Hamast við að gera Klausturmálið að nýju sakamáli.

Tveimur mánuðum eftir að ný tegund klausturlifnaðar var stundaður  er hamast við það í fjölmiðlum og á samfélagsmiðlum hjá sumum í hópi stuðningsmanna Klastursfólksins að reyna að halda málinu gangandi á þeim nótum að hið raunverulega sakamál sé samtvinnað samsæri, nú orðið að hefndarherferð Steingríms J. í kjölfar saknæmrar árásar Báru Halldórsdóttur inn í einkalif Alþingismanna. 

Á bloggsíðu eru viðraðar grunsemdir um að upptaka Báru sé fölsuð.

Sé svo, hvað þá um játningar Klausturfólsins?

Segir þingforseta svala hefndarþorsta

Of mikil bylting á svona einfaldan hátt?

Þegar fyrstu farsímarnir, stærðar hlunkar, voru teknir í notkun hér á landi, hefði sá maður verið talinn snarbilaður, sem hefði orðað þann möguleika Skype að geta talað í gegnum smá vasasímasíma augliti til auglitis við annan mann eða fleiri yfir þveran hnöttinn.

Frá einhverjum fundinum um tæknilega möguleika á beinum útsendingum í nýstofnuðu íslensku sjónvarpi fréttist að sagt hefði verið:

"Nei, ekki þetta. Þetta er nýjung og reynslan sýnir að allar nýjungar hafa reynst okkur varasamar og margar til hreinnar bölvunar." 

Þessi orð koma í hugann þegar lesið er um magnaðar hugmyndir á þessu sviði hjá fyrirtækinu OZ.

 

Vilja umbylta útsendingum frá íþróttum

Vaxandi umferðarógn: "Fjarverandi vegfarendur".

Hér er tæpt á hugtaki, sem nær yfir þann ört stækkandi hóp vegfarenda, sem hafa sjálfir svipt sig að meira eða minna leyti athygli og getu í umferðinni og eru vaxandi ógn.

Eftir að síðuhafi varð hjólreiða- og vélhjólamaður að stórum hluta fyrir fjórum árum hefur hann kynnst umferðinni frá nýrri hlíð og beinbrotnað tvisvar í slysum, sem setja má í flokk slysa "fjarverandi vegfarenda."

Af þeim má mikið læra og frá sjónarhóli manns á reiðhjóli og "vespu"vélhjóli sést margt sem ekki sést eins vel úr, bíl.  

1. Notkun snjallsíma hjá ökumönnum, hjólamönnum og gangandi fólki. Mun algengari en mann óraði fyrir. Oft í gangi við erfiðar og flóknar aðstæður, jafnvel í gegnum hringtorg. Sum notkunin virðist byggja á þeirri skoðun ökumanns eða vegfaranda að það sé allt í lagi að nota tækifærið þegar stansað er á gatnamótum til þess að leggjast þá í símann. Eða að nýta hvert tækifæri sem gefst í umferðarteppum.  Veldur hins vegar töfum, óróa og öryggisleysi, því að oft tekur snjallsímanotandinn ekki efir því þegar grænt ljós kviknar eða að hann tímir ekki að hætta þegar umferðin fer af stað.

2. Verið á fullu við að skoða mæla eða annað á fullri ferð, jafnvel við erfiðar aðstæður. Þetta var höfuðástæða hjólsalyss með beinbroti 2. janúar sl. eins og áður hefur verið greint frá hér á síðunni. 

3. Hlustað með eyrnatólum á útvarp eða tónlist gangandi, hjólandi eða akandi. Sérstaklega lúmskt fyrirbæri, sem til dæmis á líklega stóra þátt í lítilli notkun reiðhjólabjöllunar. Eða hvers vegna halda menn að þetta mikilvæga tæki sé á hjólunum? Í tveimur af þeim þremur skiptum af þúsundum, sem vegfarendur sem mættu síðuhafa, viku til rangrar hliðar, voru þeir að hlusta af ákafa á eitthvað sem var í eyrnartólum á höfði þeirra. Í öðru af þessum tveimur tilfellum gangandi vegfarenda vék hann svo lagt til vinstri, að ég lenti á tré úti í limgerði!     

4. Fíkniefni, þar með talið áfengi, sjá tengda frétt á mbl.is um það efni.  

5. Óvæntar og ófyrirséðar skyndiákvarðanir, teknar "blindandi". Sú var ástæða beinbrotshjólaslyss á gangbraut yfir frárein Grensásvegar í apríl 2016. Skyndiákvörðun bílstjóra á þvi augnabliki, sem hann fékk lága blindandi kvöldsól beint í augun. 

 

Svipað magn og við krufningar

Nútíma skylmingaþrælar?

Útaf fyrir sig er ekkert óeðlilegt við það að leikmenn meiðist í hraðri og oft grófri átakaíþrótt og handbolti er. 

En öðru máli gegnir um þrálát meiðsl eins og í nára, læri og í hnéi, sem taka okkar bestu menn úr leik, janvel þrjá í einu, og eru augljóslega álagsmeiðsli, til komin vegna ómannúðlegrar keyrslu og ofurmannlegs álags dag eftir dag og viku eftir viku á bestu handboltamönnum heims þegar þeir eru pískaðir áfram og nánast pyntaðir. 

Þetta er farið að minna á rómversku skylmingaþrælana í fornöld. 

Það mætti alveg fara að íhuga þann möguleika að handboltamennirnir sjálfir rísi gegn gegn þessu ofríki.  

Þjóðverjar voru númeri of stórir

Ísland kom til Reykjavíkur á hádegi í dag.

Aðventan leið, jólin, áramótin  og þrettándinn liðu og komið var fram yfir miðjan janúar án þess að stanslaus söngur laga um jólasnjóinn í tvo mánuði virtist ætla að hafa minnstu áhrif á sumarveðrið sem lék lausum hala vikum saman.

Þegar litið var út um gluggann um hálf tólf leytið í morgun virtist enn allt við hið sama, en þegar komið var út kortéri síðar kygndi niður niður hnausþykkri hundslappadrífu í þeim mæli sem íslenska vetrinum er einum lagið, varla mögulegt að hafa undan við að skafa snjóinn af bílnum. 

Þorrinn kominn á hálftíma beint ofan í haust sem var tveimur mánuðum lengra en almananakið segir til um. 

Ef þetta er ekki Ísland, þá hvað?  

 

Loksins snjór

Jökulsárgangan 2006 skilgreind sem umhverfishryðjuverk.

Það hefur farið eins og siðuhafi hefur lengi óttast, að 20 ára gömul síbylja um að umhverfis- og náttúruverndarfólk sé hryðjuverkafólk færi smám saman að hafa þau áhrif, að meira að segja yrði farið  að taka þessa skilgreiningu góða og gilda í opinberum skýrslum háskólastofnana og hjá háskólamenntuðu fjölmiðlafólki. 

Dæmi um þetta var heil myndskreytt fréttaskýringaropna í Fréttablaðinu í fyrrasumar um umhverfishryðjuverk í íslenskri sögu. 

Tilefni þessa yfirlits yfir íslensk "umhverfihryðjuverk" var sýning kvikmyndarinnar "Kona fer í stríð".

Meðal tilgreindra umhverfishryðjuverka í þessari fréttaskýringu var fjölmennasta mótmælaganga síðustu áratuga, Jökulsárgöngan 26.september 2006. 

Á ljósmynd af göngunni var sýndur fremsti hluti hennar og því sýnt skilmerkilega hvaða hryðjuverkafólk bæri ábyrgð á því að á bilinu 10-15 þúsund Íslendingar tóku þátt í þessu hryllilega voðaverki.  (Sjá nánar skilgreiningar orðabóka á orðunum hryðjuverk og terrorist) 

Með síðuhafa fremst á þessari mynd voru meðal annarra frú Vigdís Finnbogadóttir, fyrrverandi forseti Íslands, og Guðmundur Páll Ólafsson rithöfundur og ljósmyndari, handhafi hinna íslensku bókmenntaverðlauna.

Orðin hryðjuverk og hroðalegur er náskyld og í orðabókum eru orðin hryðjuverk og hryðjuverkamaður birt sem íslensk þýðing á erlendu orðunum terrorism og terrorist, fólki sem notar illvirki og voðaverk á borð við manndráp til þess að skapa ótta, ógn og skelfingu með hræðilegum og hryllilegum aðgerðum.

Jökulsárgangan 2006 fór friðsamlega, hljóðlátlega og virðulega fram með fullu leyfi yfirvalda.

Siðuhafa rann til rifja skilgreiningin á samferðafólki hans í göngunni í umfjöllun baðsins og hringdi því í blaðið til að vekja athygli vaktstjóra á augljósu misræmi á alþjóðlegum skilgreiningum og hinni nýju skilgreiningu blaðsins.

Ekkert gerðist í því máli mér vitanlega, þannig að skilgreining blaðsins stendur.   

 

Skoða þurfi skýrsluna í ljósi gagnrýni

Ólgusjór í aldarþriðjung.

Stofnun Stöðvar 2 1986 þótti fífldjörf og bíræfin, - og fyrirtækið stóð tæpt og barðist fýrir lífi sínu dag frá degi. 

Ástæðan blasti við: 

Markaðurinn íslenski var svo örsmár, að það var langt í frá að hann gæti borið upp tvær sjónvarpsstöðvar, hvað þá þegar önnur þeirra var ríkisfyrirtæki.

Viðbótar sjónvarpsstöðin hlaut að bjóða eigendum og starfsfólki upp á óbærilega erfiðar aðstæður og starfskjör sem hlytu að enda með ósköpum.  

Nær öll þessi hrakspá um óvissuna gekk eftir, - nema síendurtekna hrakspáin um hrun fyrirtækisins.

Dag frá degi vissu starfsmenn ekki að morgni, hvort þeir yrðu atvinnulausir að kvöldi og þvi siður hverjir eigendur fyrirtækisins yrðu ef eitthvað óvænt gerðist til björgunar á síðustu stundu.

Í 33 ár hefur þetta verið sjónvarpsstöðin, sem getur ekki dáið. 

Árin 6,4 sem síðuhafi starfaði í þessu umhverfi buðu upp á upplifun, sem hann hefði fyrir enga muni viljað missa af. 

Þegar hið tryllta ævintýri hófst fyrir 33 árum hvarflaði það ekki að manni, að það ætti eftir að endast og endast og endast, svo mjög sem það virtist dauðanum merkt.

Þess vegna er best að spá sem fæstu nú. 

 

 

Kostnaður enn íþyngjandi hjá Sýn

Gott hjá Aroni.

Það hefur munað meira úm framlag Arons Pálmarssonar í leik íslenska landsliðsins en sumir gagnrýnendur hans hafa haldið fram á samfélagsmiðlum, jafnvel með þeim orðum að hann sé ofmetinn öllum öðrum leikmönnum fremur.

En markatala hjá einstökum leikmönnum segir ekki allt í flokkaíþrótt, og niðrandi ummæli af þessu tagi verða að teljast nokkuð djarfleg andspænis lofi helstu handboltasérfræðinga heims, forráðamanna félaga, þjálfara, leikmanna og íþróttablaðamanna, þar sem Aron er nefndur sem einn af bestu handboltanönnum heimsm sem geti labbað inn í hvaða meistaralið sem er.

Í lýsingum og greiningum sjónvarpsmanna hefur hið mikla framlag landsliðsfyrirliðans til liðsheildarinnar komið glöggt fram, og einn þáttur þess framlags er að vera málsvari liðsfélaga sinna jafnt utan sem innan vallar.   

Aron ekki sáttur (myndskeið)

25 þúsund Pólverjar búsettir hér á landi hafa ýmis áhrif.

Pólverjar eru fjölmennastir þeirra erlendu þjóða, sem búa á Íslandi, hvorki meira né minna en 25 þúsund.

Það eru næstum eins margir og allir íbúar Hafnarfjarðar og eða allir kjósendur Norðausturkjördæmis.

Áhrifanna af veru þessa hóps gætir miklu víðar en beint í atvinnulífinu.

Fróðlegt væri til dæmis að vita hve mikil áhrif þetta hefur á það hve mikil og stöðug fjölgun pólskra ferðamanna er.   

Minnsta fjölgun ferðamanna síðan 2010

Kynslóðaskipti bjartra vona!

"Unglingalið" Guðmundar Þórs Guðmundssonar hefur heldur betur skotist upp á himininn og vakið einhverjar björtustu vonir sem síðuhafi man eftir að svona "byrjendalið" Íslands hafi vakið á stórmóti. 

Til hamingju Ísland!

Ísland í milliriðlakeppni HM