugðótta götu í tvennu lagi og auk þess voru alls fimm bensínstöðvar á svæðinu. 

Bílar hafa orðið sparneytnari og þörfin á að kaupa eldsneyti á þá hefur minnkað.

Þótt bensínbílum virðist lítið fækka enn sem komið er, þrátt fyrir fjölgun rafbíla, liggur fækkun bensínstöðva í loftinu, hún er tímanna tákn. 

Íbúðarhús í stað bensínstöðvar

Ísland í dag; þúsundir bíla fastir, ekkert hjól á ferð.

Myndin, sem fylgir viðtengri frétt í dag af umferðaröngþveiti á Vesturlandsvegi nú síðdegis, segir meira en mörg þúsund orð um umferðarmálin hjá okkur. 

Bílateppan er aðeins hluti af margfallt stærri teppu, þar sem þúsundir bíla komast ekki fetið. 

Þannig vill til, að síðuhafi á oft leið um þetta svæði þvers og kruss - á hjóli, oftast rafreiðhjóli, en einnig rafknúnu léttbifhjóli í bland, og einstaka sinnum á 125 cc léttbifhjóli. 

Ef grannt er skoðað á þessari mynd, sést auð vegöxl yst hægra megin sem liggur meðfram bílaakstursbrautinni. 

En ekkert einasta hjól sést þar þótt rýmið ætti að vera nóg, því að yfirborðið er af öllu tagi, mismunandi slitið malbik og gróf möl á víxl.  

Mótbárur þess efnis að ekkert tilefni sé til að nota hjól á þessu svæði eru fyrir löngu orðnar úreltar, því að ný og fjölmenn hverfi eru þarna beggja vegna.   

Í ástandi eins og oft verður þarna, myndi það létta á umferðarþunga hinna fyrirferðarmiklu bíla, ef vélhjólum væri veitt brautargengi, sem tækju við hluta af umferðrþunganum og væru þar að auki langfljótust í gegn.  

Þetta má sjá víða erlendis, en það "Ísland í dag" sem sést á þessari mynd virðist ætla að varða óumbreytanlegt. 

Miklar tafir vegna framkvæmda og umferðarslyss

Engin gögn benda enn til rangrar niðurstöðu talningar númer tvö í Borgarnesi.

Talningarmálið í Norðvesturkjördæmi á sér nokkrar hliðstæður hér á landi og erlendis hvað  snertir það að kosning hafi ekki verið ógilt þótt skort hafi á að öllum framkvæmdaatriði hafi verið rétt framkvæmt upp á punkt og prik. 

Hafa tvö þeirra verið nefnd áður hér á síðunni, úrskurður stjórnlagadómstóls í Þýskalandi og úrskurður varðandi mistök vegna kjördæmamarka vestast í Reykavík. 

Í báðum tilvikum var farið vandlega yfir öll gögn og það fundið út, að misfellurnar hefðu engin áhrif haft á úrslit kosninganna. 

Í þýska dæminu höfðu misfellurnar viðgengist í mörgum kosningum, en niðurstaða dómstólsins varð að láta úrslit allra kosninganna standa en beita hins vegar viðurlögum í formi sekta og fyrirskipunum um breytingar á framkvæmdinni framvegis. 

Það er hins vegar ágætt að kært sé í svona tilfellum, svo að hægt sé að fara sem best ofan í saumana á svona málum og sjá, hvort misræmi verði á milli dómstóla í málunum. 

Í Borgarnesmálinu eru fyrir hendi næg gögn, svo sem eftirlitsmyndavélar og vitnisburðir, endurtalning og væntanlega yfirferð yfir ógild atkvæði,  til þess að sýna, hvort útkoman eftir endurtalninguna hafi verið rétt  

 

Ekki hægt að styðjast við tölur „út frá lögbroti“

Aðalvandinn er veldisvaxandi neysla og orkubruðl.

Það hefur blasað við jarðarbúum að megkn áskorun og vandi 21. aldarinnar er ásókn í helstu auðlindir jarðar, sem eru óendurnýjanlegar. 

Og það sem verra er, ásóknin og neysluvöxturinn er í í veldisvexti. 

Allt virðist snúast um að hver þjóð fyrir sig finni einhverja þá leið til að búa til tölur, sem hróflar sem allra minnst við því lífsnauðsynlega meginmarkmiði að minnka neyslu. 

Í löndum þar sem engin fólkfjölgun hefur verið síðustu áratugi halda neyslan og orkunotkunin samt áfram. 

Erlendum áhrifamönnum er að sjálfsögðu sýnd Hellisheiðarvirkjun og Carbonfix, en þess í engu getið að orkuöflunin á vírkjanasvæðinu er hreinasta qog niðurdælingin er ennþá aðeins örlítið brot af því sem þarf. 

Mest allt talið að undanförnu hefur snúist um það sem höfuðnauðsyh að auka bruðlið með orkuna, ef ekki með stórfelldum virkjunum, heldur líka með tröllslegum sæstrengjaframkvæmdum. 

Dæmi um það þegar talað er um að það sé örstutt leið frá Íslandi til Grænlands, en ekki haft fyrir því að skoða leið sæstrengs þá leið, sem er er næstum þrisvar sinnum lengri frá Suðurnesjum til Narsassuaq heldur en frá Hornafirði til Færeyja.  

Aðalvandinn er veldisvaxandi neysla.

Það hefur blasað við jarðarbúum að megkn áskorun og vandi 21. aldarinnar er ásókn í helstu auðlindir jarðar, sem eru óendurnýjanlegar. 

Og það sem verra er, ásóknin og neysluvöxturinn er í í veldisvexti. 

Allt virðist snúast um að hver þjóð fyrir sig finni einhverja þá leið til að búa til tölur, sem hróflar sem allra minnst við því lífsnauðsynlega meginmarkmiði að minnka neyslu. 

Erlendum áhrifamönnum er að sjálfsögðu sýnd Hellisheiðarvirkjun og Carbonfix, en þess í engu getið að orkuöflunin á vírkjanasvæðinu er hreinasta qog niðurdælingin er ennþá aðeins örlítið brot af því sem þarf. 

Mest allt talið að undanförnu hefur snúist um það sem höfuðnauðsyh að auka bruðlið með orkuna, ef ekki með stórfelldum virkjunum, heldur líka með tröllslegum sæstrengjaframkvæmdum. 

Dæmi um það þegar talað er um að það sé örstutt leið frá Íslandi til Grænlands, en ekki haft fyrir því að skoða leið sæstrengs þá leið, sem er er næstum þrisvar sinnum lengri frá Suðurnesjum til Narsassuaq heldur en frá Hornafirði til Færeyja.  

Áætlanir þjóða um útblástur langt yfir markmiðum