Vatnajökulsþjóðgarður: Kjölfestan í náttúruvernd og gildi Íslands.

Það þarf ekki annað en að líta á kort af Íslandi og sjá hvaða hluti landsins er innan marka Vatnajökulsþjóðgarðs til að það blasi við í sjónhendingu hve mikinn hlut þessi magnaði og stóri þjoðgarður á í vernd hinnar einstæðu náttúru Íslands. 

Í upphafi var lagt upp með það að mörk þjóðgarðsins fylgdu að mestu jöklinum sjálfum, en gallinnn við slíkt er sá, að með rýrnun jökla vegna loftslagshlýnunar minnka jöklarnir sífellt svo að það myndi valda minnkun þjóðgarðsins ef farið yrði eftir því. 

Því eru það góðar fréttir þegar mörk þjóðgarðsins séu frekar færð út og vöxtur og viðgangur þessarar kjölfestu náttúruverndar á Íslandi tryggður.  

Athyglisvert er, að á sama tíma sem mikill ófrægingaráróður hefur verið í gangi hér á landi gagnvart þjóðgörðum almennt, ber öllum þeim, sem fögnuðu tuttugu ára afmæli þjóðgarðsins yst á Snæfellsnesi einróma saman um hve vel hafi tekist til með þjóðgarðinn á alla lund, enda hefur viðamikil hagfræðileg rannsókn leitt í ljós, að fyrir hverja milljón krónur, sem lagðar hafa verið í þjóðgarðinn hafi 23 milljónir unnist í tekjur af honum. 


mbl.is Vatnajökulsþjóðgarður stækkar
Tilkynna um óviðeigandi tengingu við frétt

Tólf stiga hiti á heiðskírri nóttu í 660 metra hæð, 20 á daginn.

Veðrið á landinu þessa dagana minnir á hitana í ágúst 2004. Á leið frá Sauðárflugvelli til Reykjavíkur sást allt landið án minnstu ummerkja um hafgolu nokkurs staðar, það var á annan tug stiga uppi á Öræfajökli. 

Næstu daga er spáð meira en tólf stiga hita í heiðríkju á næturnar í 660 metra hæð yfir sjávarmáli á Sauðárflugvelli og áfram gæti hitinn þarna uppi á hálendinu farið yfir 20 stig í nokkra daga enn, líkt og gerst hefur að undanförnu. 


mbl.is Siggi stormur: Hér verður flottasta veðrið um helgina
Tilkynna um óviðeigandi tengingu við frétt

Sigurdagurinn mikli fyrir 70 árum: Stórbrotin frammistaða Arnar Clausen.

Ríkarður Jónsson var maður landsleiks Ísendinga og Svía, 4:3, í Reykjavík 29. júní 1951, fyrir 70 árum, skoraði fimm mörk, en eitt þeirra var ranglega dæmt ógilt vegna meintrar rangstöðu. 

Sama kvöld unnu Íslendingar bæði Dani og Norðmenn í þriggja landa landskeppni í frjálsum íþróttum í Osló. 

Maður þeirrar keppni var tvímælalaust Örn Clausen, sem var lang stigahæstur allra. 

Bróðir, hans, Haukur, tognaði, en ber er hver að baki nema sér bróður eigi: Örn keppti í stað bróður síns í spretthlaupunum og halaði þar inn verðlaun og stig. 

Þar að auki sigraði hann í báðum grindahlaupunum.  

Aðeins fágætur afreksmaður á heimsmælikvarða gat afrekað á þennan hátt, en árin 1949, 1950 og 1951 var Örn í 2. til 3. sæti á heimslistanum í tugþraut. 

Fleiri brilleruðu á Bislet og unnu gull í þessari keppni. Gunnar Huseby var aðeins 5 sentimetra frá Norðurlandameti sínu í kúluvarpi, og Torfi Bryngeirsson setti glæsilegt Íslandsmet í stangarstökki, auk þess sem Hörður Haraldsson sigraði bæði i 100 og 200 metra hlaupi. 


"Ég skil ekkert í því hvernig henni gat dottið þetta í hug..."

Fyrir tæpum fimmtíu árum féll heilmikil aurskriða úr brekkunni ofan við Lund í Lundarreykjadal og vakt furðu, hve stór og öflug hún var.  

Þegar fréttastofa Sjónvarpsins hafði samband við Sigurð Þórarinsson jarðfræðing til þess að leita skýringar á þessu falli aurskriðunnar:  

"Ég get því miður ekkert sagt um þetta, því að ég skil ekkert í því hvernig henni gat dottið þetta í hug."

Þar með var þetta atvik útrætt. 

Þess má geta að snjóflóð féll nyrst í Blönduósbæ 1993 ef rétt er munað. 

Engin nákvæm skýring fékkst á því hvernig því gat dottið þetta í hug, en minna má á orð norsks sérfræðings un jnjóflóð:  "Þar sem landi hallar og snjór getur fallið, geta fallið snjóflóð."


mbl.is Enginn slasaðist í aurskriðu í Varmahlíð
Tilkynna um óviðeigandi tengingu við frétt

Vaka og athygli auk sterkra læsinga á hjólunum.

Hjólaþjófnaðir spanna mjög vítt svið, allt frá rafhlaupahjólum upp í voldug vélhjól. Þeir eru það algengir að líklega hafa margir kynnst þeim. Með mikilli fjölgun rafhjóla og léttra bifhjóla hefur þjófnuðum á þeim fjölgað að sama skapi.

Í einu tilfellinu af þeim, sem síðuhafi þekkir, var rúmlega 120 kílóa léttbifhjóli stolið þar sem það stóð læst með gildri stáltaug við ljósastaur við stóra íbúðablokk. 

Þjófarnir komu akandi á sendibíl á björtu kvöldi í júlíbyrjun, stöðvuðu bílinn við hjólið, stukku út úr bílnum með slípirokk og söguðu stáltaugina í sundur á augabragði, hentu hjólinu inn í bílinn og voru á bak og burt á svipstundu. 

Frá tæplega 50 íbúðum í blokkinni sáust straurinn og hjólið, sem bundið var við hann. 

En þessi bíræfni þjófnaður er enn óupplýstur að öðru leyti en því að viku síðar fannst hjólið á afskekktum vegi á höfuðborgarsvæðinu, stórskemmt.  

Áður hafði það verið málað kolsvart með ódýrri málningu.  r

Líklega er það misskilningur að stærð læsinga til þjófavarnar þurfi að miðast við stærð hjólanna. 

Hitt vegur líklega þyngra að læsingarnar séu sem öflugastar almennt. Það þýðir að vísu, að læsingarnar eru þungar, en annað er varla til ráða ef gera á þjófunum erfitt fyrir. 

Miðað við bíræfni þjófnaðarins, sem greint var frá hér að ofan, er líka nauðsynlegt að sem flestir hafi vakandi auga og athygli opna varðandi hjólaþjófnaði.  


mbl.is Vilja draga úr stuldi reiðhjóla
Tilkynna um óviðeigandi tengingu við frétt

Nýrunnið og volgt hraun býr yfir aðdráttarafli fyrir ferðafólk.

Meðan eldur verður uppi í Geldingadölum verður eldgosið með mikið aðdráttarafl fyrir ferðafólk, bæði innlent og erlent.  

Nú hefur sveifla í eldvirkninni eftir mjög stöðugt hraunrennsli í rúma þrjá mánuði skapað vangaveltur um lengd gossins og þar með um það, hvort það loginn rauði hverfa. 

Það þarf hins vegar ekki að þýða það að straumur fólks að hrauninu og útsýnisstöðum yfir gígana muni hætta, því að svona einstæð nýsköpun jarðar er ekki á hverju strái í heiminum. 

Til dæmis eru margir erlendir ferðamenn furðu lostnir ogt snortnir yfir því að horfa yfir Ös yfir sprengigíginn Víti og Öskjuvatn, sem er eitt dýpsta vatn landsins, og vera greint frá því að hvorugt var til fyrir 150 árum. 

Með því að fara í stutta gönguferð af Heiðmerkurvegi sunnan við Garðabæ, er hægt að skoða eldgíginn Búrfell og hina mögnuðu hrauntröð hans og bera saman við gígamyndanirnar í Geldingadölum.  

Og meira en tíu kílómetra löng gígaröðin í Eldvörpum í nágrenni Blá lónsins er ekki nema um 800 ára gömul. 


mbl.is Eldgosið er í aðfluginu
Tilkynna um óviðeigandi tengingu við frétt

"Tilbrigði um stef"?

Eldsumbrot undir Reykjanesskaga eru eilífðasinfónía, étt eins og á öðrum hlutum hins eldvirka hluta Íslands. 

Bæði Hekla og Katla voru þekktar að því að gjósa með nokkkuð reglulegu millibili öldum saman. 

Nú hafa báðar þessar eldstöðvar vikið frá þessu og jarðvísindamenn klóra sér í höfðinu, svo að það eina sem þeir geta sagt þrátt fyrir allar rannsóknirnar og mælafjöldann, er að það sé hægt að segja fyrir um upphaf goss í Heklu með klukkustundar fyrirvara. 

Hvað Reykjanesskagann snertir hefur ekkert eldgos verið þar í um 800 ár. 

Nú virðist sá langi tími liðinn, og þegar fyrsta eldgosið eftir hann brestur á eftir meira en árs langt jarðskjálftatímabii, eiga vísindamenn enga hliðstæðu af því tagi til að miða við frá fyrri tíð. 

Páll Einarsson er snjall túlkandi bestu klassísku verka höfuð tónskálda heims, og meðal þess, sem leikið er, eru tónverk, sem falla undir skilgreininguna "tilbrigði um stef", vark sem teljast frumsmíð þótt þau sé afleidd af fyrri verkum og falli undir þessa skilgreiningu. 

Tilbrigðin falla undir svipuð lögmál og aðrar tónsmíða hvað varðar frumleika í framvindu þeirra, og því stundu erfittt við fyrstu heyrn að spá nákvæmlega hvað komi næst. 

Stefið í eldgosum Reykjanesskagans getur tekið upp á því að sýna tilbrigði af þessu tagi, svo sem goshlé og fasabreytingar.


mbl.is Gosóróinn hefur tekið sig upp aftur
Tilkynna um óviðeigandi tengingu við frétt

Ný spenna: Afturkippur í gosóróann og hraunflæðið. Hvað og hvenær næst?

Nú hefuuær færst spenna í leikinn hjá gosinu í Geldingadölum, gosóróinn snarfallinn niður og sömuleiðis hraunflæðið.  

Eftir stendur, að hvernig sem litið er á atburðarásina á utanverðum Reykjaneskaganum í rúmlega ár, hefur hún markað tímamót í eldvirkni á skaganum eftir um 800 ára hlé. 

Nú er spurningin því ekki; hvað næst?

Heldur: 

Hvar næst? 

Og: 

Hvenær næst? 


mbl.is Er goshlé?
Tilkynna um óviðeigandi tengingu við frétt

Slær dögum saman upp undir 20 stiga hita á Sauðárflugvelli í 660 m h.y.s.

Eftir óvenju mikil snjóalög og svalviðri í vor hefur stefnt í það að hálendisvegir norðan Vatnajökul opnuðust seinna en áraraðir. BISA vor

Á Norðausturhálendinu eru tveir skráðir flugvellir, við Herðubreiðarlindir og Sauðárflugvöllur á Brúaröræfum. 

Rétt innan við þann síðarnefnda, í aðeind 2,5 km fjarlægð, er veðurmælingastöðin Brúaröræfi og er því einstaklega auðvelt að fylgjast með veðrinu þar úr 290 kílómetra fjarlægð.  

Nú hefur verið hitabylgja þar í bráðum tvær vikur og í dag var 18 stiga hiti á vellinum, 16 í gær og 20,3 í fyrradag. 

Samhliða hitanum var allt að 40 hnúta hnjúkaþeyr þarna, og völlurinn því í svipuðu ástandi og hár í risahárþurrku. 

Þegar þess er gætt, að völlurinn liggur 35 metrum hærra yfir sjávarmáli en Vífilsfell, er þetta einstaklega mikill hiti, og í fyrradag var þetta heitasti staðurinn á hálendinu. 

Snjóalögum háttar þannig á þessum slóðum, að hálendisslóðirnar í nágrenni vallarins verða ekki færar fyrr en 2-4 vikum eftir að flugvöllurinn er orðinn þurr og snjólaus, harður og vel nothæfur fyrir lendingar flugvéla. 

Loftmyndin hér að ofan er tekin vorið 2018 þegar völlurinn var orðinn opinn þótt ófært væri allt í kringum hann.Völundur Jóhannesson

Völundur Jóhannesson hefur haft sumarsetu í Grágæsadal ío nágrenni vallarins um áratugaskeið og segir eftir könnunarferð á jeppa í fyrradag, að af hæðinni vestur af Kárahnjúkastíflu megi sjá á skafli, sem sést þaðan og er utan í svonefndri Prestahæð, 6 km frá Sauðárflugvelli og 14 km frá Grágæsadal, að skammt kunni að vera þar til leiðir opnist og að völlurinn kunni að vera orðinn nothæfur nú þegar. 

Við Völundur eru alltaf í nánu sambandi þegar svona stendur á og framundan er tími, sem í fyrra var heilum mánuði fyrr hvað snerti aðstæður til ferðalaga í lofti og á landi, og var það ónvenjulega snemma. 


mbl.is Gæti farið upp í 29 stiga hita
Tilkynna um óviðeigandi tengingu við frétt

Uppsöfnuð eftirköst eftir veikina verri en hún sjálf samanlagt?

Það er ljóst að nokkur næstu ár munu fara í það að rannsaka þá nýju tegund sjúkdóma sem kórónaveikin er. Ef miklu fleiri fá slæm eftirköst eftir hana en þeir, sem sýkjast og sleppa betur, geta uppsafnaðar afleiðingar hennar orðið verri samanlagt en sýkingin sjálf hjá þeim sem sleppa margfalt betur. 

Síðan ræður tímamunur því að það á að mestu eftir að koma í ljós hve mikil áhrif bólusetningarnar hafa. 

Það gæti tekið mörg ár að gera endanlega upp feril og afleiðingar þessarar farsóttar.  


mbl.is Læknar sjá fram á „flóðbylgju“ eftirkasta
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband