Það gengur bara betur næst, eins og hjá körlunum!

Hugsanlega eru fótboltastelpurnar okkar einu móti á eftir strákunum hvað snertir að komast á HM með stæl. 

Núna munaði svo grátlega litlu að það tækist að það sýnir að þetta er vel hægt, jafnvel þótt benda megi á að þýska þjóðin er hátt í 30 sinnum fjölmennari en sú íslenska.                                                            . 

Bara að bíta á jaxlinn og koma svo!

 

Það gengur bara betur næst, eins og hjá körlunum!

Hugsanlega eru fótboltastelpurnar okkar einu móti á eftir strákunum hvað snertir að komast á HM með stæl. 

Núna munaði svo grátlega litlu að það tækist að það sýnir að þetta er vel hægt, jafnvel þótt benda megi á að þýska þjóðin er hátt í 30 sinnum fjölmennari en sú íslenska.                                                            . 

Bara að bíta á jaxlinn og koma svo!

 

Ísland í 2. sæti en ekki í umspil

Trump first!

Ummæli Donalds Trump um Jeff Sessions dómsmálaráðherra landsins sýna glögglega að í raun þýðir kjörorð Trumps "America first!" í hans huga aðeins eitt: "Trump first!" 

Dómsmálaráðherrann á að mati Trumps að skoða einstök dómsmál fyrst út frá hagsmunum Trump þegar hann sinnir embætti sínu, en það eru augljóslega hagmunir Trumps að mál á hendur tveimur þingmönnum Republikanaflokksins verði látin niður falla. 

Ólíkt var að heyra til tveggja manna, Trumps og John McCain sáluga í 60 mínútum í gærkvöldi. 

McCain sagði að virða ætti þá niðurstöðu í hvívetna að samkvæmt gildandi stjórnarskrá og kosningareglum hefði Trump verið kosinn forseti.

McCain var spurður um kosti og galla Trumps og sagði að hann hefði spjarað sig í viðskiptalífinu og í sjónvarpsþáttum. 

Hann fór mildilega um gallana; sagði hann augljóslega of oft skorta upplýsingar um einstök mál og að það væri bagalegt hvernig hann skipti oft um skoðun á fjölmörgum mikilvægum málum, stundum daglega sitt á hvað, en það ylli töfum og óþarfa erfiðleikum í stjórnarstörfum.  

Ólíkt þessu brást Trump við þegar hann var í viðtali spurður um McCain og nefnt var að hann væri þó stríðshetja. 

Svar Trumps og þó sérstaklega lágkúrulegur fyrirlitningarsvipur hans þegar hann svaraði var athyglisvert: 

McCain stríðshetja? Hann hélt nú ekki. Þvert á móti aumingjalegt að hafa vera skotinn niður. 

McCain var sýnt þetta viðtal við Trump og spurt hvor Trump hefði beðist afsökunar á þessum ummælum. "Nei" svaraði McCain. 

Stutt og laggott. Fyrirlitinn og lítillækkaður af forseta Bandaríkjanna út yfir gröf og dauða.  

Trump first! 

 

 

Trump ósáttur við Sessions

Mannslífið er dýrt.

Fyrir rúmlega tuttugu árum var reynt að leggja peningalegt mat á það hve dýrt eitt ótímabært dauðsfall, eins og það er skilgreint, gæti verið. 

Mig minnir að á núvirði hefði virðið að meðaltali skagað hátt í milljarð króna. Er þá aðeins tekinn hrátt peningalegt tjón, en ekki reynt að leggja mat á þjáningar og áhrif á aðra.

Af þessu sést hve mikið er í húfi og hafa verður það í huga, að í ljós hefur komið, að vegna of lítils viðbúnaðar er veruleg hætta á að tjón vegna slysa verði mun meira en annars hefði orðið. 

Fleira en bætta sjúkraflutningaþjónustu má nefna. Þannig sker í augu eftir ferð á tvöfaldri hraðbraut á Spáni af svipaðri stærð og sá hluti Reykjanesbrautar, sem er tvöfaldur, að tryggilegar varnir eru gegn því að bílar geti brunað stjórnlaust yfir auða svæðið á milli gagnstæðra aukbrauta með því að hafa sterkt vegrið sem hamlar gegn slíku slysi. 

En á stórum hluta Reykjanesbrautar eru hins vegar ekkert slíkt rið. 

Hörmulegt banaslys á Hafnarfjarðarvegi á fyrsta áratug aldarinnar, sem hefði mátt koma í veg fyrir með vegriði, vakti að vísu umræðu um fánýti þess að vera að spara fé við gerð slíkra vegriða, og því ætti að huga vel að því að bæta hér úr. 

Mikilvægt að auka sjúkraflutninga með þyrlum

"Um er að ræða aðila, sem við erum að sjá..." "Nýkansellístíll"?

Hægt og bítandi sækir á uppvakningur frá málfari á valdatíma Dana á Íslandi, sem kalla mætti "nýkansellístíl." 

"Kansellístíll" var málfar af svipuðum toga sem var á sínum tíma kennt við stjórnarskrifstofu konungsríkisins Danmerkur (1454-1848) Dana.

Þegar þessi stíll var notaðaur, var engu líkara oft á tíðum en að menn væru í keppni í málalengingum, skrúðmælgi og tyrfnu, illskiljanlegu orðalagi. 

Nú sækir nýtt afbrigði af kansellístílnum að íslensku fjölmiðlafólki, svo að oft má heyra eða sjá þetta fyrirbrigði í hverri fréttinni á fætur annarri.

Helst er hægt að sýna eðli þessa stíls með því að raða saman bútum úr nokkrum fréttum og skrifa fyrst á mannamáli, en síðan nota hið nýja kansellimálfar ,með raunverulegu tilþrifum. 

Landnám Íslands hefur verið miðað við árið 874. 

Ingólfur Arnarsson nam land í Reykjavík.

Smám saman fjölgaði landnámsmönnum um allt land. 

 

"Nýkansellístíllinn" þar sem virðist vera sóst eftir sem flestum orðum: 

 

Við erum að tala um að landnám Íslands hafi hingað til verið staðsett á árinu 874. 

Um er að ræða aðila, sem hét Ingólfur Arnarson, og var landnám hans staðsett í Reykjavík. 

Smá saman varð aukning í magni fjölda landnámsaðila. Við erum að tala um furðu mikið magn af fjölda aðilanna og erum að sjá mikið magn landnámsaðila, sem voru staðsettir um allt land.  

 

Nýkansellístíllinn getur auðveldlega fætt af sér margfaldar málalengingar. 

Nýlegt raunverulegt samsett dæmi: 

 

"Ferðamönnum hefur fjölgað um allt land..."

verður að:  

"Um er að ræða aukningu sem hefur orðið á magni fjölda ferðamanna, og aðilarnir, sem við erum að sjá, eru staðsettir um allt land."

 

Makríllinn á förum, forsmekkur af því sem spáð var?

Í Morgunblaðinu í dag er sagt frá því að makríllinn sé að færa sig í stórum stíl af Íslandsmiðum austur á Noregsmið. 

Eina skýringin, sem hugsanleg er talin, er sú, að sjórinn fyrir suðvestan Ísland hafi verið óvenju svalur undanfarin misseri. 

En hvers vegna er þessi svali bæði í sjónum sjálfum og þar með einnig í vindum, sem yfir hann blása úr vestlægum áttum. 

Beinast liggur við að huga að gífurlegu streymi kalds og hreins bráðnunarvatns úr Grænlandsjökli og Vatnajökli. 

Grænlandsjökull er reyndar 200 sinnum stærri að flatarmáli og líkast til 2000 sinnum stærri að rúmmáli. 

Þegar leysingavatnið, sem er rétt ofan við frostmark, streymir út á hafið, er hið hreina vatn léttara en saltur sjórinn, sem Golfstraumurinn flytur úr suðri, og því flýtur því ofan á og veldur því að vindur, sem streymir yfir það, verður kaldari en ella. 

Og Golfstraumurinn sekkur niður sunnar og austar en áður var. 

Ofangreint er kenning, sem sett var fram fyrir aldarfjórðungi og hefur síðan lifað í flestum alþjóðlegum tölvulíkönum um hlýnun lofthjúps jarðar. 

Fyrir suðvestan Ísland hefur mátt sjá einn af þremur "kuldapollum" jarðar.  

Flótti makrílsins til austurs rímar ágætlega við þessa spá. 

Þetta er smá bakslag fyrir þá Íslendinga, sem fagnað hafa hlýnun lofthjúps jarðar á þeim forsendum að makríll og fleira í lífríki lands og sjávar, sæki norður til okkar, til mikils hagnaðar fyrir þjóðarbúið. 

Það verður fróðlegt að fylgjast með framvindunni og sjá hver útkoman verður til lengri tíma. 

"Hann getur hlaupið, en..."

Tvö af þekktum tilsvörum Joe Louis, heimsmeistara í þungavigt í hnefaleikum 1937-1949, hafa ekki aðeins verið höfð eftir honum, heldur líka sögð aftur. 

Hann háði mjög erfiðan og tvísýnan bardaga við léttþungavigtarmanninn Billy Conn 1942 og var spurður fyrir bardagann, hvað hann ætlaði að taka til bragðs gegn þeim yfirburðum, sem Conn hefði varðandi hraða og fótafimi.

Louis svaraði: "Ég veit hann getur hlaupið í hringnum en hann getur ekki falið sig."

Í ljós kom að sökum hraða síns var Conn yfir á stigum í 13. lotu, en ofmetnaðist og Louis rotaði hann. 

Í síðasta bardaga sínum, við Rocky Marciano, skíttapaði Louis og Rocky gekk frá honum með rothöggi. 

Kona Joe spurði eftir bardagann: "Hvað gerðist?"

Joe svaraði: "Elskan, ég gleymdi að beygja mig."

Þrjátíu árum seinna varð Ronald Reagan Bandaríkjaforseti fyrir skotárás og var hætt kominn. 

Þegar Nancy kom að heimsækja hann á spítalann, spurði hún. 

"Hvað gerðist?"

Hann svaraði: "Elskan, ég gleymdi að beygja mig."

 

„Þú getur ekki falið þig“

"Skrifaðu flugvöll!" heilkennið á ferð.

Enn á ný gefst tilefni til að rifja hér á síðunni upp söguna af frambjóðanda Alþýðuflokksins, bankamanni í Reykjavík, sem bauð sig fram í Alþingiskosningum í Dalasýslu meðan sú sýsla var sérstakt kjördæmi.

Þótti hann frekar fáfróður um hagi kjördæmisins og að hámarkinu hafi verið náð á kosningafundi þar sem hann hafði með sér aðstoðarmann sem skrifaði niður það helsta sem rætt var um.

Bóndi einn kom í pontu og taldi ýmislegt upp sem önnur kjördæmi hefðu fram yfir Dalasýslu.

Þegar bóndinn kom að því að nefna flugvelli í öðrum kjördæmum, sagði Krataframbjóðandinn stundarhátt við aðstoðarmanninn, svo allir heyrðu: "Skrifaðu flugvöll!"

Dundi þá við mikill hlátur í salnum. 

Um þessar mundir er svipað fyrirbæri sem lifir góðu lífi fyrir austan fjall og með reglulegu millibili koma upp hugmyndir um stóran alþjóðaflugvöll á Árborgarsvæðinu.

Flest rakanna fyrir því eru fráleit, svo sem að fengur sé að flugvelli á öðru veðursvæði en Keflavíkurflugvöllur er. Árborgarsvæðið er nefnilega einmitt á sama veðursvæði hvað snertir lélegt skyggni og lágský í suðlægum og suðaustlægum vindáttum og Keflavíkurflugvöllur.

Hins vegar er Reykjavíkurflugvöllur á öðru veðursvæði í austan-suðaustan og sunnanáttum en Keflavík og Flóinn og nær að endurbæta þann völl en að fara að henda svimandi fjárhæðum í nýjan flugvöll, hvort sem hann væri í Hvassahrauni eða Flóanum. 

Í Reykjavík eru fyrir hendir þeir innviðir sem þarf til að bæta flugvöllinn þar og aðstæður við hann. 

Flóinn, með sitt gamla og óslétta hraun sem undirlag og mýrarkeldur ofan á, er afleitt flugvallarstæði. 

Gamla flugvallarstæðið í Kaldaðarnesi og svæðið suðvestan við Selfoss er of nálægt Ingólfsfjalli varðandi sviptivinda, sem standa af fjallinu í norðaustanátt. 

A meðan flugvellir á borð við flugvellina á Egilsstöðum og Akureyri æpa á fjárframlög er nær að huga að þeim en þessu eilífa "skrifaðu flugvöll" dæmi sem skýtur aftur og aftur upp kollinum fyrir austan fjall.   

 

 

  

 

Skoða alþjóðaflugvöll

Konurnar að bæta fyrir karlana?

Bæði í Þýskalandi og á Íslandi voru miklar vonir bundnar við þáttöku þjóðanna í HM í knattspyrnu fyrr í sumar.

Vonir Þjóðverja stefndu sem vænta mátti hærra, að bæta enn einum heimsmeistartitlinum við þá, sem unnist hafa síðan 1954.

Vonbrigðin urðu gríðarleg, ömurlegar hrakfarir. 

Enda þótt þýska kvennalandsliðið hikstaði á móti því íslenska í fyrri leik liðanna í undankeppni HM, er stórþjóðin að baki þess að sjálfsögðu vongóð um að konurnar bæti fyrir hrakfarir karlanna og stígi stórt skref í átt að heimsmeistaratitlinum í Reykjavík í dag.

Íslendingar bundu miklar vonir við gullaldarlið sitt á HM í Rússlandi sem vakti heimsathygli á EM. 

Liðið stóð sig ágætlega í tveimur leikjum af þremur í hálfgerðum dauðariðli, gerði minnisvert jafntefli við Messi og Argentínumenn og stóð uppi í hárinu á silfurliði Króata fram til leiksloka , en gæfan féll ekki með liðinu í leik við Nígeríumenn og þar með slokknuðu vonir Íslendinga um að komast áfram upp úr riðlinum.

Nú eygja Íslendingar möguleika á að konurnar bæti fyrir það sem aflaga fór hjá körlunum og komist áfram á HM á þann fágæta hátt að bera sigurorð af liði sem sættir sig ekki við neitt minna en heimsmeistaratitil.

Gangi ykkur vel, stelpur!  Áfram Ísland!

    

 

 

 

Tapið gegn Íslandi í vetur „vandræðalegt“

Drægnin vegur þyngst. Getur fallið um helming.

Í leiðbeiningarbæklingi með litla rafbílnum mínum (Tazzari Zero) er gullvæg 5setning:

"Með hverju einu hitastigi, sem lofthitinn fellur niður fyrir 20 stig, minnkar drægnin um 1%."

Þegar ég segi fólki frá þessu eru viðbrögðin oftast: Nú það er ekki meira en þetta. 

Þá bæti ég við: Þetta þýðir, að í 10 stiga frosti hefur drægnin fallið um 30%. Og jafnvel í 10 stiga hita um hásumar er fallið 10 prósent. 

Í viðbót fellur drægnin um 20% ef notuð er hraðhleðslustöð. 

Uppgefnar hámarks drægnistölur bíla eru það háar, að nær væri að miða við næstum helmings fall ef bílstjórinn sýnir enga viðleitni til vistaksturs og notar miðstöðina mikið. 

Því að eðli málsins samkvæmt á bíll sem knúinn er sprengihreyfli sem framleiðir gríðarlegan hita í sprengihólfinu auðveldara með að láta hita í té heldur en rafhreyfill, sem ekki notar eldsneyti.

Á ferðum út á land skiptir fjarlægðin á milli hraðhleðslustöðva miklu máli og er ansi tæp víða. 

Milli Staðarskála og Blönduóss eru 79 kílómetrar, og milli Varmahlíðar og Akureyrar eru 94 kílómetrar. 

Ódýrustu rafbílarnir, Volkswagen e-Up og Tazzari eru tæpir á þessum áföngum.

Nú er drægnin að aukast hjá flestum bílunum og vandamálið þar með að minnka.          

 

 

140 bíða eftir rafbílum