32 láglaunastörf í Straumvík hljóta að vera yfirvarp.

32 láglaunastörf í Straumsvík geta varla verið aðalástæða Rio Tinto til að setja rekstur milljarða veltu í álverinu í uppnám.

Enda hafa eigendur álversins áður hótað lokun ef að innfæddir mökkuðu ekki rétt, rétt eins og tíðkast hefur í fyrrverandi nýlendum í þriðja heiminum.

Ef undirrótin er að þvinga Landsvirkjun til að lækka orkuverðið er sennilega bara ágætt að láta á það reyna hvort ekki sé hægt að finna aðra kaupendur sem borga að minnsta kosti það verð sem nú er í gildi, en einnig vel líklega mun hærra verð.

30% dýrara í Straumsvík

Eru starfsmenn Alþjóða veðurstofnunarinnar í hópi "40 þúsund fífla"?

Mikill söngur er nú kyrjaður af kuldatrúarmönnum, sem ég vil kalla svo, um að þeir 40 þúsund, sem fara muni til Parísar á loftslagsráðstefnu Sameinuðu þjóðanna, falli undir heildarheitið "40 þúsund fífl."

Væntanlega má þá telja vísindamenn Alþjóða veðurstofnunarinnar hrein fífl og mælingar þeirra hreinn fíflagangur, úr því að þær sýna að árið 2015 verði heitasta árið frá því að mælingar hófust og að síðustu 15 ár verði hlýjasta 15 ára tímabil í sögu mælingar.

Kuldatrúarmenn telja sig vita betur og að engin hlýnun hafi átt sér stað, heldur sé nú þvert á móti að "kólna hratt."

Er trú þessara "sjálfvita" eða "besservissera" vissulega mikil.

Heitasta ár frá því að mælingar hófust

Hvað næst? "Long friday"?

Einu sinni voru það fótanuddtæki fyrir jólin. Nú er það "Black Friday". Í fjölmiðlum er nær stanslaus síbylja um þetta bandaríska fyrirbrigði sem hefur skyndilega lagt okkur Íslendinga á hliðina.

Allir verða að vera með. Valentínusardagurinn komst inn í mynstrið hjá okkur en þurfti mun lengri tíma. Hann á þó ekkert síður rétt á sér en sumir "íslenskir" frídagar, sem eini dagur sem er eyrnarmerktur ásta og elskendum ár hvert.

Flestir íslenskir hátíðisdagar eiga sér erlendan uppruna eins og hvítasunnudagur, páskadagur og föstudagurinn langi.

Allir heita þeir íslenskum nöfnum og íslenskastur allra er hinn rammíslenski fyrsti sumardagur.

Þess vegna stingur það í augu og eyru að nú skuli vera kominn fyrsti dagurinn, sem ber algerlega erlent nafn.

Það þykir svo rosalega töff og kúl að hann heiti Black Friday upp á amerískan hátt.

Af hverju má hann ekki heita svartur föstudagur ef við verðum endilega að apa þetta fyrirbrigði eftir Könum og bera bara íslenskt vikudagsnafn eins og föstudagurinn langi?

Nei, það þykir líklega svo hallærislegt og ljótt.  Eða hvað?  Af hverju er íslenska orðið svartur svona slæmt en enska orðið black svona gott?

Er næsta skref að byrja að kalla föstudaginn langa "long Friday"?

   

 

„Það hrúguðust allir á brettið“

Vanhugsuð ráðstöfun?

Það er einkennilegt ef teknar eru ákvarðanir í umferðarmálum, sem varða afköst og mengun á fjölforðnustu leiðum, án þess að athuga afleiðingar þess með því að beita viðurkenndum alþjóðlegum aðferðum.

Svo virðist ætla að verða varðandi það að lækka hámarkshraða á Miklubraut frá Hlíðum að Kringlumýrarbraut.

Jafnvel meðaljóninn, sem enga þekkingu hefur á afkastamódelum vega og gatna, veit, að minnkaður hraði leiðir af sér minni afköst.

Að vísu er módelið ekki alveg eins einfalt og virðist við fyrstu sýn, því að eyðsla bíla eykst ekki línulega, heldur veldislægt með auknum hraða.

Það á þó meira við á miklu hraða en litlum, og of lítill hraði, sem myndar umferðarteppur á álagstímum, veldur því að bílar eru meira kyrrstæðir og menga án þess að komast áfram.

Síðan verður að taka tillit til þess ef hraðinn er miklu meiri á aðliggjandi kafla, eins og er austar á Miklubraut, þar sem 80 km hámarkshraði er.

Því meiri sem hraðamunurinn er á þeim kafla og kafla vestar á leiðinni, því meiri tafir verða þar sem hraðinn er lægri.

Raunar virðist fleira vera gert á þessum kafla til að stuðla að myndun umferðarteppu.

Þannig virðist ekki vera notuð nýjasta tækni til að umferð gangandi fólks og hjólafólks yfir gangbraut rétt austan Stakkahlíðar sé á þeim tíma þegar kemur sér best fyrir alla aðila.

Einn gandandi maður getur auðveldlega stöðvað marga tugi akanndi manna með því að nota gangbrautina einmitt þegar verst gegnir fyrir bílana sem gætu annars komist á grænni bylgju eftir þessum kafla.

Sjálfur er ég nú orðinn hjólreiðamaður í flest skipti, sem ég er á ferðinni á þessu svæði, en mér er engin þægð í því einn á ferð að stöðva fjölda annarra vegfarenda að óþörfu, einmitt þegar græna bylgjan er að koma.

Það hlýtur að vera hægt að samhæfa umferðina þannig að gangandi og hjólandi fari þarna yfir þegar akandi umferðin er minnst.  

Lækka á hámarkshraða á Miklubraut

"Let it be done!...", - kýlum á þetta!"

Engin þjóð á eins mikla möguleika og Íslendingar til þess að taka í notkun hreina og endurnýjanlega orku í eigu þjóðarinnar sjálfrar og verða óháð innflutningi á jarðefnaeldsneyti.

Það er ekki aðeins fjárhagslegt atriði og snýst um gjaldeyrissparnað, heldur öryggisatriði ef eitthvað ber útaf um olíuflutninga til landsins.

Mjög litlu munaði í bankahruninu 2008 að stóru olíuskipi á leið til landsins yrði snúið við, og það hefði getað haft afar truflandi áhrif á samgöngur landsmanna það haust.

Miklar framfarir hafa orðið í smíði rafknúinna farartækja, einkum varðandi rafhlöður, og góð von er til þess að enn meiri framfarir geti orðið í smíði þeirra.

Rafvæðingin getur orðið allt frá rafknúnum reiðhjólum upp í stóra flutningabíla.

Reglur um tíu tíma hvíld bílstjóranna falla eins og flís við rass á tímanum, sem það tekur að endurhlaða rafhlöður bílsins, sem hann ekur, upp í topp.

Norðmenn veittu ýmsar ívilnanir, þegar þeir voru að koma rafvæðingunni í gang, og fyrir bragðið urðu 13% rafbílar 13% af bílainnflutningi þeirra.

Ívilnanirnar urðu miklu meiri en hér á landi, svo sem frítt í stæði og í jarðgöngum og heimild til að aka á akreinum almenningsvagna.

Nú er komið nóg af brostnum vonum vegna svikinna loforða, og í staðinn komi tími til að láta verkin tala.

Þar er baráttugleðin lykilatriði.  

"Aðgerðin "Orkuskipti - koma svo!", sem heyrir undir verkefnið "Aðeins ein jörð", hefur reynst mér mjög gefandi, þótt enn sem komið er, sé tap á því vegna kostnaðar við hjólaferð frá Akureyri til Reykjavíkur og gerð tónlistarmyndbandins "Let it be done!" sem hægt er að skoða á YouTube með því að slá upp slóðinni     https://youtu.be/y_rFz-gF5dg

Myndbandið felur í sér táknræna ferð á rafhjólinu Náttfara "on a yourney to a fight that must be won!"  

Leiðin liggur frá Reykjavík um Þingvelli og Geysi en síðar koma fleiri við sögu, bæði fólk, farartæki og orkugjafar, og leikurinn berst um víðan völl, til Mývatns og allt til Þýskalands og Eþíópíu.

Á meðan er sungið nokkurs konar uppkast að stefnuyfirlýsingu eða takmark núlifandi kynslóða jarðarbúa, eldri og yngri, í tilefni af loftslagsráðstefnu Sameinuðu þjóðanna, sem hefst næstkomandi mánudag í París og stendur til 11. desember. Undir söngnum má stíga einfalt dansspor, sem sýnt er í myndbandinu og ber heitið "Framfaraskref" eða "Progressive step". 

Og textinn er svona.

"Framfaraskref!"

 

Let it be done! Come on, let´s have fun

on a journey to a fight, that must be won!

 

We are the generations that start cleaning up the earth!

We are the generations that shall giv new vision birth,

spurting over obstacles up every slope and hill

with ever growing endurance and strenght and faith and will! 

 

With power from clean energy we light the brightest beam!

With power from our deepest hearts because we have a dream!

By using all our wit and guts we sweep through storm and rain

to undertak enormous task, defying weariness and pain! 

 

Let it be done!  Fighting spirit and fun!

Bicycles on the run!

Father and mom!  Daughter and son!

Electric bikes for everyone!

 

Across the ocean, over valleys, thundering through the sky

to promised land of love and peace our minds are flying high!

Sustainable developemet shall prosper everywhere

from the seabeds over continents up through the atmosphere!

 

We are the rangers, pledged to save the nature of the earth!

We are the generations that shall give it´s life new birth!

Let´s rinse the water, clean the air to give us healty breath,

fighting for environment against it´s bitter death!

 

Let it be done! Come on, let´s have fun!

El-cars are on the run!

Father and mom! Daughter and son!

Solar-cars on the run!

 

Mission and fun!

Love and peace for everyone

when the battle is won!

Food and health, said and done!

Human rights for everyone!

Life on earht on the run!

Let it be done!   

 

 

 

 

Gætu náð markinu hraðar

Einna erfiðast fyrir opinberan rekstur.

Áhrif mikilla kauphækkana koma að hluta til öðruvísi fram nána en á árum áður, vegna þess að miklu stærri hluti launþega vinnur við opinbera þjónustu en áður var.

Fulltrúar almennings sem stjórna þessum fyrirtækjum og stofnunum eiga erfitt með að draga stórlega saman þjónustuna til þess að geta borgað mun hærri laun.

Stundum er þetta brosleg hringekja: Sami fólkið og þiggur hærri laun, leggur til að það þurfi að borga hærri skatta eða hærri laun fyrir þjónustuna sem veitt er, - eða þá að draga þjónustuna saman á þann hátt, að við er ekki unað.

Áhrif af miklum launahækkunum eru að koma fram í opinbera geiranum, t. d. 13 milljarðar í heilbrigðiskerfinu, en fjölmargar opinbera stofnanir og fyrirtæki eiga eftir að endurskoða þjónustugjöld eða fá til sín skattahækkanir.

Stór hluti launahækkana á þenslutímum rennur í neysluskatta og draga úr nauðsyn á hækkun beina skatta, en engu að síður er ekki útséð um það, hvað verðbólgan verður mikil.   

Stórlega ýktar fregnir af verðbólgu?

Þingmenn Reykjavíkur kyngdu samgöngubótum fyrir Álftanesveg.

Þingmenn Reykjavíkur kyngdu þeim bita eftri Hrun að engar bitastæðar endurbætur á vegakerfi Reykjavíkur yrðu fram til ársins 2020, heldur skyldi lögð gersamlega óþarfur Álftanesvegur á fölskum forsendum, sem áður hafa verið raktar í blaðagrein í Morgunblaðinu fyrir tveimur áruum. 

Gefnar voru þær forsendur fyrir nýjum vegi, að umferðin væri of mikil, vegurinn of hættulegur og nýr vegur frá grunni væri eina lausnin.

Hið rétta var að umferðin var langt fyrir neðan þau viðmiðunarmörk sem í gildi voru og eru varðandi breikkun, 22 vegakaflar með meiri slysatíðni á höfuðborgarsvæðinu og að ef menn vildu endinlega gera Álftanesveg betri hefði verið auðvelt að gera það á margfalt ódýrari hátt en að leggja nýjan veg.

Nú blasir nýi vegurinn við. Leiðin hefur lengst um 100 metra á leiðinni úteftir, þegar aka þarf um nýtt hringtorg, og í báðar áttir er ekið um lengstu blindbeygju á Íslandi eftir því sem næst verður komið. 1100 metrar úteftir og 1500 metrar inneftir.

Mun lengri hluti nýja vegarins er blindur en var á gamla veginum, sem þar að auki bauð upp á möguleika til að minnka blindbeygjur. Nýi vegurinn er ekki hættuminni en hinn gamli var heldur  er því jafnvel öfugt farið.

Þegar ákveðið var að leggja veginn stóð til sameining Garðabæjar og Álftaness, en eftir hana hefði ríkið losnað við að leggja veginn.

Þingmenn Reykjavíkur liðkuðu því til fyrir því að hægt yrði að velta kostnaði við óþarfan veg yfir á íslenskan almenning með því að afsala Reykvíkingum möguleikum á vegabótum í allt að áratug.  

Sundabrautin ofan í skúffu

Línan Rússland-Tyrkland liggur yfir Úkraínu og Krímskaga.

Síðustu mánuði hafa deilur Úkraínumanna og Rússa fallið í skuggann af því sem er að gerast í Sýrlandi og í Evrópu.

Þegar Putin sendi hervélar sínar til Sýrlands virtist það geta verið liður í að beina athyglinni þangað.

En uppákoman við landamæri Sýrlands og Tyrklands hefur nú víkkað sjóndeildarhringinn, sem horft er á, og þegar afstaða Rússlands og Tyrklands er skoðuð, sést að á milli þessara tveggja landa eru Úkraína og Krímskagi og Svartahaf þar suður af.

Nýjar deilur og togstreita milli Rússa og Úkraínumanna leiða athyglina á ný að deilum þessara þjóða og ástandinu í Úkraínu og flækja stöðuna á útvíkkuðu átakasvæði.

Banna rússneskt flug yfir Úkraínu

Afreksmaðurinn sem vítamínskortur felldi.

Á árunum 1949-1951 áttu Íslendingar sex spretthlaupara sem voru í fremstu röð í Evrópu, Hauk og Örn Clausen, Finnbjörn Þorvaldsson, Ásmund Bjarnason, Guðmund Lárusson og Hörð Haraldsson.

Nokkurn veginn öruggt er að aldrei aftur muni jafn fámenn þjóð leika þetta eftir.

Í 200 metra hlaupi 17. júní röðuðu fjórir menn sér í einu og sama hlaupinu inn á topp afrekaskrár ársins í Evrópu, Hörður Haraldsson, 21,5 (Íslandsmet), Haukur Clausen 21,6, Ásmundur Bjarnason 21,7 og Guðmundur Lárusson 21,8.

Þeir Hörður og Haukur voru til alls líklegir og seinna um sumarið náði Haukur besta árangri ársins í Evrópu, hljóp á 21,3 og setti Norðurlandamet, sem stóð í sjö ár og Íslandsmet sem stóð í 17 ár.

En hvað varð um Hörð Haraldsson? Jú, hann var í góðri forystu í 200 metra hlaupinu í landskeppni við Dani, næstu stórkeppni á eftir 17. júní mótinu, þegar hann tognaði í hálfnuðu hlaupi og haltraði í mark.

Keppti ekki meira það árið og jafnaði sig ekki fyrr en mörgum árum síðar þegar það var orðið of seint.

Þá náði hann þó, seint og um síðir, næst besta árangri Íslendings í 400 metra hlaupi fram að þeim tíma.

Hafði komist að því að skortur á B-vítamíni hafði valdið því, að ævinlega þegar hann var að komast í toppform á sínum bestu árum, tognaði hann.

Meginástæðan var fólgin í matarvenjum hans varðandi það að neyta ekki brauðs og annarrar fæðu sem gefur nauðsynlegt B-vítamín.

Ertu með B12 vítamínskort?

"Hingað leita í dýrum draumum..."

Fyrirbærið Airbnb virðist geta tekið á sig ýmsar myndir ef marka má tengda frétt um þá þjónustu bæði hér á landi og erlendis. Vaknar áleitin spurning um að svipað gerist hér og í öðrum löndum:   

 

Ef hingað leita í dýrum draumum,

daprir hælisleitendur

koma líka í stríðum straumum

staðnir bælisleitendur?

Nota Airbnb fyrir skyndikynni