Sérkennilegt ástand vestra.

Það er alþekkt fyrirbæri í vestrænum lýðræðisríkjum að ýmsar deilur, svo sem kjaradeilur, hafi mismiklar afleiðingar og áhrif langt út fyrir þau svið, sem tengjast beint deiluefninu. 

En það bandaríska fyrirbæri að deila um eina einstaka fjárveitingu þingsins gefi æðsta yfirmanni framkvæmdavaldsins vald til að loka alveg stórum hluta alls óskyldra ríkisstofnana er eitthvað, sem þyrfti að útskýra betur ef unnt á að vera að leggja vandað og faglegt mat á eðli deila á borð við þá, sem nú hefur vaxið upp í nýjar hæðir.  

Engin lausn í sjónmáli

Háaleitsbraut og Kúagerði segja sína sögu. Gestaþraut.

"Þetta er allt vegfarendum að kenna, - ef þeir hættu að valda þessum slysum, þyrfti ekki að eyða fé í mannvirki og búa til reglur."

Svona má sjá skrifað á samfélagsmiðlum um umferðarmál. 

Fjölda dæma má nefna um hið gagnstæða. Tökum tvö dæmi:

Háaleisbraut milli Fellsmúla og Ármúla var einhver illræmdasta slysagata borgarinnar áratugum saman þangað til að henni var breytt úr þeirri breiðgötu með miklum hraða, sem hún upphaflega var, í gerbreytta götu á endanum í borgarstjóratíð Ólafs Fr. Magnússonar. 

Og slysin tíðu og stóru hurfu nær alveg. 

Annað dæmi var nokkurra kílómetra kafli á Reykjanesbraut við Kúagerði með endalausum stórslysum og banaslysum. 

Þau hurfu þegar brautin tvöfölduð.

Síðustu tíu daga hef ég staðið að rannsókn í rólegheitum á árekstri á milli tveggja rafreiðhjóla sem mættust á þekktustu hjólabraut landsins yfir Elliðavog um Geirsnef. 

Annað hjólið kollsteyptist með þeim afleiðingum að ökumaður þess slasaðist á öxl, hné og olboga, og brotnaði upphandleggsbeinið upp við axlarliðkúluna og vöðvar, sinar og vefir sködduðust illa.

Niðurstaðan, sem væntanleg er von bráðar, verður slándi.

P.S.

Gestaþraut: Hvað er framundan á þessari mynd? Hvað myndi sýnast framundan í myrkri?

Engar „hraðbrautir“ í þéttum hverfum

Fyrst núna eftir 1150 ára rányrkju, 43 árum á eftir fiskinum.

Í vor verða liðin 43 ár síðan Hafrannsóknarstofnun gaf út "Svörtu skýrsluna" svoefndu um ástand fiskistofnanna við landið. 

Viðbrögðin við þessu urðu snör og róttæk með tilkomu kvótakerfis sem meðal annars fól í sér heimildir til strangs eftirlits Fiskistofu og löggæslu og lágu viðurlög við brotum.

Á þessum 43 árum hefur hins vegar ríkt að nestu óbreytt ástand varðandi rányrkju landgæða. 

Svonefndri þjóðargjöf Alþingis 1974 var brennt upp í óðaverðbólgu á aðeins áratug. Og enn, 43 árum síðar skortir Landgræðsluna og yfirvöld í málaflokknum lagaheimildir til að beita viðurlögum við rányrkjunni sem hefur valdið meiri jarðvegseyðingu og landsspjöllum en í nokkru öðru landi jarðar. 

Loksins núna er hægt að eygja von, sem lýst er í framtíðarsýn í s0ngljóðinu "Á grænni grein" í bók og á diski undir heitinu "Hjarta landsins". 

Lagið er á Spotify og tónlistarmynband með því á facebook síðu mína verður sett á facebook síðu mína síðar í dag.

Nýta verður landið á sjálfbæran hátt

Hádegið verður 1 klst og 42 mínútum of seint í febrúar, hálftíma seinna en í nóv!

Kíkjum á almanak Háskóla Íslands fyrir Ísland 2019.

Þessa dagana er hádegi í Reykjavík klukkan 13:35 og verður hádegið komið í 13:42 um miðjan febrúar. 

10. nóvember var hádegið kl. 13:11 og hefur því verið sð dunda sér við það í svartasta skammdeginu að seinka sólarupprásinni um 31 mínútu einmitt þegar slík hreyfing kemur sér verst.

Jafnvel þótt ákveðið verði að flýta hádeginu um eina klukkustund yrði hún samt 42 mínútum of sein um miðjan febrúar.

Er það ekki andskotans nóg skekkja? 

„Alls ekki klukk­unni að kenna“

Jeppar!, Jeppar! Jeppar! Jeppar! ?! ?! ?! ?!

Í kringum 1990 olli tilkoma fólksbíla, sem voru með með heilsoðinn skrokk og möguleika á fjórhjóladrifi því að framleiðendur slíkra bíla fundu upp nýtt samheiti yfir slíka bíla, jeppa, 6-7 manna bíla og pallbíla, "Sport-utility-vehicle", "SUV". 

Með útsmoginni auglýsingaherferð, sem stendur enn, aldarfjórðungi seinna, hefur þessum áróðursmeisturum tekist að heilaþvo fólk svo mjög að það slefar við það eitt að heyra orðið eii nefnt.

Markhópurinn fyrir þessa bíla gefur framleiðendum þeirra langjöfulustu kaupendurna, millistéttina, sem er veik fyrir stöðutáknu og tilbúin til að kosta nokkru til. 

Því miður fóru Íslendingar verst allra út úr þessum blekkingaleik með því að blanda orðinu jeppi í málið, kalla hluta þessara bíla jepplinga, en síðar sportjeppa.

Þegar orðmyndin jeppi var komin í málið, varð fjandinn laus, eins og sést vel þegar rennt er augum yfir það flóð auglýsinga og umfjöllunar í fjölmiðlum sem flæðir yfir landsmenn þessa dagana. 

Jeppi! Jeppi! Jeppi! Jeppi!  Jafnvel fjöldi bíla, sem eru hvorki með framhjóladrif né næga veghæð til að flagga þessu heiti eru kynntir með því að nota þetta töfraorð. 

Og langt yfir 90 prósent kaupenda kæra sig kollótta um torfærugetuna samkvæmt skoðanakönnunum erlendis enda örfáir sem hafa ekið bílum sínum utan malbikaðra vega.

Tveir nýir eigendur bíla sem aðeins eru seldir án fjórhjóladrifs sögðu við síðuhafa að það skipti ekki máli fyrir þá, því að afturdriflaus bíll líti alveg eins út og bíll með fjórhjóladrifi. 

Nio sendir frá sér jeppa

Hætt á toppnum?

Keppnisferill Guðjóns Vals Sigurðssonar hefur verið einstaklega farsæll og langur, röð stærstu alþjóðlegu stórmótanna í  22 ár á þeim áratugum þegar lið lands hans hefur verið nær því að vera fastagestur á slíkum mótum en nokkru sinni í boltaíþróttasögu Íslands. 

Miðað við þennan einstaklega langa og glæsilega feril með bestu handboltaliðum heims í viðbót við stórmótaferilinn og allt það óheyrilega líkamlega  álag, sem slíku fylgir, verður Guðjón að teljast hafa sloppið furðu vel við þau meiðsli sem oft sækja að þeim afreksmönnum er harðast leggja að sér. 

Þegar æviárin nálguðust töluna 40 var augljóst að Guðjón yrði að beita sjálfan sig æ meiri hörku til þess ómögulega; að viðhalda hinum ótrúlega sprengikrafti, snerpu, hraða og úthaldi sem hefur verið aðall hans alla tíð. 

Miðað við toppform hans að undanförnu, sem hefur sætt undrum, virtist stefna í það að hann myndi toppa á hárréttum tíma. En slíkt tekst ekki alltaf í þeim biorytma, sem besta afreksfólkið gengur gegnum. 

En þá brast hnéð, að því er virtist án sýnilegs hnjasks. 

Og við blasir sá möguleiki að í stað þess að sigla seglum þöndum í gegnu hátind ferilsins standi Guðjón frammi fyrir því að hafa nú þegar hætt á toppnum, en grátlega óvænt - of snemma.  

Vonandi er þessu ekki svona farið, en með hverju æviárinu aukast samt líkurnar á því. 

Og eftir stendur einstakur ferill og einstakur maður, hvernig sem fer.

Töldu Guðjón mögulegan markakóng HM

Jafnvel neytt aflsmunar.

Grimm regla númer eitt fyrir gangandi og hjólandi: Gerðu ráð fyrir því að enginn sjái þig, að þú getir átt von á því að hver sem er í kringum þig geti tekið upp á næstum hverju sem er. 

Allir eru innifaldir, gangandi, hjólafólk, ökumenn. 

Og allir geta gert mistök. 

Innan um leynist  jafnvel einn og einn sem jafnvel getur átt það til að neyta yfirburða bílsins yfir gangandi og hjólandi í trausti þess að sá, sem svínað er á, þori ekki annað en að vægja.

Síðuhafi hefur lent í slíkum aðstæðum, en oftast er þó um annað að ræða, svo sem fljótfærni, kæruleysi eða gáleysi í svona undantekningartilfellum.

Í blaðagrein einni var því ranglega haldið fram að hjólreiðafólk mætti ekki fara á hjóli eftir gangbraut yfir akbraut, heldur væri því skylt að fara af baki og leiða hjólið. 

Síðuhafi hefur borið þetta undir tvo af fróðustu Íslendingum um þessi mál og segja þeir þessa fullyrðingu ekki ekki rétta. 

En í umræddri grein voru ökumenn hvattir til að beita sér í þessu máli.

 

Boða til mótmæla í kjölfar slyss

Alltof mikið um ofsaakstur.

Aukin löggæsla á götum og þjóðvegum er ekki bara spurning um auknar tekjur í ríkiskassann í formi sektargreiðslna, heldur ekki síður spurning um aukið umferðaröryggi og gríðarlegan sparnað, sem fylgir minnkandi tjóni í formi færri umferðarslysa og óhappa.

Þótt síðuhafi sé vegna breyttra verkefna ekki eins mikið á flandri og oftast fyrrum, enda lítið um eldgos eins og er, og breyttur ferðamáti hans hafi fært hann inn í aðra tegund umferðar, eru dæmi um gróf umferðalagabrot, háskaakstur og ofsaakstur alltof áberandi og sum þeirra framkvæmd við þær aðstæður, að viðkomandi ökuníðingur virðist nýta sér ofsahraðann, oft í þéttri umferð, beinlínis til þess að verða horfinn sjónum vitna á sem allra skemmstum tíma. 

Það verður að fara að taka til hendi í þessum málum.

Ökuníðingurinn fundinn

Ófremdarástand ár eftir ár.

Síðuhafi þurfti að leita til bráðamóttöku fyrir sex dögum og eiginkonan sömuleiðis vegna beinbrots fyrir rúmu ári um svipað leyti og síðuhafi hafði verið sendur þangað vegna skæðrar blóðeitrunar í fæti. 

Tveimur árum þar á undan höfðum við átt erindi þangað og undrast það viðvarandi álags- og hættuástand, sem þar ríkti augljóslega. Konan þurfti í fyrra að bíða sjö klukkustundir eftir að komast í gips. 

Nýlega var níræð kona látin gista á klósettinu. 

Árin líða og áfram eru orð eins og "langt út fyrir eðlileg" mörk eru notuð í skýrslum um málið.

"Meðaldvalartími sjúklinga, sem bíða eftir innlögn, 23 klst en æskilrgt viðmið er 6 klst."

Sama álagið og streituástandið og sumt í versnandi horfi. 

Hvað á þetta að ganga svona lengi? 

 

Langt út fyrir eðlileg mörk

Þriggja vikna skothríð vonandi loksins lokið?

Smá innskot um blæ hátíða og helga í nánd við heimili síðuhafa og vafalaust miklu víðar.

Þegar venjuleg helgi og Þorláksmessa liggja saman er það reynsla síðuhafa, að búast megi við að skotelda- og flugeldaskothríðin hefjist eftir hádegi 20. desember og standi linnulítið í þrjár vikur frá´því á morgnana þar til komið er langt fram á nótt.

Tímabilinu lokið?

Alls óvíst. 

Skothríðarsólarhringar og skothríðarhelgar geta komið hvenær sem er.

Reglur um meðferð skotelda og flugelda - hvað?   

Flugeldaslys við Réttarholtsskóla