Veturinn að byrja að gera sig kláran?

Það þarf ekki annað en renna augunum yfir veðurkortin eða að skreppa bara 70 kílómetra upp í Borgarfjörð til að sjá ansi lágar hitatölur og strekkingsvind

7 stig á Hvanneyri og 3 stig á Holtavörðuheiði. 

Svona getur Esjan verið gott skjól fyrir norðaustanáttina fyrir íbúa höfuðborgarsvæðisins. 

En þessar tölur í Borgarfirðinum virka kannski svalari fyrir þær sakir hve óvenju lengi hefur verið óvenju hlýtt og þjóðin orðin góðu vön. 

Ágúst er að meðaltali næstum jafn hlýr og júlí og hlýrri en júni, svo að ef veturinn er að byrja að gera sig kláran, ætlar hann að taka sér drjúgan tíma í það. 

Dökkir og ljósir punktar í helgarspánni

Útblásturinn: Skal svo böl bæta að benda á annað verra?

Fróðlegt er að sjá viðbrögð sumra andmælenda gagnvart ráðstöfunum vegna loftslagsbreytinga við tölum um losun gróðurhúsalofttegunda vegna landnotkunar, að vegna þess hve ógnarháar tölurnar vegna landnotkuar séu, sé alger óþarfi að eltast við aðrar og smærri tölur. 

Orðin "svo skal böl bæta að benda á annað verra" koma upp í hugann þegar svona röksemdir eru notaðar og þátttakendur í Parísarráðstefnunni kallaðir 40 þúsund fífl. 

Aðgerðir vegna útblásturs vegna samgangna, bygginga og annars, sem breyta má, eru alveg jafn brýnar þótt annað vegi þyngra og þurfi líka aðgerða við. 

 

Loftslagsbreytingar auka landeyðingu

Augnablik sem getur skilið milli lífs og dauða.

Það er hægt að dotta við stýri á augnabliki, hrökkva upp aftur og bjarga sér frá yfirvofandi stórslysi. En þetta getur líka orðið uagnblikið sem skilur milli lifs og dauða. 

Svipað gildir þegar snjallsíminn hefur yfirtekið alla athygli bílstjórans. 

Þetta er einhver lúmskasta hættan í umferðinni þar sem bílar mætast á 90 km hraða og koma úr gagnstæðum áttum. 

Ráðin við þessu eru einfðld: Ekki snjallsímanotkun og að leggja bílnum utan akstursbrautar og fá sér lúr. 

Líka að forðast að hafa of heitt inni í bílnum í akstri. 

Bílstjórar auki tekjur með aukavinnu

Byltingarkennd farartæki.

Það er óhætt að fagna því að Sniglarnir ætli að kynna möguleika á notkun rafhjóla í samgöngum, farartækja, sem alveg hefur vantað í íslensku flóruna. 

Einkum eru rafhjól með útskiptanlegum rafhlöðum spennandi kostur vegna þess mikla sparnaðar á fyrirhöfn og tíma sem þeim fylgir. 

Það verður áhugavert að sjá hvaða hjól munu verða í för Sniglanna. 

Ekki hvað síst ef flottasta hjólið, BMW C evolution, verður með, hjól sem kemst hátt á annað hundrað kílómetra hraða og fer meira en hundrað kílómetra á hleðslunni. 

En er að vísu ekki með útskiptanlegum rafhlöðum. 

Selst betur en svipuð hjól með bensínhreyfli hjá BMW. 

Sniglarnir í rafmagnaða hringferð

Hagkvæmni nýju hreyflanna mun ráða úrslitum.

Bæði Boeing og Airbus hafa misreiknað ýmislegt í spám sínum um heppilegustu farþegaþoturnar. 

Airbus ofmat til dæmis markaðinn fyrir hina risavöxnu A380 og vanmat um leið möguleikana, sem endurbætur Boeing á 747 þotunum gáfu til þess að framleiða hagkvæmustu stórþoturnar (Bumburnar). 

En stóraukin fjölgun farþega í markhópi sem mætti skilgreina sem lægri millistétt og sættir sig við að fljúga í mjóum þotum, sem knúnar eru nýjustu gerð sparneytnustu hreyfla sem þar að auki bjóða upp á aukna langdrægni, olli því að samkeppni flugvélarisanna varð áköfust í smíði Boeing 737 Max og Airbus 320 neo. 

Ef 737 Max verður ekki komin í gagnið næsta vor, er varla annað í boði en að taka inn Airbus í staðinn, jafnvel þótt það kosti algera kúvendingu í þotukaupum að fara frá hinum ameríska framleiðanda til hins evrópska. 

Það yrðu þáttaskil hjá Icelandair.   

Icelandair velji Airbus-vélar

Sólrafhlöðuknúin farartæki hafa verið til.

Sá framsýni maður, Bragi Árnason, sem varð heimsþekktur fyrir um þremur áratugum fyrir rannsóknir sínar á möguleikunum til að nota vetni sem orkubera, spáði því í viðtali við Ara Trausta Guðmundsson, að nýting sólarorkunnar myndi um síðir verða almenn og lykillinn að lausn orkuvanda mannkyns. 

Og um nokkurra ára skeið hafa verið til fislétt farartæki, knúin sólrafhlöðum, en jafnframt hægt að nota fótaafl ef sólarorkan hefur þorrið.  

Einnig möguleiki á að nota bæði fótaafl og sólarorku samtímis. 

Einnig hefur sést á netinu mynd af lítilli flugvél með afar stóra og langa vængi, sem eru þaktir sólarsellum og gefa afl til flugs. 

Sólarorkuknúin landfarartæki hafa þann óhjákvæmilega kost, ef svo má að orði komast, að yfir ökumanninum verður að vera sem stærst sólarselluþak, en þó jafnframt sem léttast.

Nú má sjá að einn af helstu bílaframleiðendum heims hefur útfært svona lausn á venjulegum bíl, þar sem sólarorkan kemur sem viðbót við aðra orku. 

Og rétt eins og að gjöfulustu olíulindir jarðar eru á suðlægum breiddargráðum, mun nýting sólarorkunnar væntanlega verða þeim mun betri, sem sólin skín brattar og meira. 

Sólrafhlöður í þakinu

Athyglisverðar tölur á Audi e-tron. 700 kílóa rafhlaða.

Í reynsluferð á Audi-etron milli Reykjavíkur og Akureyrar var þessi hreini rafbíll nálægt því að komast á einni hleðslu.  Um þessar mundir er ferð rafbíla á milli þessara staða á einni hleðslu orðið að algengu keppikefli þeirra rafbíla, sem stærstu rafhlöðurnar hafa en ef sprett er úr spori á rafbíl eins og e-tron, sem er um 6 sekúndur úr kyrrstöðu upp í hundrað og með 200 km/klst hámarkshraða, verður að stansa einu sinni á leiðinni til þess að hlaða. 

Nokkrir af langdrægustu bílunum eru með 65 kwst rafhlöður, en 95 kwst rafhlaðan í Audibílnum er 700 kíló á þyngd, eða álíka þung og heill tveggja manna Tazzari rafbíll með rafhlöðum og öllu saman. 

Rafhlöðurnar á Audinum eru hafðar í undirvagninum eða sem allra neðst í bílnum, og hefur það mjög góð áhrif á aksturseiginleikana. 

En þyngd þeirra sker í augun og segir sína sögu um það, hve mikil framför yrði í því að auka orkuna sem hægt er að geyma í rafhlöðum farartækja.  

 

Tómaþyngdin skiptir máli

Spá að rætast: Vatnið vaxandi ófriðarefni.

Það er ekkert sérstaklega langt síðan margir fundu léttvægar spár um vatnsskort sem ástæður styrjalda á næstu áratugum. Viðkvæði eins og "enn ein heimsendaspáin" heyrðust. 

En hröð fjölgun jarðarbúa og tilheyrandi kröfur um aukna neyslu valda því, að helstu auðlindir jarðar fara að ganga til þurrðar vegna rányrkju og bruðls. 

Í viðbót við olíu, kol og aðrar orkugjafa, sem fara að ganga til þurrðar, eru efni, sem fáir leiða hugann að, eins og fosfór, sem er afar mikilvægt efni í búskap jarðarbúa.  

Vatnsskortur yfirvofandi í 17 löndum

"Þarfir samfélagsins" víkja fyrir þörfum stóriðjunnnar.

Þeir sem tala mest fyrir því að halda áfram virkjanasókn, sem að stórum hluta byggist á rányrkju á háhitasvæðum, verður tíðrætt um "þarfir samfélagsins"; íslenskra heimila og fyrirtækja. 

Staðreyndin er hins vegar sú, að hlutur stóriðju i eigu útlendinga fer sívaxandi á kostnað íslenskra heimila og fyrirtækja. 

Hlutur stóriðjunnar hækkar sífellt og er kominn í 83 prósent, en aðeins 17 prósent fara til íslenskra heimila og fyrirtækja.

Ofan á þetta bætist, að raforkuvinnslan á jarðhitasvæðunum er að stærstum hluta miðuð við það að orkan endist aðeins í 50 ár, en slík nýting er hrein rányrkja, víðsfjarri sjálfbærri þróun. 

Forstjóri Landsvirkjunar sagði við opnun Þeystareykjavirkjunar að þar yrði stigið varlegar til jarðar en áður hefði verið gert og gaf með því í skyn að orkutölurnar í upphafi hefðu verið allt of háar. 

Stefán Arnórsson hefur fært skýr rök fyrir því að gerbreyta þurfi um stefnu varðandi gufuaflsvirkjanir, fara afar rólega af stað í smáum aföngum og fylgjast samfellt grannt með því að orkan endist á sjálfbæran hátt. 

Ólafur Flóvenz og Guðni Axelsson viðruðu svipað í greinaflokki sínum um þessi mál fyrir nokkrum árum. 

Vilja ekki virkja minna

Fróðlegt verður að fylgjast með belgíska orkupakkamálinu.

Innnleiðing reglugerða og setning laga í samræmi við lög ESB hefur verið talin mikilvæg til þess að EES-samstarfið gangi vel og helsts alveg snurðulaust. 

Þess vegna verður fróðlegt að fylgjast með málaferlum ríksins, sem fóstrar stöðvar ESB við framkvæmdastjórn Evrópusambandsins vegna þriðja orkupakkans. 

Að vísu er engin hætta á því að ágreiningur um gas muni rísa við Íslendinga, en reglugerðirnar, sem um ræðir, eru lika um rafmagn og auk þess væntanlega um almennt prinsippmál að ræða. 

Stefnir Belgíu vegna þriðja orkupakkans