Það þarf mikinn vind til þess að koma öllum þessum hlýindum hingað.

Margir bölva nú miklu hvassviðri og úrhelli, sem ergir og tefur þá sem eru á ferðalagi. 

Þeir hinir sömu bölvuðu líka svalviðrinu sem var svo algengt í sumar á stórum hluta landsins. 

En þegar litið er á veðurkortin í sjónvarpinu má sjá, að því miður er engin leið að koma hingað til okkar hátt á annað þúsund kílómetra leið hlýja loftinu, sem liggur oft vikum saman yfir meginlandi Evrópu, nema með miklum og öflugum vindstyrk sem getur fært slíkan loftmassa úr stað með meira en tíu stiga hita. 

Allt upp í 18 stiga hita á Ólafsfirði í dag, 17 stigum hlýrra en nemur meðalhita á þessum árstíma.  

Svo að við skulumm þakka fyrir að það sé þó hlýtt í anda ljóðs Jónasar: "Nú andar suðrið sæla vindum þýðum ( á sjónum allar bárur bláar rísa..."

Það þarf mikinn vind til þess að koma öllum þessum hlýindum hingað.

Margir bölva nú miklu hvassviðri og úrhelli, sem ergir og tefur þá sem eru á ferðalagi. 

Þeir hinir sömu bölvuðu líka svalviðrinu sem var svo algengt í sumar á stórum hluta landsins. 

En þegar litið er á veðurkortin í sjónvarpinu má sjá, að því miður er engin leið að koma hingað til okkar hátt á annað þúsund kílómetra leið hlýja loftinu, sem liggur oft vikum saman yfir meginlandi Evrópu, nema með miklum og öflugum vindstyrk sem getur fært slíkan loftmassa úr stað með meira en tíu stiga hita. 

Allt upp í 18 stiga hita á Ólafsfirði í dag, 17 stigum hlýrra en nemur meðalhita á þessum árstíma.  

Svo að við skulumm þakka fyrir að það sé þó hlýtt í anda ljóðs Jónasar: "Nú andar suðrið sæla vindum þýðum ( á sjónum allar bárur bláar rísa..."

Það þarf mikinn vind til þess að koma öllum þessum hlýindum hingað.

Margir bölva nú miklu hvassviðri og úrhelli, sem ergir og tefur þá sem eru á ferðalagi. 

Þeir hinir sömu bölvuðu líka svalviðrinu sem var svo algengt í sumar á stórum hluta landsins. 

En þegar litið er á veðurkortin í sjónvarpinu má sjá, að því miður er engin leið að koma hingað til okkar hátt á annað þúsund kílómetra leið hlýja loftinu, sem liggur oft vikum saman yfir meginlandi Evrópu, nema með miklum og öflugum vindstyrk sem getur fært slíkan loftmassa úr stað með meira en tíu stiga hita. 

Svo að við skulumm þakka fyrir að það sé þó hlýtt í anda ljóðs Jónasar: "Nú andar suðrið sæla vindum þýðum ( á sjónum allar bárur bláar rísa..."

Veður versnar fram að miðnætti

Gerðist hinum megin á vellinum. "Fjarskiptasamband slitrótt."

Rétt er að geta þess, að flugatvikið, sem getið er um í frétt á mbl.is, gerðist ekki þar sem myndin með fréttinni er tekin, við skýli 1, heldur alveg hinum megin á vellinum, vestan við skýli 3. 

Svo er að sjá af fréttinni að þyrluflugmaðurinn hafi farið á loft í þveröfuga átt sem gefin var heimild fyrir, þ. e. farið á loft til norðurs þvert yfir stefnu kennsluflugvélar í stað þess að fara til suðurs frá lendingarbraut kennsluflugvélarinnar. 

Ef árekstur hefði orðið, hefði hann átt sér stað beint yfir austur-vestur flugbrautinni. 

Tvívegis í fréttinni eru orðin "fjarskiptasamband slitrótt" nefnt. Fyrir 52 árum, þegar síðuhafi hóf flugnám, fannst honum undarlegt hvað fjarskiptasambandið gat verið slitrótt, bæði erfitt að skilja það sem sagt var, og einnig það, að þegar það kom fyrir að tveir töluðu í einu, gátu orð annars drukknað í orðum hins. 

Merkilegt má telja, að í öllum hinum gríðarlegu tækniframförum í meira en hálfa öld riðist þetta enn vera svipað, einkum hvað varðar að sendingar "drukkni". 

Rákust nærri saman á flugi

Ársfrestun rímar ekki við að það liggi svo mikið á.

Ef framlagning þriðja orkupakka ESB á þingi frestast í heilt ár eða jafnvel meira sýnir það, að þrátt fyrir fullyrðingar um að málið breyti engu fyrir okkur Íslendinga, er full þörf á að hrapa ekki að neinu án þess að huga nánar að málinu til langs tíma litið. 

Eða segi það ekki eitthvað, að norska Stórþingið hefur samþykkt pakkann með átta fyrirvörum?

Í upphafi skyldi endinn skoða, eða öllu heldur alla endana á þeim að minnsta kosti tveimur sæstrengjum sem þrýst verður á að leggja milli Íslands og Skotlands. 

Útilokar ekki frekari frestun orkupakka

Mikilvægt að ráðast strax að lang stærstu rót vandans.

Langstærsti orsakavaldur alvarlegra slysa og banaslysa í umferðinni er, að ekki er aðskilnaður á milli aksturstefna. Þetta sést til dæmis vel á 2 plús 1 vegum eins og í Svínahrauni, þar sem það fækkar stórlega slíkum slysum að hafa aðskilnað á milli tveggja akreina öðru megin og einnar akreinar hinum megin. 

Tvöföldunin öðru megin er að vísu framför, og best að tvöfalda báðum megin,  en skilar aðeins hluta af ávinningnum af því að breikka vegi með einni akrein í hvora átt. 

Þess vegna er þörf á að hraða aðskilnaði akstursstefna sem mest, enda fæst mest fyrir peningana með því. 

Aðskilnaði akstursstefna jafnvel flýtt

Fjölnota snarlpokinn kynntur á ljósmyndaljóðabókartónleikasýningu.

Þetta er tilviljun sem er svo ótrúleg að hún á ekki að geta gerst.

Útgefandi fyrstu íslensku "ljósmyndaljóðabókarinnar", "Hjarta landsins" sendi fjölmiðlum tilkynningu síðegis í gær tilkynningu um bókina, í þeirri tilkynningu er einnig minnst á annað nýtt fyrirbrigði; "ljósmyndaljóðatónleikasýningu" sem verður í Veröld - húsi Vigdísar kl. 20 í kvöld. 

En einmitt þar er ætlunin að kynna lausn á plastílátavandamálum á samkomum, ráðstefnum og í daglega lífinu með nýjung: "fjölnota snarlpoki." þar sem allir gestir fá afhentan slíkan poka til neyslu á staðnum og til að vígja notkun pokans og flöskunnar sem fjölnota hluti. 

Vigdís Finnbogadóttir fær þarna fyrstu árituðu bókina afhenta, en einnig "fjölnota snarlpokann" í frumkynningunni á því fyrirbæri. 

En, viti menn, þegar Morgunblaðið var opnað í morgun, kom í ljós, að á forsíðu er frétt um nákvæmlega þetta viðfangsefni, notkun plastpoka!

Þar með hefur á Degi íslenskrar tungu verið hægt að nefna þennan bloggpistil "ljósmyndaljóðabókartónleikasýningarfjölnotasnarlpokabloggpistil." 

Eða kannski bara "fjöllista snarlpokablogg." 

Pokarnir eru ekki svo slæmir

Bullandi möguleikar í hjólasmíði. Sjáið þið "Sleipni"!

Íslendingar geta aldrei keppt við aðrar þjóðir í fjöldaframleiðslu á bílum. En mikið hugvit og þekking getur myndast í gerð reiðhjóla og rafreiðhjóla. 

Það eru liðin ein fimm ár síðan ég leit inn í litla vinnustofu á þriðju hæð í timburhúsi við Ingólfsstræti og hreifst af léttu hjólunum, sem þar var verið að framleiða.

Nú eru liðin fimm ár síðan þarna var að fæðast góð hugmynd og nú verður gaman að fylgjast með þessum vaxtarsprota. 

Fleiri eru að vinna að merkilegum hlutum á þessu sviði, svo sem í smíði rafreiðhjóla og endurbótum á rafbílum. 

Þar á ég við Gísla Sigurgeirsson rafeindavirkja, sem smíðaði rafreiðhjólið Sörla til að setja met í drægni rafreiðhjóla án hjálpar frá fótum, 189 kílómetrar sumarið 2015. 

Gísli hefur nær tvöfaldað kílóvöttin á Mitsubishi M-iev bíl sínum, en einnig smíðað stórkostlegt torfærufjallahjól með rafmóturum á báðum hjólum og afburða fjöðrun bæði að aftan og framan og geysigóða drægni. 

Sannkallað "jeppa"hjól, Á myndinni er Sleipnir í áningu á leið eftir jeppaveginum yfir Svínaskarð. 

 

Hafa selt yfir 500 hjól á fyrsta árinu

Með svona marga meidda var engin skömm að tapa fyrir HM-bronsliði.

Sjaldan eða aldrei hafa jafn margir lykilmenn í landsliði verið meiddir og fyrir leikinn við bronslið Belga.

Þess vegna var við ofurefli að etja við aðstæður sem íslenska liðið tókst á við af það miklum vilja, að útkoman var var ekkert til að skammast sín fyrir. 

Bronslið HM reyndist of sterkt

"Flóðavarnargarðurinn hefur æpt á hækkun í marga áratugi.

"Katla kemur" hefur verið orðtak hjá mörgum Skaftfellingum í meira en hálfa öld.

Amma mín heitin, Ólöf Runólfsdóttir frá Hólmi í Landbroti, uppalin á Svínafelli í Öræfum, sagði mér frá Kötlugosinu 1918 fyrir 70 árum þegar hún var 22ja ára, og því mikla róti, sem það gos hafði á fólkið eystra, þar á meðal hana og Þorfinn Guðbrandsson, en bæði fluttu til Reykjavíkur og tóku þar saman. 

Síðan hef ég beðið eftir Kötlu. 

Einnig eftir næsta Heklugosi, einkum á meðan ég dvaldi langdvölum við Hvolsvöll sumrin 2010 til 2014.  

Hugsunin er ekki sú, að ég, Reynir Ragnarsson eða aðrir vilji að næsta Kötlugos verði jafn skætt og hættulegt og gosið 1918, heldur kannski frekar einskonar einkasamtal við hana þegar ég er á ferð um þetta svæði og veður er gott síðsumars, nokkurn veginn svona: 

"Heyrðu, gamla, það vita allir, að þú ætlar hvort eð er að gjósa. Verst er ef þú gýst snemma að vori þegar gróðurinn er lítill og viðkvæmur og askan þín drepur því mest. 

Og af því að líkurnar fyrir stóru gosi aukast yfirleitt við það að langt líði á milli gosa, væri skárra ef þú ert ekki að draga þetta lengi eða að safna í stórgos.

Nú er gott veður þar sem allir sjá til þín og úr því að kemur fyrr eða síðar, hvað sem hver segir, gerðu það þá nú svo að það sé afstaðið og allir geti verið rólegir eftir það." 

Í sjónvarpsþættinum Heimsókn 1975 þar sem farið var í heimsókn í Vík, var eðlilega fjallað talsvert um Kötlu og það nefnt sem fáránlegt dæmi um andvaraleysi, að flóðavarnargarður á milli kletta hinnar fornu sæbröttu strandar og allstórrar hæðar, sem ber heitið Höfðabrekkujökull, er augljóslega allt of lágur, úr því að hæðin sem hann liggur utan í með flugvöll ofan á sér, ber jökulsheiti og var mynduð í Kötlugosi. 

Hæðin, mun hærri en varnargarðurinn, er augljóst merki um afl Kötluhlaupa, og varnargarðurinn þyrfti því að verða að minnsta kosti jafnhár en helst hærri. 

Það yrði neyðarlegt ef þessi garður yrði allt of lágur og gagnslaus eftir margra áratuga tal um að styrkja hann og hækka. 

Katla er ekkert grín. Undir öllu Suðvesturlandi er fjögurra sentimetra þykkt öskulag úr gosi fyrir nokkur þúsund árum. 

Fyrir alla þá, sem þurfa að vera viðbúnir slíku reginafli, verður því að huga að viðbúnaði, þar á meðal styrkingu á varnargörðum. 

Katla er mér því hugstæð eftir sögurnar, sem amma gamla sagði af henni. Meira að segja á ég 44 ára gamlan jeppa, sem hefur síðustu árin fengið heitið "Kötlujeppinn". 

Það viðurnefni, sam aðrir en ég fundu upp, er til komið vegna þess að hann er jöklajeppi með 38 tommu dekk. Þau eru þetta stór, af því að sýslumenn og almannavarnarfulltrúar eiga það til að banna alla umferð bíla á ákveðnum bannsvæðum, nema að þeir séu á minnsta kosti 38 tommu dekkjum. 

Ég hef tiltæka þrjá jöklajeppa af mismunandi stærðum sem viðbragðsbíla,- allir með nógu stór dekk fyrir jöklaferðir. Í ferðum verður að vera sveigjanleiki og helst að vera ekki einn á ferð. 

Tveir jeppanna, Suzuki Fox árgerð 1988, 940 kíló á 31 tommu dekkjum, og "Kötlujeppinn", Range Rover, árgerð 1973, með Nissan Laurel dísilvél, eru fornbílar, en jeppinn í lengst til vinsri á myndinni, er líklegastur til notkunar,  Suzuki Grand Vitara dísil árgerð 1998 á 35 tommu dekkjum. 

Hann er aðeins 1480 kíló, 620 kílóum léttari en "Kötujeppinn" og flýtur því alveg jafnvel og sá stóri á snjó. Það má staðfesta með reynslu í jöklaferðum og með notkun á sérstakri flotformúlu. 

En samt verður að vera víðbúið að aðeins 38 tommu jeppinn fái grænt ljós hjá stjórnendum aðgerða vegna hamfara og að það þurfi að vera með slatta af fólki og farangri með í för. 

 

 

 

Sterkari tilfinning fyrir Kötlugosi