Er 5,5% vöxtur svona skuggalega mikill "samdráttur"?

Nú er að verða liðið eitt ár síðan setningar eins og "óveðursský hrannast upp á hinininn" fóru að sjást í fjölmiðlum vegna þess að ekki virtust vera framundan sömu ógnarháu vaxtartölurnar og undanfarin ár í ferðaþjónustunni. 

Hugsunarhátturinn hafði sveigst í þá átt að farið var að miða allt við hinar háu vaxtartölur á bilinu 40% og þaðan af meira sem höfðu ríkt árum saman.

Þetta viðmið þýddi að allar vaxtartölur tölur neðan við 40% voru farnar að fá á sig stimpil samdráttar. 

Það var "mikill samdráttur í aukningu" ef vaxtarprósentan "minnkaði" úr 40 prósentum "niður í" 25%. 

Og nú "minnkar vaxtarhraðinn" úr 24% "niður í" aðeins 5,5%.

Válegar fréttir?

Nei, auðvitað ekki, - nema fyrir þá sem eru orðnir gegnsýrðir af blindri ofsagróðahyggju. 

Sem betur fer heldur blaðamaðurinn sem skrifar tengda frétt á mbl,is haus með fyrirsögninni "Ferðamönnum fjölgaði um 5,5%"

Það er góð frétt og hefði jafnvel verið enn betri frétt ef fjölgunin hefði verið minni.   

 

Ferðamönnum fjölgaði um 5,5%

Eins gott að klúðra ekki Queen og Mercury..

Eftir því sem árin hafa liðið hefur komið ´betur í ljós hvað hljómsveitin Queen og aöngvarinn og söngvaskáldið Freddy Mercury voru einstakt og framúrskarandi tónlistarfyrirbæri, 

Eftir að meira en 40 ár eru liðin síða Queen og Mercury skutust upp á stjörnuhimininn hefur ekkert alveg hliðstætt né jafngott komið fram.

Það er alltaf tekin áhætta þegar reynt er að endurskapa svo einstæða gersemi og hættan á klúðri er svo mikil að varla er hættandi á að taka hana. 

Hafi það tekist að auka veg minningar Queen og Freddys Mercury með myndinni Bohemian Rapsody er ástæða til að fagna því.

Queen sló í gegn

Mjög séríslenskt að hætti hússins,

Það er komin mjög löng hefð fyrir því að þegar íslenskir ráðamenn, sem ganga erinda fjársterkra eignamanna, eru óánægðir með alþjóðlegar reglur og eftirlit eru einfaldlega búnar til "sérísleskar" reglur vegna "séríslenskra" aðstæðna. 

Svona reglur tryggja að rikjandi öfl grti farið sínu fram að vild. 

Hér um árið minnist síðuhafi þess þegar þetta birtist í séríslenskum staðli fyrir lífræna ræktun.

Í fyrstu íslensku lögunum um notkun bílbelta voru nokkrar undanþágur frá skyldunotkun bílbelta sem til dæmis miðuðust við vegi í halla, sem þótti "séríslenskur."

Færa má líkur að því að þær undanþágur hafi kostð mannslíf.  

Kalla drög ráðherra stríðsyfirlýsingu

Varað við ónýtum merkingum á þekktustu hjólabraut landsins,

Úr því að varað er við rusli í Öskjuhlíð í tengdri frétt á mbl.is er kannski ástæða til þrss að vara við lúmskri hættu sem finna má á einstökum stöðum í hjólastígakerfi borgarinnar, þótt stórstígar framfarir hafi orðið á því sviði.

Líklega er hjóla- göngubrautin með tveimur brúm þvert yfir Elliðaárnar og Geirsnef þekktasta og dýrasta framkvæmd af sínu tagi hér á landi. En um leið mikil þjóðþrifaframkvæmd vegna þess mikla sparnaðar sem felst í fækkun avarlegra slysa.   

Hún stytti nefnilega ekki aðeins leið hjóla- og göngufólks yfir Elliðaárnar um minnst 600 metra heldur skapaði hún möguleika á að stórminnka þá slysahættu, sem fylgdi því að gangandi fólk og hjólreiðafólk reyndi annars að fara inni í hraðri og þéttri bílaumferðinni inni í þeim meginkrossgötum höfuborgarsvæðisins og landsins sem eru á svæðinu Ártúnshöfði-Mjódd.

Hönnun þessa tímamótamannvirkis átti að standast ströngustu alþjóðlegar kröfur en gerir það ekki og hefur ekki gert það vegna skorts á merkingum eða skorti á viðhaldi á þeim.  

Sem er merkilegt út af fyrir sig, því að fyrir því var haft strax í upphafi að setja upp þessi fínu ljósker niðri við jörð meðfram köntum hinnar malbikuðu brautar.  

Þó var ekki farin öll leiðin í því efni heldur skildar eftir tvær dimmar beygjur þar sem slíkra merkingar hefði verið nest þörf.

Verra er þó að miðlínumerkingunni á tvístefnuaksturs hjólastígnum hefur ekki verið haldið við, þannig að hún ýmist sést ekki eða að það grillir ógreinilega í hana,  

Hjólamaður, sem kemur úr vestri að vesturenda þessarar leiðar sér ekkert sem gefur upplýsingar um hana heldur aðeins endann á tveimur áþekkum malbikuðum brautum framundan með graseyju á milli, svona eins konar smækkaðri gerð af tvöfölduðum þjóðvegi með einstefnu í sitt hvora átt, sitt hvorum megin við graseyjuna. Mini tvöfölduð Reykjanesbraut.

Ef miðjumerkingin væri í lagi myndi eðli stígsins blasa við honum. 

Þessi hjólamaður sér hins vegar enga miðjumerkingu og gæti því allt eins hjólað áfram á svipaðan hátt og sést svo oft gert hér á landi, plantað sér niður vinstra megin af gömlum vana.

Ef hann heldur áfram á þennan hátt, hjólar vitlausu megin á móti tvístefnuumferðinni,stefnir í árekstur nema hann sjái í tíma villu síns vegar ef hjól kemur á móti.

Ef hann er hins vegar svo óheppinn að hann mæti hjóli í beygju sér sá, sem kemur á móti, ekki hina óvenjulegu og ólöglrgu stöðu hins hjólamannsins,vegna þess hve hjólastígurinn er mjór.

Síðastliðinn miðvikudag varð þarna í aflíðandi beygju hjólaslys með beinbroti vegna þess að hjólamaður á austurleið missti sjónar því hvar á hinni mjóu tvístefnakbraut hann var og hjólaði vitlausu megin á móti umferð úr gagnstæðri átt svo að úr varð árekstur,

Furðulegt er að hjólabrautin er aðeins 2,50 m breið, en brautin fyrir gangandi fólk 2,90 m. 

Þó er hraði og þungi hjólanna mun meiri og meðalmaður 0,43 sm breiður, en breidd hjóls 0,70 - 0,90 m, 

Líklega hefði umrætt slys síður orðið þarna ef nerkingar hefðu verið í lagi og brautin breiðari. 

 

  

Varað við beittum stálbitum í Öskjuhlíð

Trump þreifar á valdinu.

Valdhafar heimsins hafa löngum gripið til harðra úrræða til að fá vilja sínum framgegt þegar annað hefur ekki dugað til.

Einn þeirra, Erdogan hinn tyrkneski, er dæmi um slíkt. 

Valdheimildirnar geta verið mismunandi í einstökum ríkjum og heitið mismunandi nöfnum, svo sem herlög, neyðarlög eða að lýst sé yfir neyðarástandi. 

Svo virðist sem Trunp telji yfirlýsingu á neyðarástandi ekkert smáræðis valdheimild fyrst hún gefi honum fjármagn, tæki, aðstöðu og mannafla til að byggja risamúr á 3100 kílómetra löngum landamærum á örskömmum tíma. 

Ef það að vera snöggur að þýðir að klára það fyrir næstu kosningar, þarf að klára 5 kílómetra mannheldan múr jafn öflugan og Berlínarmúrinn á hverjum einasta degi.

Ef svona er í pottinn búið er þetta ofurvald. Og það sem mesta ofurmenni og vinsælasti forseta í sögu Bandaríkjanna þarf vafalaust að ráða yfir að eigin dómi. 

 

Kann að lýsa yfir neyðarástandi

Hvernig væri að hafa fyrst núverandi flugvelli í lagi?

Fyrir liggur að tifandi tímasprengja er í gangi í flugvallakerfi landsins hvað varðar millilandaflugvellina vegna stórfelldrar vanrækslu í viðhaldi þeirra og viðgangi.

Alltof fá stæði eru fyrir flugvélar á flugvöllunum á Akureyri og Egilsstöðum og brautin á Egilsstöðum er skuggalega stutt. 

Allt tal um að Árborgarflugvöllur geti verið hentugur varaflugvöllur fyrir Keflavíkurfluvöll byggist á vanþekkingu og óskhyggju, að því er virðist án minnstu athugunar á veðurfræðilegum og landfræðilegum aðstæðum, sem ætti að athuga fyrst til hlítar á undan öllu öðru. 

Árborgarsvæðið er nefnilega á nákvænlega sama veðurfarssvæði og Keflavíkurflugvöllur með sömu verstu vindáttum, suðlægum sudda- þoku- og súldarveðrunum fyrir opnu hafi. 

Hins vegar er Reykjavíkurflugvöllur á öðru veðurfarssvæði en Keflavíkurflugvöllur í þeim vindáttum sem oftast valda hvassviðri með þoku, sudda og súld, það er, sunnan, suðaustan og austsuðaustan vindi, því að í þeim vindæattum hreinsar 700 metra hár Reykjanesfjallgarðurinn rakann upp þegar hann skellur á þessum náttúrgerða varnarvegg.

 

Á Árborgarsvæðinu skortir nær alla nauðsynlega innviði fyrir millilandaflug, gagnstætt því sem er í Reykjavík og á Akureyri. 

Í Reykjavík er á einfaldan hátt hægt að stórbæta völlinn, m.a. neð því að kengja vesturenda a-v brautarinnar. 

Fundað um alþjóðaflugvöll í Árborg

Man nú enginn "þjóðaröryggi" A-Þýskalands og S-Afríku?

Berlínarmúrinn og Aðskilnaðarmannvirki í S-Afríku hlutu alþjóðlega fordæmingu á sinni tíð, einkum hjá forsetum BNA. 

Þeir sem reistu múrinn og girðingarnar báru við þjóðaröryggi.

Nú er ðldin önnur og Bandaríkjforseti vegsamar nokkur hundruð sinnum stærri múr með hótun um frambúðarlokun ríkisstofnananna, sem hann hefur lokað. 

Enda allt stærst og mest sen hann gerir. 

Hugsanlega lokaðar árum saman

Þurfa að vera hreinar línur varðandi veggjöldin.

Veggjöld eru notuð í langflestum löndum og oftast þannig að ökumenn eigi kost á því að fara áfram án veggjalda gömlu leiðina bæði á framkvæmdatímanum og eftir hann.

Hreinar línur í þeim efnum.

Þetta var gert þegar Keflavíkurvegurinn og Hvalfjarðargöngin voru gerð, og rökin voru þau að án veggjalda hefði ekki verið fjárhagslega mögulegt að gera þessi dýru mannvirki nema minnka fjárveitingar til annarra brýnna verkefna ríkisins. 

Í viðbót við beinan sparnað og hagkvæmni er mikill óbeinn ávinningur af samgöngubótum í formi fækkunar slysa sem kosta þjóðfélagið tugi milljarða.  

Umsagnir um veggjöld tæplega 300

Óþægileg staðreynd, áttfalt bruðl með næringu í nautgriparækt.

Þegar einn sona síðuhafa var kornungur gerðist hann grænkeri, Hann kvaðst líta á hina stórfelldu framleiðslu á heimsvísu, samanber kjörorðið  "hugsaðu á heimsvísu - aðhafstu á landsvísu!" 

Hann tilgreindi þá ástæðu að við nautakjötsframleiðslu í heiminum væri notað grænfóður á borð við maís þar sem áttfalt færri hitaeiningar og næring fengjust úr hnerju kílói af nautakjöti en myndu fást við beina neyslu úr hverju kílói af maísnum sjálfum. 

Í þessu fælist gríðarlegt bruðl kolefnisfótspor og mengun í heimi þar sem hundruð milljóna byggju við sultarkjör.

Ég benti honum á að á Íslandi væri gras meginuppstaðan í fóðri holdanauta, án þess þó að ég vissi nákvæmlega hvort og þá hve mikið væri aðkeypt í formi kraftfóðurs. 

En líklegt væri að meinlæti hans bæri snöggt um minni árangur hér á landi en sunnar á hnettinum. 

Nema að hægt væri að framleiða matvöru til manneldis hér á landi. 

Kom þá upp í hugann frásögn Gísla sögu Súrssonar af því þegar menn sem leituðu að Gísla komu að Ingjaldsfíflinu í lautu að bíta gras.

 

„Besta ákvörðun sem ég hef tekið“

Er lífeyrir ekki hluti af ævilaunum? Jú, og lífeyrisþegi er áfram launþegi.

Síðan lífeyrissjóðakerfið  var tekið upp fyrir um hálfri öld hefur hluti launa launafólks verið tekinn af launum þess og settur til hliðar í því skyni að launamaðurinn gæti gengið að þessu fé í ellinni án kjararýrnunar. 

Þess vegna er villandi að líta á þetta fé öðruvísi en sem hluta af ævilaunum hvers launamanns og reikna út í samræmi við það hve stórt hlutfall allra launamanna er undir 300 þúsund króna markinu.  

Það er mun hærri tala en 1%. 

Þar að auki eru 300 þús krónur á mánuði ekkert annað en sultarlaun.

Rifist um mismunandi staðreyndir