Fjölbreytilegri áhrif hér á landi en víðast annars staðar.

Ótal fróðlegar upplýsingar komu fram á góðum fundi um loftslagsmál, sem haldinn var í Háskólabíói í kvðld. 

Eitt atriðið var það, að jafnvel þótt hlýnun loftslags á jðrðinni fari ekki yfir 1,5 gráðu muni kóralrif og kórallar dragast saman um 70 prósent í höfunum vegna súrnunar þeirra. 

En þetta lífríki er undirstaða fjórðungi lífs heimshafaanna.

Í ljósi þessa er dapurlegt að sjá grein í Morgunblaðinu í dag þar sem nánast er hrópað á það að auka koldíoxíð í andrúmsloftinu sem allra mest og þar með súrnun hafanna. 

Á fundinum í gærkvöldi skýrðist enn frekar sú mynd, sem síðuhafi vakti athygli á á svonefndu Evrópuþingi dreifbýlsins, sem haldið var í Venhorst í Hollandi í október 2017 og hafði sem megin þema umhverfismál og sjálfbæra þróun.

Urðu margir fulltrúar undrandi þegar þeir fréttu af hinum fjölþættu afleiðingum sem hlýnun geti haft á Íslandi. 

Ísland er til dæmis eina landið þar sem hvarf jöklanna mun lyfta landinu og með því auka tíðni eldgosa með tilheyrandi hamfaraflóðum og öskufalli, sem getur haft áhrif um alla jarðarkringluna. 

Þar að auki veldur það að öskulögin í jöklunum koma betur í ljós við bráðnun því, að jöklarnir kasta minna sólarljósi frá sér og bráðna því enn hraðar. 

Stórir, nýir firðir eða djúp vötn á borð við Jökulsárlón og komandi Skeiðarárlón, eru hluti af stórfelldum breytingum á landinu samfara dauða jöklanna.

Á Suðausturlandi hækkar land um 2,7 sm á ári, en það gerir tæpa 3 metra á öld.  

Fuglategundir og fiskistofnar eru þegar byrjaðir að breytast og flóra landsins sömuleiðis.  

P.S. 

Vegna ummæla Halldórs Jónssonar í athugasemd um að CO" sé í sögulegu lágmarki einmitt núna, er hér línuritið sem hann byggir þessa fullyrðingu á. 

Ef slegið er máli á þykkt línanna sést að breidd þeirra er 50-200 þúsund ár, þannig að sveiflur siðustu tugþúsunda ára drukkna inni í línunum. 

Enda er út í hött að vera að miðað við ástand jarðar og lífs á henni hundruðum milljóna ára áður en maðurinn kom fram á sjónarsviðið.  

Jöklarnir munu hverfa innan 200 ára

Sullenberger fékk 38 sekúndur.

Í upphafi rannsóknar bandarískra flugmálayfirvalda á nauðlendingu Sullenbergers flugstjóra á Hudson ánni eftir að fuglar slógu út báðum hreyflum vélarinnar skömmu eftir flugtak, var í fyrstu reynt að sýna fram á að ef hann hefði brugðist strax rétt við, hefði hann getað snúið þotunni við og svifið henni til baka inn til brottfararflugvallar. 

Þetta var niðurstaða eftirlíkinga í flughermum. 

Sullenberger benti á, að því aðeins gat hann brugðist svona skjótt við ef hann vissi fyrirfram um hvað væri að ræða, en hann væri hins vegar maður en ekki vélmenni og hafði því þurft tíma í stað þess að rasa um ráð fram. 

Fékk hann því framgengt að gert væri ráð fyrir að hann fengi 38 sekúndur til þess að finna út hvað hægt væri að gera og að eftir því yrði líkt í flughermum. . 

Þegar það var gert og atvikið sett í flughermi, kom í ljósa að nauðlending á ánni var lang skásti kosturinn, því að vélin dró hvergi inn til vallanna, sem næstir voru. 

Örfáar sekúndur til eða frá geta skipt sköpum og talan 40 sekúndur hjá flugmönnum Lion Air segir sína sögu. 

Líktu eftir flugslysinu í flughermi

Stikkprufur segja ekki allt í flugfargjöldum.

Að taka afar takmarkaðar stikkprufur varðandi flugfargjöld á einni leið um eina helgi er afar takmörkuð aðferð til að alhæfa um farmiðaverð. 

Sem dæmi má nefna að fyrir tveimur vikum fékkst far á milli Brussel og Keflavíkur með eina ferðatösku meðferðis fyrir 44.500 hjá WOW air en 58.000 hjá Icelandair, og þessi verðmunur er allur annar en birtur er í stikkprufu í tengdri frétt á mbl.is. 

Brusselflugið hjá WOW var keypt með þriggja vikna fyrirvara en hjá Icelandair með eins dags fyrirvara. 

Breyturnar eru það margar og fjölbreytning það mikil að það þarf margfalt viðameiri könnun en eins konar stikkprufur til þess að sjá rétta mynd. 

100 þúsund krónum ódýrara með WOW

Aðferð heimsmeistara: Að taka sér tíma og þreyta andstæðinginn.

Tveir fyrstu leikir íslenska landsliðsins í undankeppni EM karla voru næsta keimlíkir hvað það varðaði að í báðum var annað liðið klassa ofar hinu að getu og nýtti sér það. 

Íslendingar tóku sér góðan tíma í Androrra til þess að yfirspila andstæðinginn af þolinmæði og fara ekkert á taugum þótt síðara markið kæmi ekki strax. 

Smám saman þreyttist lið örþjóðar, sem er fimm sinnum fámennari en Íslendingar og á ekki jafn mikið úrval af leikmönnum sem spila með þeim bestu í atvinnumennsku í öðrum löndum. 

Í París voru sjálfir heimsmeistararnir í stöðu stórþjóðar á heimavelli í leik gegn liði 150 sinnum fámennari þjóðar. 

Þegar staða leikmanna beggja liða er skoðuð sést vel, að heimsmeistararnir eiga sterkara lið mann fyrir mann, fleiri menn í byrjunarliðum þeirra besgtu í atvinnumennskunni. 

Frakkarnir tóku sér nógan tíma og urðu ekkert ´órólegir, þótt mörkin stæðu á sér. 

Á kköflum léku þeir leiðinlega knattspyrnu sem buyggðist á meiri færni í samspili og sterkara liði mann fyrir mann, sem hélt boltanum og lét andstæðingina hlaupa langtímum saman án boltans. 

Þegar leið á leikinn fóru mikil hlaup íslenska liðsins í þessum eltingaleik að taka sinn toll í snerpu. 

Í flestum markanna munaði kannski ekki nema einu feti í staðsetningum leikmanna á því hvort árás heppnaðist eða ekki, ævinlega heimsmeisturunum í vil. 

Íslenska liðið reyndi hvað það gat að hamla gegn augljósum og eðlilegum gæðamun á heimsmeisturum og næstu liðum fyrir neðan þá. 

Það er engin skömm að tapa slíkum leik, þótt margir felli harða dóma. 

Áfram, Ísland! 

Heimsmeistararnir standa fyrir kennslustund.

Frönsku heimsmeistararnir í knattspyrnu hafa staðið fyrir kennslustund í kvöld í leik Frakka og Íslendinga. 

Við því er lítið að segja. Heimsmeistaraliðið er klassa fyrir ofan liðið okkar og raðar inn glæsimörkum fyrir fullum heimaleikvangi.

"Það er ekkert öðruvísi" myndi Bubbi segja. 

Heimsmeistararnir léku Íslendinga grátt

"Ævintýrin enn gerast"?

Síðuhafi fór dálítið glannalega fyrir um hálfri öld þegar hann lagði hljómsveitinni Ævintýri orð í munn. "Þá förum við til tunglsins upp á grín" var dæmi um slíkt. 

En nýjasta fréttin af WOW air felur í sér ævintýri ef þessi nýjasta áætlun gengur eftir. 

Kröfuhafar hlynntir endurreisn WOW air

Saving WOW? How?

Það var kannski möguleiki á að halda WOW air á floti um skamma hríð þegar eldsneytisverð rauk upp og gera það í þeirri von að verðið lækkaði fljótlega aftur. 

En slik staða er ævinlega vandmeðfarin, því að þegar byrjað er að bíða og taka áhættu, er alltaf erfitt að ákveða, hvenær rétti tíminn er til að gera ráðstafanir. 

Það er svona eins og að standa fyrir framan spilasjálfsala og hætta leiknum þegar hann hefur gengið vel í byrjun.

Um daginn fór síðuhafi með vél WOW air frá Brussel til Íslands, og enda þótt ein flugferð segi svo sem ekki neitt, vakti það ekkert sérlega mikla bjartsýni að sjá, að nóg var af lausum sætum, því að fleiri í vélinni voru auð en setin.

Þetta var augljóslega ekki ferð til fjár fyrir flugrekandann.  

Fyrir um 40 árum var svart útlit í íslensku millilandaflugi. 

Þá var einboðið að ekki var hægt að láta lífæðina rofna. 

Nú eru aðstæður allt aðrar, tugir flugfélaga fljúga milli Íslands og annrra landa og eins dauði getur orðið annars brauð. 

Barátta og sóknarhugur Skúla Mogensen hefur verið aðdáunverður en aðstæðurnar snerust harkalega í óhag og því virðist það, sem framundan er, verða dauðastríð framsækins flugfélags, því miður.  

 

 

 

 

Ólíklegt að skuldum verði breytt í hlutafé

Stefnir í stærsta mögulega vandræðahnút kjaramála?

Engu er líkara en að einhver fjarlæg risahönd stjórni þeirri atburðarás, sem fer í hönd á næstu vikum og stýri stórviðburðum í viðskipta- og atvinnulífi í stærsta mögulega vandræðahnútinn sem hugsast getur. 

Vandræði, óvissa og fyrirsjáanlegt gjaldþrot WOW air virðast eru nú vea að bætast ofan á allt það sem er að hlaypa kjaramálum upp á illleysanlegan hátt. 

Nú mun reyna á þolrif allra sem eru að dragast inn í alveg nýtt ástand á þessu sviði. 

Í öllu þessu umróti virðist eitt þó ætla að verða skýrt þegar heildarlausnin er skoðuð: Sjálftökukjarabótin sem elítan skenkti sér verður ekki hreyfð né möguleikar á að hækka skatta á þá sem mest bera úr býtum. 

 

Fundinum slitið vegna WOW air

Það er líklega best að þetta sé langhlaup í rétta átt.

Síðuhafi hefur lengi dáðst að Bergþóri Pálssyni, til dæmis fyrir átakið í líkamsrækt sem hann hefur farið í með glæailegum árangri. 

Hins vegar geyma sögur margra dæmi um um vonbrigði vegna þess að eftir geysilegan árangur á undra stuttum tíma hefur oft komið lygilega mikið bakslag. 

15 kílóa létting er í raun meiri létting, því að á sama tíma efldi Bergþór vöðvamassa sinn og vöðvar eru þyngri en fita. 

Síðuhafi var orðinn 97 kíló í lok október, en samkvæmt formúlunni, sem flestir nota, er það við mörk þess að vera frekar feitlaginn / of þungur. 

Fordæmi Bergþórs, - en einnig bakslög hjá öðrum, hefur sannfært mig um að of grimmt svelti geti komið mönnum í koll á þann veg, að líkaminn bregðist við sveltinu með því að breyta efnaskiptum til mótvægis. 

Því skipti miklu að gera þetta hægt, en þó ævinlega í rétta átt, jafnvel þótt þyngdin standi í stað í nokkrar vikur. 

Síðuhafi hóf því kúr í lok október og setti sér það markmið að byrja á því að létta sig um tíu kíló, en þó ekki hraðar en 1,5 kíló á mánuði. 

Í janúarbyrjun settu axlarbrot og fleiri meiðsli í umferðarslysi strik í reikninginn næstu átta vikurnar, vegna hreyfingarleysis, og í kjölfarið nú í mars kom fyrsta flensan með snert af lungnabólgu í heil 20 ár og truflaði endurhæfinguna eftir slysið í hálfan mánuð. 

Nú er ég orðinn nógu góður til að hlaupa að nýju upp fjórar hæðir á 30 sekúndum í líkamsrækt minni og hef létt mig um 9 kíló á tæpum sex mánuðum, þrátt fyrir áföllin, eða um 1,5 kíló á mánuði, - en 2,5 kíló á mánuði ef veikindakaflarnir eru dregnir frá. 

Átakið byggist ekki á neinu allsherjar banni, heldur á því neyta minna af öllu en áður, vigta mig tvisvar á hverjum degi og hafa strangt eftirlit og aðhald varðandi það sem borðað er. 

Samfelld vigtun miðar að því að þyngjast ekki meira en eitt kíló, ef svo ber undir, en þyngd flestra sveiflast í allt að eitt kíló í dagssveiflum, og það kemur fyrir að kíló bætist við í takmarkaðan tíma. 

 

 

Bergþór Pálsson „féll“ í gær

Hve oft og lengi á að þurfa að benda á þetta?

Það eru mörg ár síðan byrjað var að benda á að við Íslendingar stefndum í að fara skelfilegar hrakfarir vegna stórslyss á hafinu í kringum landið, sem við væru algerlega óviðbúnir. 

Frá því að þetta var fyrst rætt hefur orðið sprenging í fjölda ferðamanna og skemmtiferðaskipa en samt hefur verið sofið á verðinum. 

Hvað á að þurfa að segja þetta oft áður en brugðist verður við. Hve lengi ætla menn að spila þessa hrikalega háskalegu rússnesku rúllettu? 

Þarf virkilega að bíða eftir því að allt fari á versta veg áður en brugðist verði við augljósri vá?

„Okkur er öllum brugðið“