"Hönd, sem heldur á rýtingi...". Lúkasjenko í hlutverki Mussolinis?

´Þegar Hitler hafði lagt undir sig nær allt Frakkland í júní 1940 og aðeins var eftir að taka smá skika hér og þar og semja uppgjafarskilmála, sagði Ítalía Frakklandi stríð á hendur. 

Mussolini gerði þetta þvert ofan í ráðleggingar utanríkisráðherra hans, Ciano, sem var tengdarsonur el Duce og þvert ofan í ráðleggingar hers og ríkisstjórnar. 

Mussolini dreymdi um að verða nokkurs konar nútíma Cesar við "Mare nostrum", "hafið okkar", Miðjarðarhaf í endurvöktu Rómaveldi.  

Aðferðin var lúaleg og Roosevelt Bandaríkjaforseti líkti henni við hönd, sem hefði haldið á rýtingi og stungið í bak nágrannans. 

Hitler gein ekkert við þessu framtaki, því að Mussolini hafði verið og varð sífellt meira byrði á Þjóðverjum, sem héldu hernaði Öxulveldanna á floti og urðu hvað eftir að bjarga Mussolini frá afleiðingum eigin axarskafta. 

Það uppátæki Mussolinis að ráðast inn í Grikkland seint um haustið 1940 fékk háðulega útreið og truflaði fyrirætlanir Hitlers um herferð á hendur Sovétríkjunum. 

Til að bjarga málum endaði það mál og "svik" Jógóslava með því, að Þjóðverjar lögðu undir sig allan Balkanskagann og Krít að auki, og fyrir bragðið tafðist innrásin í Sovétríkin um dýrmætar sex vikur, sem ekki var hægt að vinna upp. 

Nú er Lúkasjenko búinn að fá svipað "blod paa tanden" og Mussolini 1940 á lúalegan hátt þegar Rússar eru búnir að hafa alla fyrirhöfnina af því að knésetja Úkraínumenn. 

Lúkasjenko hefur átt allt sitt undir stuðningi Pútíns, rétt eins og Mussolini átti allt sitt undir stuðningi Hitlers forðum. 

"Nú get ég" sagði íslenski karlinn forðum. 

Sagan endurtekur sig.  

c

Pútín varar við hærra matvælaverði

"MAD og GAGA"

Var að hripa niður uppkast af ljóði við sérsamið lag eftir að ég sá viðtengda frétt á mbl.is, nýbúinn að blogga um hótanir Pútíns um notkun kjarnorkuvopna.

 

MAD og GAGA. 

 

MAD in English, GAGA in Icelandic, 

mad og gaga everywhere

is mutual assured destruction

from the ground up to the atmosphere. 

 

Á doctrine for security and peace of mind, 

tó be ready to kill, if you would be so kind, 

all the enmies, five times each

with all the globe within the reach. 

 

Yes, that´s the divine doctrine of mutual 

almost spiritual assured destruction, 

yes, the belief in huge nuclear arsenal

to guarantee  complete extermination

of every nation - 

five times 

if possible. 

 

MAD in English, GAGA in Icelandic. 

Mad og gaga trúarsetning er, 

gagnkvæm altryggð gereyðing allra, 

að geta margdrepið alla féndur hér. 

 

MAD in English, GAGA in Icelandic, 

overwhelming deterrent;  should we pray 

that everybody is ready to act like a sick

and not to hesitate to go all the way?

 

But if and when we do it

we have at last

after the last 

blast 

and breath:  

 

Serenety -  silence - death.  

 

 

Draumurinn eyðilagður

Hættulegt daður við "Gaga", "gagnkvæma altryggða gereyðingu allra."

Herm er að þegar fréttir bárust af upphafi Fyrri heisstyrjaldarinna hafi grandvör sála á Íslandi sagt: "Þetta endar með því að einhver verður drepinn." 

Munurinn á loforðum um hernaðaraðstoð í aðdraganda Heimsstyrjaldarinnar og þeim yfirlýsingum, sem nú eru gefnar um kjarnorkuvopn er sá að nú mætti segja: "Þetta endar með því að þeir drepa alla."  

Því veldur fælingarkenning Kald stríðsins MAD, Mutual assured destruction, - á íslensku Gaga; Gagnkvæm altryggð gereyðin allra. 

 

 

 

 

 

 

 

 

 

 

 

 

 

 

 

 

 

 

 

 

 

Segir ákvörðun Pútíns óásættanlega

Orðræðan er að sumu leyti eins og hún var 1942.

Giskað hefur verið á að megnið af þeim 8 milljónum manna, sem Stalín svelti í hel með aðgerðum sínum við að taka land af bændum og færa ríkinu í formi samyrkjubúa, hafi verið Ukraínumenn. 

Þegar Hitler réðst inn í Sovétríkin 1941 töldu margir Úkraínumenn sig eiga harma að hefna gagnvart Stalín og tóku innrásarhernum jafnvel fagnandi í byrjun. 

En þá komu SS-sveitirnar fast á eftir hernum og hofu þegar í stað mikil fjöldamorð. 

Við það breyttist stemningin og ræða Stalíns um að koma til varnar "mother Russia" hafði mikil áhrif. Og ekki síður það að alla tíð síðan er Heimsstyrjöldin síðari ekki nefnd því nafni eystra, heldur "Föðurlandsstríðið mikla."  

Síðan eru liðin 80 ár og enda þótt nýnasistar hafi að einhverju leyti skotið upp kollinum, rétt eins og Þýskalandi, Bandaríkjunum og fleiri löndum, er hæpið að hægt að réttlæta innrás í Úkraínu sem eins konar herferð gegn nasistaríki. 

Segir nasistana í Úkraínu almenna borgara

Óhugnanlegar hótanir Pútíns.

Vladimir Putin dró línu i sandinn 2014 þegar vestrænn tundurspillir þótti gerast full nærgöngull við rússneska landhelgi þegar rússar höfðu hernumið Krím og sagði fullum fetum að hann myndi íhuga notkun kjarnorkuvopna ef lengra yrði gengið. 

Þá brá svo við, að fleiri slík atvik urðu ekki. 

Á sínum tíma voru Stalín, Bréznef og síðustu leiðtogar Sovétríkjanna varfærnir í yfirlýsingum og létu tilvist kjarnorkuvopnanna nægja án hótana af því tagi, sem Pútín lætur sér nu um munn fara. 

Nú hefur hann gefið svipað í skyn og 2014, en þó á þann hátt, að það vekur vissan óhugnað. 

Hvað á hann við með orðunum "að Vesturlönd séu að nálgast þann stað þar sem ekki verður aftur snúið."

"Ekki verður aftur snúið" með hvað? 

Það verður að gera þær kröfur til leiðtoga með völd Pútíns að vandað sé til yfirlýsinga og aðgerða eftir því sem föng eru á og brenna ekki brýr að baki í bráðræði. 

Það þótti verulega glannalegt þegar Donald Trump sagðist alveg vera til í það að gereyða Norður-Kóreu og þurrka það land og þjóð út á kortinu. 

Enginn forseti Bandaríkjanna hafði áður vogað sér að tala á þennan hátt.  

Skömmu síðar var Trump kominn á fund með Kim Jong-un sem reyndist árangurslaus og raunar hreint "show". 

Eftir að Trump er ekki lengur forseti er vonandi að glannalegum gífuryrðum linni hjá ráðamönnum þjóðanna.  

 

 

Rússland: Brátt verður ekki aftur snúið

Einstigi og hálfgerð Gæsavatnaleið fyrir hundruð bíla .

Hér á síðunni má sjá myndir af aksturleið í Grafarvogshverfi sem liggur þessar vikurnar á um 15ö metra kafla um kostulegar torfærur vegna þess hve misheppnað moksturstarf er stundað. 

Við íbúðablokkasamstæðu með um 130 íbúðum er sameiginlegt bílastæði blokkarbúanna og Borgarholftsskóla. Ætla má að nokkur hundruð manns þurfi að hafa aðgang að þessu svæði. 

Í veðurfari eins og ríkt hefur að undanförnu hefur að vísu verið reynt að moka snjó af stæðunum og akstursleið að þeim og það gengið með herkjum.  

En steininn tekur úr hvað varðar rúmlega 100 metra kafla leið inn á þetta bílastæðasvæði, því að í stað þess að henni sé haldið best við úr því að allir þessir bílar þurfa að fara hana fram og aftur, er þessi kafli stórlega vanræktur þannig að hann verður strax að illfærum klakabunkum og klakaruðningum þegar bílar troða snjóinn niður eða spóla og rótast í honum.

Að fara þennan stutta spotta er næstum eins og að vera kominn á eins konar Gæsavatnaleið í miðju borgarhverfi. 

Verst er þó, að við mörk bílastæðanna þarf að taka vinkilbeygju, (neðsta myndin), en einmitt þar, á versta og fjölfarnasta staðnum er aðeins rudd breidd fyrir einn bíl, og beygjan einbreið inni á milli snjóhraukanna, sem mokað hefur verið upp. 

Þar að auki hefur verið vanrækt með öllu að moka göngustíga við blokkina.

Það þýðir að reiðhjólafólki og vélhjólafólki er ætlað að setja sig í bráða hættu við að klöngrast yfir klakaruðninginn á akstursgötunni ef það ætlar sér að komast á reiðhjólum eða bifhjólum inn á göngustígakerfið. 

 

 

 

 

 

 

 

 

f 

 

Víðtækar vegalokanir vegna veðurs

Hvenær ganga "Monroekennningar" sér til húðar?

Stórveldi heims hafa öldum saman stundað það að skipta löndum og álfum heims í áhrifasvæði sín. Monroekenningin 1823 hefur að mestu verið í gildi síðan, og í lok Heimssstyrjaldarinnar skiptu Churchill, Stalín og Roosevelt Evrópu upp í áhrifasvæði Sovétmanna, Breta og Bandaríkjamanna. 

Svo kyrfilega var frá þessu gengið, að enda þótt vesturveldin mótmæltu hástöfum þegar hervaldi var beitt til að bæla niður mótþróa í Austur-Þýskalandi 1953, Ungverjalandi 1956, Tékkóslóvakíu 1968 og Póllandi 1980, hreyfðu stórveldin ekki í raun hvorki hönd né fót. 

Stalín hótaði aldrei beitingu kjarnorkuvopna í orði, en Pútín hefur gert það tvívegis, þegar vestrænn tundurspillir gerðist ágengur við Krím 2014, og svo aftur nú. 

Segir Pútín gera söguleg mistök

Hvílík skemmtun og stuð!

Íslenska landsliðið í körfubolta bauð upp á sjaldgæflega góða kvöldskemmtun í sjónvarpi í kvöld þar sem háspenna var allan tímann í tvíframlengdum leik. 

Ástæða er til að þakka fyrir þennan leik að öllu leyti, ekki síst fyrir einstaklega athyglisverðan aðdraganda, sem varð til þess að ýmsir sperrtu eyrunn við að heyra talsmann liðsins vera með ansi djarfar yfirlýsingar í fjölmiðlum um að ekki kæmi annað til greina en að gera það, sem hefði verið talað ómögulegt, að sigra hið firnasterka ítalska lið. 

Körfubolti er mun útbreiddari íþrótt erlendis en handbolti, og því er það óvænt ánægjuefni og aldeilis stórgott, sem íslenskur körfubolti færði þjóðinni í kvöld. Takk, takk! 

Ótrúlegur sigur á Ítölum

Að hvaða leyti gæti hugsanlegt Úkraníustríð orðið líkt Kóreustríðinu?

Kóreustríðið hófst sumarið 1950 með því að her Norður-Kóreu gerði fyrirfaralausa og óvænta árás á Suður-Kóreu og tókst næstum því ná því takmarki að leggja hana undir sig. 

Alþjóðlegur her, kenndur við Sameinuðu þjóðirnar en í einu og öllu undir forystu Bandaríkjamanna í raun, var kvaddur út, og tókst að snúa vörn í sókn undir stjórn Douglas Mac Arthurs og sækja langleiðina til Yalufljóts nyrst í Norður-Kóreu. 

Þegar Mac Artur virtist stefna að því að knésetja Norður-Kóreumenn alveg, sendu Kínverjar fjölmennar sveitir eins konar sjálfboðaliða til hjálpar norðanmönnum, og nú snerist dæmið við þannig að lið Sþ varð að hörfa allt suður til 38 breiddarbaugs, sem hafði verið landamæri Suður- og Norður-Kóreu. 

Mac Arthur sótti það fast að fá að fara í beint stríð við Kínverja og beita kjarnorkuvopnum, en Harry S. Truman var því algerlega andvigur, og sá sig knúinn til að reka Mac Arthur úr stöðu yfirhershöfðingja. 

Eftir að Dwight D. Eisenhower var kjörinn forseti og tók við embætti í ársbyrjun 1953 fór svo, að vopnahlé var samið í þessu stríði á því ári, sem stendur enn, 69 árum síðar, án þess að friðarsamningar hafi komist á. 

Eins og sést á þessu yfirliti, er hugsanlegt að margar svipaðar spurningar muni koma upp í Úkraínustríði nú. 

Einkum kann lærdómurinn af spurningunni um að beita kjarnorkuvopnum að verða mikilvæegur. 

Herinn nær allur búinn undir innrás

Aldeilis kostulegt að þessu ástandi linni ekki.

Fyrir nokkrum misserum var tekið upp nýtt kerfi varðandi viðvaranir og aðgerðir þegar sýnt þykir að óveður skelli á.  Tekinnn var upp litakóði, sem fer upp á rauðan lit í aðstæðum, sem eru fágæt, og komið geta með margra ára millibil.  

Um helgina skall á fárviðri, sem auglýst var stanslaust fyrirfram í öllum fjölmiðlum og kom á nákvæmlega þeim tíma sem auglýst var. Þessi viðvörun var sú fyrsta rauða, sem gefin  var út í sögu þessara viðvarana. 

Sú sem kom á undan þessari var fyrir tveimur árum. 

Nú hefði mátt halda að með þessu nýja fyrirkomulagi væri tryggt að lágmarks vandræði hlytust af svona góðu kerfi. 

En það er nú eitthvað annað. Enn, næstum þremur dögum eftir að veðrið skall á, er björgunarfólk önnum kafið við að bjarga mörg hundruð bílum, sem sumir hafa staðið fastir allan tímann. 

Flestir bílanna voru venjulegir eins drifs fólksbílar, og í viðtali við einn bílstjórann, sagðist hann hafa verið óviðbúinn þessu, því að hann hefði aldrei orðið svona fastur áður á sínum eins drifs litla sendiferðabíl. 

Í þessu óveðri voru ýmis vindhraðamet slegin og margsinnis var búið að vara við því að mikil snjókoma, slydda og síðar rigning, sem breyttist í hvöss vél, ylli því, að sem allra fæstir væru yfirleitt á ferðinni. 

Í Hveragerði fauk íþróttahús og útköllin skiptu hundruðum vegna veðurtjóns. 

 

Fjöldi bíla fastur á Hellisheiði