Augnablik tregðu í stýrinu á leið til Akureyrar.

Í sögu alvarlegra slysa og banaslysa má sjá þær niðurstöður í mörgum tilfellum, að líkleg orsök hafi verið að annað hvort hafi ökumaðurinn dottað eða sofnað, eða misst athygli við aksturinn. 

Þess vegna er athyglisverð sú viðleitni í bílaframleiðslu að búa til sjálfvirkt öryggisstýrikerfi, sem geti aðvarað ökumann í slíkum tilfellum nógu tímanlega eða jafnvel gripið í taumana. 

Í reynsluakstri frá Reykjavík til Akureyrar í ágúst á Opel Ampera-e vakti það athygli, að einstaka sínnum þegar ekið var þráðbeint áfram á réttum vegarhelmingi og ætlunin var að hreyfa stýrið örlítið, var eins og að tregða kæmi í það eitt augnablik þannig að fylgja þurfti handtakinu örlítið eftir. 

Þess ber að geta að stjórn á stefnu hvers bíls felst í raun í því að nota ótal litlar hreyfingar til þess að halda kúrsinum mjúklega. 

Í þeim tilfellum, sem ofangreind stýrishegðun kom fram, var oftast um það að ræða að færa bílinn frá miðju vegar við mætingar eða að þræða betri leið á malbikinu, stundum vegna niðurgrafinna hjólfara eða annarra smáatriða. 

Þegar spurt var um þessa hegðun bílsins fengust þær upplýsingar að sjálfvirkt kerfi væri í stýrisbúnaðinum sem ætti að draga úr hættu á því að dotta við stýrið eða missa athyglina. 

Ef ökumaðurinn væri búinn að halda stýrinu grafkyrru einhverja stund en ætlaði síðan að breyta örlítið um stefnu, væri þessi sjálfvirki búnaður að bregðast við þeim möguleika, að hin nýja stýring ökumannsins gæti verið vegna þess að hann væri að dotta eða missa athyglina.

Tregðan í stýrinu virkaði eins og smá athugasemd eða ígildi varnaðarorða frá búnaðinum til ökumannsins um að halda sig við efnið. 

Þessi útskýring virkaði vel á ökumanninn þegar vel var að henni gætt, og var þessi tæknivædda umhyggja vel þegin,- allur varinn góður. 

Auðvitað verður seint komið í veg fyrir öll slys, en hvert það atvik, þar sem viðvörunarbúnaður getur náð árangri, er ómetanlegur. 

Sofnaði líklega eða missti athygli

Hagatorgið ekki jafn hringur og mætti setja það á safn.

Hagatorg var strax í byrjun ekki jafn hringur, heldur var það með lymskulega krappri beygju gegnt suðurenda Bændahallarinnar. 

Ef ekið var eins hratt upp við graseyju torgsins og unnt var, skrikuðu sumir bílar hressilega þegar farið var um fyrrnefndan kafla hringsins. 

Á einstaka bíltegundum þessa tíma krarfðist það ítrustu akstursfærni að halda þeim alveg inni við hringinn, og var Skoda 1000 MB og 120 alveg sérstaklega varasamur að þessu leyti þegar hann skvetti afturendanum hressilega til. 

Torgið er því svo sannarlega svo einstakt hvað fleira snertir en þrengingar og staðsetningu strætóskýlis, að það mætti setja það í heilu lagi á safn. 

Hagatorg er sagt óhefðbundið og því ekki farið að lögum

Kommatittir í hverju horni.

Joseph McCarthy varð heimsfrægur á fyrstu árum sjötta áratugarins fyrir að sjá kommatitti í hverju horni í Bandarikjunum. 

Hér heima var einnig lenska að allir þeir, sem ekki voru hægri menn væru kallaðir kommar. 

Maður hefði haldið að eftir lok Kalda stríðsins myndi þessi kækur hverfa, en þegar litið er á sumar bloggsíðurnar um þessar mundir má sjá, til eru þeir sem sjá kommúnista í hverju horni, nú síðast stjórnlagaráð í heillu lagi og sveitarstjórnir um allt land. 

Þessi árátta hefur að vísu gosið upp á blogginu aftur og aftur en virðist nú stefna í að ná nýjum hæðum. 

Tökum dæmi úr stjórnlagaráði. 

Formaðurinn var Salvör Nordal, systur Ólafar heitinnar Nordal, sem þá var varaformaður Sjálfstæðisflokksins. Þokkalegur kommatittur það.

Varaformaður var Ari Teitsson, fyrrum frambjóðandi Framsóknarflokksins og formaður Samtaka sauðfjárbænda. Þokkalegur kommatittur það. 

Í rannsókn DV á stjórnmálastarfi stjórnlagaráðsfulltrúa kom í ljós að meirihluti, 13 af 25, höfðu starfað fyrir stjórnmálaflokka. 

Flestir þeirra höfðu starfað fyrir Sjálfstæðisflokkinn eða fimm og einn hafði bæði verið Alþingismaður og borgarfulltrúi fyrir Sjálfstæðisflokkinn. Þokkalegur kommatittur það og heldur betur svakalegur kommatittaflokkurinn sá!

Þrír höfðu tengst Framsóknarflokknum, þeim harðsvíraða kommatittaflokki, og því drjúgur meirihluti 13 menninganna búinn að leggja Sjalla-Framsóknar ríkisstjórnum lið, þeim forstokkuðu kommatittaríkisstjórnum!

Aldrei að vita hvað kaupahéðnum dettur í hug.

Black Friday og Cyber Monday eru dæmigerðir fyrir það að meira að segja sé hægt fyrir kaupahéðna að nýta atburð í sögu Bandaríkjanna, sem hafa engin tengsl við aðrar þjóðir, til þess að gera sér stórgróða. 

Í þessu tilfelli er atburðurinn landnám hóps Englendinga á austurströnd Bandaríkjanna, sem fæddi af sér Thanksgiving day. 

Nú bregður svo við að það eru Kínverjar sem eiga hugmyndina að degi einhleypra, sem er margfalt skárri hugmynd eins og hinar tvær og alveg jafn ágæt og dagur elskenda, sem á sér sögu margar aldir aftur í tímann í mörgum löndum. 

Orðinn stærstur af „risunum þremur“

"Á hreindýraslóðum", kvikmyndin, sem mönnum sást því miður yfir.

Kvikmyndin "Á hreindýraslóðum", sem Eðvarð Sigurgeirsson tók í ferð inn í Kringilsárrana 1943, var friðaður allt fram til 2006, þegar byrjað var að drekkja honum í aurvatn Hálslóns vegna Kárahnjúkavirkjunar. 

Raunar er textinn með myndinni einstakur að öllu leyti, langt á undan sinni samtíð og raunar framúrstefnulegur enn í dag, eins og sést vel á þeim hluta hans sem Andri Snær Magnason birtir í bók sinni Sagan af tímanum og vatninu. 

Gildi Kringilsárrana fólst ekki aðeins í einstæðum jarðminjum og gróðurfari, heldur einniggn í því að þetta gróðurfar og skjól í þeim hluta hans, sem hallaði niður að Jöklu, tryggði tilveru dýranna, sem annars voru í útrýmingarhættu hér á landi. 

Sá fjórðungur ranans, sem sökkt var í aur Hálslóns var einmitt skjólsælasti hluti hans, og jökulsárnar Kringilsá og Jökla sáu um að vernda dýrin fyrir ágangi. 

Ef þessi kvikmynd hefði orðið að gagni sem heimild við kynningu á svæðinu, sem umturnað var vegna lónsins, hefði það getað orðið mikilsvert. 

Því miður sást mönnum yfir það. 

Nú má Kringilsárrani muna fífil sinn fegri, fossunum þremur í Kringilsá verið drekkt, þremur í aur og þess efsta, stærsta foss á hálendinu norðan Vatnajökluls, bíða sömu örlög, en er reyndar á kafi í lóninu frá júlí/ágúst og fram á vor. 

Hreindýrin, sem áður voru í rananum og á Brúaröræfum eru farin og stækkandi hluti ranans er sandi orpinn vegna leirfoks fyrri hluta sumars. 

Hreindýrin veidd þrátt fyrir friðun

Drengskapur Dana var einstakur á heimsvísu.

Það þarf ekki annað en að skoða frægustu söfn heims til að sjá hve einstakan drengskap Danir sýndu Íslendingum með hinni miklu afhendingu helstu íslensku handritanna 1971. 

Í frægustu söfnunum í París og London eru firn af mörgum af merkustu minjum og dýrgripum heims, sem þessar nýlenduþjóðir sönkuðu að sér í nýlendunum í Afríku og Asíu og dettur ekki í hug að skila til síns heima. 

Þetta þýðir að vísu ekki að ekkert megi endurskoða varðandi íslensku handritin í ljósi reynslunnar sem fengist hefur í tæpa hálfa öld, en varast skyldi að hrapa að gassafengnum niðurstöðum. 

Þess má geta í þessu sambandi að Jón Sigðursson hafði lungann af starfsævi sinni laun frá danska ríkinu þegar hann bjó í Kaupmannahöfn og vann þar ómetanlegt starf í þágu dsnskrar og norrænnar menningar. 

Fágætt verður það að teljast á heimsvísu í ljósi þess að Jón var forystumaður í sjálfstæðisbaráttu Íslendinga, að hann hefði slíka stöðu hjá ígildi nýlenduveldis. 

Handritin eigi heima í Danmörku

Eitt flóknasta og erfiðasta viðfangsefnið.

Deilur um fíkniefni hafa verið áberandi í íslensku þjóðlífi og stjórnmálum síðustu 130 ár.

Því að áfengi er fíkniefni, og sett var á áfengisbann 1915 en síðan aflétt 1937 eftir þjóðaratkvæðagreiðslu. 

Sterkur bjór kom 1989 og sí og æ eru lögð fram frumvörp um sölu víns í almennum verslunum. 

Áhugafólk um kannabis mæla með því að leyfa neyslu þess á svipaðan hátt og vín er leyft, en þeir, sem gerst ættu að vita um afleiðingar þess, fólk, sem hefur farið í meðferð vegna hassneyslu eða fengist við slík mál, mælir margt sterklega gegn því að fara að fjölga leyfðum fíkniefnum. 

Meðal röksemda gagn því að leyfa hassið, er sú, hve lúmsk að því er virðist sakleysileg neysla þess sé;  og oft á tíðum grunnur undir neyslu sterkari efna. 

Ekki einfalt að afglæpavæða neyslu fíkniefna

Midflokkurinn leitar af listfengi ad kjósendum.

Páll Magnússon hittir naglann á höfuðiðð varðandi þau atkvæðamið, sem Miðflokkurinn leiti á til að afal sér auðfengis fylgis; þ. e. inn í "hjarta Sjálfstæðisflokksins". 

Þess utan virðist Miðflokkurinn sækjast eftir fylgi vaxandi hópa á Vesturlöndum, sem hefur illan bifur á alþjóðasamvinnu og alþjóðahyggju, styður "sterka leiðtoga" sem boða harða þjóðernisstefnu og sjá tollamúra sem öflugt tæki til að efla hag viðkomandi ríkis inn á við. 

Flokkar af þessu tagi hafa verið skilgreindir sem populistaflokkar og er svo sem ekkert við því að segja í lýðræðisþjóðfélögum að flokkar leiti sér fylgis eftir lýðræðislegum leiðum, svo framaum heimildum m sem helstu skilyrðum lýðræðis sé fylgt og umræðan byggð á yfirvegun og traustum heimildum.

En verra er ef æsingur, falsfréttir, yfirboð og spil á tilfinningar brengla og afvegaleiða umræðuna. 

Skaðinn var þegar orðinn, en hve mikill var hann?

Þegar WOW varð gjaldþrota hafði hallarekstur félagsins þegar valdið miklu tjóni.

Fyrir þá, sem þurftu að taka ákvörðun um aðgerðir, var spurningin aðeins, hvaða aðgerðir myndu valda minnstu tjóni þegar upp yrði stað. 

Það verður ekki fyrr en komin verður reynsla á þá leið, sem var farin, sem hægt verður sð setjast niður og reyna að finna út með samanburði, hvaða fjárhæðir mismunandi leiðir hefðu kostað. 

Hefði til dæmis komið til greina að gera svipað og þegar stórt fyrirtæki varð gjaldþrota síðasta vetur, að þrotabúið hefði haldið rekstrinum áfram til að byrja með?

Fall WOW vegur þungt í frumvarpi til fjáraukalaga

Enn á ný sækja múrarnir á.

Fram til 1989 voru múrar, bæði rammgerir og raunverulegir eins og Berlínarmúrinn, eða virkir í fjölbreytilegu formi, áberandi í samskiptum þjóðanna. 

1947 sagði Winston Churchill í frægri ræðu sem kennd var við Fulton að rammgert Járntjald hefði verið reist frá Eystrasalti í norðri suður til Miðjarðarhafs. 

Fram eftir öldinni var ígildi múrs í formi Apartheid aðskilnaðarstefnu stjórnvalda hvítra í Suður-Afríku og fyrsta aðgerð Gandhis sem féll undir hugtakið borgaraleg óhlýðni beindist gegn hindrunum sem voru við lýði í landinu. 

Norður-Kórea varð æ lokaðra land.

En síðan gerðist að Berlínarmúrinn og Járntjaldið og Apartheid stefnan í Suður-Afríku féllu óvænt, og heimurinn stóð í þeirri trú að upp væri runnin tími brúa í stað múra. 

En á síðustu árum er þetta að snúast við. Komnir eru til valda áhrifamiklir stjórnmálaflokkar, ríkisstjórnir og valdagráðugir leiðtogar, sem vilja ólmir reisa múra í stað þess að byggja brýr. 

Norður-Kórea r lokuð sem aldrei fyrr, mikill múr hefur verið reistur til að loka Palestínumenn inni í hernumdu landi sínu og hart sótt fram í því að reisa úr milli Bandaríkjanna og Mexíkó. 

Ótaldar eru allar þær fjölbreyttu aðgerðir sem eru ýmist komnar í gildi eða verið að undirbúa, og birtast í formi tollmúra og hliðstæðra hafta. 

Enn á ný sækja múrarnir á.

Á sínum tíma stóð Reagan Bandaríkjaforseti við Brandenborgarhliðið og grátbað Gorbatsjov að rífa múrinn. 

Núverandi forseti BNA er hins vegar önnum kafinn við að mæla fyrir því að reisa múra af fjölbreyttu tagi nánast hvar sem því verður við komið og verði stærsta draumsýn hans að veruleika, mun glæsilegasti múr okkar tíma rísa, meira en 3000 kílómetra langur, og afgirða hinn endurheimta glæsileika Ameríku, sem er aðeins norðan þessa glæsta mannvirkis.  

Og ekkert var eins